Edinborgarhús, Bolafjall, Skálavík og Ísafjörður.

Í Edinborgarhúsi er flottasta kaffihús á Íslandi í dag, við viljum helst bara vera hér, nú sit ég hér með tölvuna og blogga en það er ekki hægt á Hótel Eddu nema staðsetja sig í lobbíinu í sófa og ég nenni því ekki. Edinborgarkaffihúsið er rekið af Helgu Völu f.v. bloggvinkonu en hún er farin yfir á Eyjuna. Snúran á myndavélinni gleymdist heima og get ég því miður ekki sett myndir inn en kannski seinna.

Upp á Bolafjall fórum við í morgun, bara ótrúlegt hvað gert er í þágu hernaðar - en við njótum góðs af veginum og útsýnið er óþægilega ægifagurt. Stundum verð ég hrædd við náttúruna. Þaðan fórum við til Skálavíkur, sögusvið Heimsljóss.

Halldór Egill, það er hægt að fara þangað á venjulegum fólksbíl, þetta er bara eins og gömlu sveitavegirnir!

Bærinn Ísafjörður er ótrúlega sundurleitur í byggingastíl en ekki í skipulagi, samt svo stabilseraður og fallegur. Það er stanslaust hægt að finna hús frá 1780 til dagsins í dag

Á morgun förum við frá Ísafirði áleiðis til Tálknafjarðar og tökum einhverja fleiri firði í leiðinni.

SKJÁUMST

Athugasemdir

[Jóna Á. Gísladóttir, 18.7.2007 kl. 22:36]

Ég hef einu sinni komið til Ísafjarðar. Ægifagurt en ég held mér þætti ég ansi innilokuð á veturna.

[Jenný Anna Baldursdóttir, 19.7.2007 kl. 00:06]

Ég hef aldrei á vestfirðina komið.  Á það eftir.  1000 kossar og góða skemmtun á ferðalaginu.

[Marta B Helgadóttir, 20.7.2007 kl. 01:13]

Góða ferð áfram. Taktu vel eftir gróðursældinni í Dýrafirði, þar er skjólsælla en víða annarsstaðar á fjörðunum. Í botni Dýrafjarðar eru ræktaðar plöntur sem almennt ekki þrífast á okkar breiddargráðu og það er vegna þess að vindurinn fær ekki að drepa niður gróðurinn. Það hefur aldrei fallið snjóflóð í Dýrafirði!

[Marta B Helgadóttir, 21.7.2007 kl. 16:21]

Hlakka til að sjá myndir frá þér - þó síðar verði.