Siðareglur

Þetta snýst ekki bara um glæpamenn eins fram hefur komið hjá einhverjum í bloggheimum, heldur almennt siðgæði og mér finnst að það ætti að gilda líka fyrir kennara í fullorðinsfræðslu þ. e. háskólstig og fleira. Nemendur hafa þurft að flýja eða hætta námi vegna ástarsambands við kennara.

Þetta er ekkert minna mál fyrir kennara frekar en lækna og sálfræðinga og ætti að gilda um allar starfsstéttir sem hafa skjólstæðinga eða börn/fólk í sinni umsjá.

Ég er á því að taka eigi umræðuna innan kennarasamtakanna á öllum skólastigum. 

Vill siðareglur fyrir starfsstéttir sem vinna með börnum

Athugasemdir

[Ásdís Sigurðardóttir, 19.12.2007 kl. 16:55]

Er sammála þér og tel að þörf sé á þessu nú til dags.  Kveðja

[Jenný Anna Baldursdóttir, 19.12.2007 kl. 17:17]

Eg skil ekki að þetta skuli ekki fyrir löngu síðan hafa verið gert, þ.e. að semja siðareglur fyrir kennarastéttina.

Svo finnst mér Eiríkur svona frekar góður með sig að ætla að kennarar séu hafnir yfir mannlega bresti.

[Aldan (IP-tala skráð) 19.12.2007 kl. 17:56]

Mjög sammála því sem hér kemur fram - það er hollt og gott að hafa umræðu um þessa hluti á öllum skólastigum.

Jenný, það eru reyndar til siðareglur fyrir kennara - http://ki.is/pages/1365.  Þar kemur fram í annarri grein: "Kennurum ber að virða réttindi nemenda og hafa hagsmuni þeirra að leiðarljósi, efla sjálfsmynd þeirra og sýna sérhverjum einstaklingi virðingu, áhuga og umhyggju."

Þarna myndi ég til dæmis (sem kennari) túlka greinina sem svo að "ástar"/kynferðissamband væri algjörlega út úr myndinni, enda væri þá ekki verið að virða réttindi nemandans eða hafa hagsmuni hans að leiðarljósi.

[Marta B Helgadóttir, 19.12.2007 kl. 18:23]

Tek undir þetta, það er full þörf á þessu.

[Gísli Baldvinsson (IP-tala skráð) 19.12.2007 kl. 20:18]

Þessi umræða hefur farið fram þing eftir þing, bæði hjá gamla Kennarasambandsins og þess nýja. Við erum bara ekki komin lengra. Sumar stéttir innan KÍ hafna siðareglum, því miður.

[Hrafnhildur Ýr Vilbertsdóttir, 19.12.2007 kl. 21:40]

Tek undir þetta

[Jóhanna Magnúsar- og Völudóttir , 20.12.2007 kl. 09:50]

Verð að viðurkenna að ég hélt að svona reglur væru til (og ætti að vita það!)

[Sunna Dóra Möller, 20.12.2007 kl. 10:10]

Tek undir þetta líka! Siðareglur eru nauðsynlegar í hverri stétt og sérstaklega hjá þeim sem að vinna með börnum!