Bækur, gjafir og barnabörnin.

Ein af bókunum sem ég fékk í jólagjöf er "Vestanvindur" Ólínar Þorvarðardóttur, ég fékk reyndar tvær og á eftir að skipta henni, fæ mér líklegast aðra ljóðabók eftir konu.

Eitt af ljóðum Ólínar heitir "Áramót" og er svona:

Enn vaggar tíminn

nýfæddu ári

í faðmi sínum

 

við deyjandi glæður

af bálför þess liðna

horfa hvívoðungsaugu

í myrkar sjónir

óræðrar fyrndar

 

Önnur ljóð sem mér finnst góð eru, Mæði, Fóbía, Tilfinningalíf, Á sviði, Jólanótt og Augu barns. Ég hef ekki náð að lesa allt og svo þarf ég líka að lesa aftur og aftur, það er það yndislega við ljóðabækur.

Ég fékk málaða mynd í jólagjöf frá Magneu litlu ens og hálfs árs, mamma hennar og pabbi létu hana mála með fingrunum á mörg karton í einu og svo voru þær klipptar niður í ramma handa mörgum í fjölskyldunni.

 

 

 

 

 

 

 

Hér eru myndir af Magneu að mála og svo afraksturinn komin í ramma og ég fékk þessa þriðju frá vinstri. Nú er Magnea að fara heim aðfaranótt nýársdags aftur til Kaupmannahafnar. Ég á eftir að sagna hennar mikið.

Þarna eru Jón Geir og Edda (fjær) tvíburar 4 ára og Ylfa Eir 6 ára hér fyrir framan búin að missa tvær framtennur í efri góm. Hér busla þau í pottinum hjá  ömmu Eddu og afa Bigga. Edda litla er veik heima hjá afa Hannesi í Garðabæ og mamma hennar er að stíga upp úr veikindum. Þau fara ekki fyrr en  5. janúar.

Athugasemdir

[Páll Jóhannesson, 30.12.2007 kl. 22:56]

Innlit og kvitt. Góða áramótakveðjur.

[Ingibjörg Friðriksdóttir, 30.12.2007 kl. 23:13]

Falleg ljóð og enn fallegri börn.

Hafðu það gott yfir áramótin, vonandi heilsar nýtt ár með ljúfum blæstri. 

[Anna Einarsdóttir, 30.12.2007 kl. 23:33]

Svakalega góð hugmynd, að láta barnið mála svona.... mjög flott útkoma. 

Gleðiegt ár 2008, Edda og fjölskylda. 

[Ólöf Jóhanna Pálsdóttir, 31.12.2007 kl. 11:00]

Greinilega listakona á ferð, hún Magnea litla. Skemmtileg hugmynd að leyfa barninu að mála. Börn eru svo einlæg og leggja svo mikla alúð í þar sem þau skapa. Ég veit þú ert eftir að sakna hennar.

Gleðilegt ár. 

[Marta B Helgadóttir, 31.12.2007 kl. 11:04]

Vil bara óska þér gleðilegs árs og þakka fyrir skemmtileg bloggsamskipti á árinu.

[Ólína Kjerúlf Þorvarðardóttir, 31.12.2007 kl. 14:45]

Kæra Edda.

Ég óska þér og fjölskyldu þinni gleðilegs árs og þakka þér kærlega fyrir góð og skemmtileg samskipti bæði hér á blogginu og annarsstaðar á liðnu ári.

[Gísli Baldvinsson (IP-tala skráð) 31.12.2007 kl. 16:25]

Gleðilegt nýtt ár Edda. Þakka kallatomm-árið sem er að líða.

[Brattur, 31.12.2007 kl. 16:33]

... gleðilegt ár Edda til þín og þinna... takk fyrir góð kynni á árinu...