Krúttalegur strákur en góður leikari.

 

                                                

Horfði á myndina Knight's Tale með Heath Ledger í gærkvöldi í danska sjónvarpinu. Hef séð  hana áður, en horfði á hana öðruvísi núna, aðallega á Ledger. Ótrúlega  góður leikari og skemmtilegt og svipbrigðamikið andlit. Myndin er frá 2001 og hann aðeins 22 ára.

Ég uppgötvaði hann í þætti hjá Jay Leno fyrir nokkrum árum og þá var hann að leika í myndinni The Patriot sem gerð var árið 2000, þar lék hann annað aðalhlutverkið á móti Mel Gibson, flott mynd. Í þeirri mynd lék líka Joely Richardsson sem er dóttir hinnar miklu baráttuleikkonu Vanessu Redgrave.

Svo kom frægasta myndin með honum árið 2005 Brokeback Montain sem hafði mikil áhrif á leiklistarferil Ledger og líka á hans einkalíf. Þar hitti hann leikkonuna Michelle Williams og eignaðist með henni dóttur  og er Jake Gyllenhaal  sem lék á móti honum guðfaðir barnsins. Það er greinilegt að þau þrjú hafa þurft að leggja mikið á sig fyrir þessa mynd og bundist órjúfanlegum böndum við gerð hennar

En einhver klikkun er í gangi í BNA því nú hafa einhverjir farið af stað með mótmæli gegn minningu leikarans af því að hann lék HOMMA!

Minningarathöfn um Ledger fer fram í Los Angeles

Athugasemdir

[Hrafnhildur Ýr Vilbertsdóttir, 26.1.2008 kl. 13:57]

Af því að hann lék homma?.......er heimurinn fullur af hálvitum......

Á svo ekki að fara drífa sig í bíó, á Íslensku myndina? það algjört möst

[Ingigerður Friðgeirsdóttir, 26.1.2008 kl. 15:25]

Svona er Ameríka í dag !

[Páll Jóhannesson, 26.1.2008 kl. 15:41]

Vissulega lúkkar hann vel - en ég er nú ekki meiri bíógúrú en það að ég kannast ekkert við kauða.

Þetta með homma, lesbíur og fordóma, fordómarnir eru allt í kringum okkar líka hér á litla Íslandi, því miður.

Kvitt. Palli Jóh.

[Jenný Anna Baldursdóttir, 26.1.2008 kl. 16:54]

Frábær talent þessi strákur en sorglegur endir á stuttu lífi.

Kemur mér ekki á óvart þetta með trúarhópana sem svívirða hann vegna þess að hann lék homma.  En þeir eru á Guðs vegum audda? Fíbbl.

[Ingibjörg Friðriksdóttir, 26.1.2008 kl. 19:24]

Búin að sjá að það búa allskonar vitleysingar í öllum löndum og það ber sko sannarlega mikið á þeim.  Þetta er eins og í skólanum, það ber mest á þeim sem mestir eru fyrir sér, en við megum samt ekki gleyma því. að í þeim hópi leynast snillingar.

[Kolgrima, 27.1.2008 kl. 04:08]

Ég get eiginlega ekki talað um hvað það er sorglegt þegar ungt fólk fellur frá.

Hins vegar finnst mér rétt að vara fólk við því að segja opinberlega fólk er fíbbbl. Sá nefnilega Kristin segja þetta í sjónvarpinu í tengslum við olíusamráðsmálið og ekki svo löngu síðar tapaði hann fjárfestsingarfélagi og milljörðum.

Það sem ég veit ekki enn er hvort fólk sem tapar milljörðum sé líklegra en aðrir til að segja fólk er fíbl, eða hvort þeir sem segja fólk er fíbl séu líklegri en aðrir til að tapa milljörðum (eða bara svona handhægu lausafé).

Og svo mæli ég með því að Íslendingar standi vörð um ekki svo sjálfsögð réttindi samkynhneigðra og ekki svo sjálfsagðan árangur í jafnréttismálum; efli hann og styrki með ráðum og dáð, samfélaginu til heilla.

[Edda Agnarsdóttir, 27.1.2008 kl. 16:56]

Hallgerður, það er sko heimurinn!

Kolgríma, við megum aldrei gleyma réttindabaráttu samkynhneigðra, þetta er besta fólkið!

Gunnar, ég þori ekki að taka undir með þér eftir gagnrýni Kolgrímu sem á rétt á sér - en stundum verður manni heitt í hamsi.

Jú jú mikil lifandi ósköp, það eru snillingar í þeim fyrirferðamiklu, en ég held að það finnist ennþá meiri snilld hjá þeim samkynhneigðu Ingibjörg!

Jenný, þetta er svo sorglegt að ég hugsaði bara um mína fjóra stráka í þessu samhengi, allt lífið framundan og kannski fullkomnunaráráttan að fara með ungt fólk - hver veit?

Páll, þess vegna er svo mikilvægt að gleyma ekki baráttunni!

Ingigerður, þeir hafa að minnsta kosti áhyggjur í henni Hollywod núna yfir því hvað það er mikið af ungu fólki í show bransanum sem ræður ekki við álagið!

Krumma og Einar, ég veit ekki um hálfvitana en það er allavega mikið að! Ég fer að sjá Brúðkaupið ákveðið.