Mæðgur komu frá DK í mýflugumynd um helgina og afmæliskaffi hjá Eyrúnu í gær.

Aldís tengdadóttir mín og Magnea litla rúsína komu á fimmtudagskvöldið til Íslands. Mamman kom til að gæsa vinkonu sína á mótorhjólum, flugvél, spa og út að borða á laugardaginn. Á meðan var Magnea litla hjá ömmu Signý og afa Páli í Laxakvíslinni. Ég og afi Birgir fórum í bæinn á laugardagsmorgunin til að hitta hana og aftur í gær.

 

 

 

 

 

 

 

                               Hér er Magnea heima hjá ömmu Signý og afa Páli.

Í gær komu þær mæðgur í afmælisboð til Eyrúnar Aradóttur bróðurdóttur minnar sem verður 11 á morgun. Ég fékk hana s.s. í afmælisgjöf fyrir ellefu árum. Þar var margt um manninn eins og venjulega heima hjá bróður mínum og mágkonu, Védísi sem búa á Melhaganum og eiga þrjú börn. Ari er litli bróðir minn, samt bara tíu árum yngri og fór dáldið á seinni skipunum í barneign þannig að börnin hans eru af kynslóð barnnabarna minna.                 

 

Hér eru börnin hans Ara bróður: Eyrún 11 ára, Egill 9 ára og Hrafn (Krummi) 5 ára.

 

Við komum við hjá pabba í lok dags til að leyfa honum að berja Magneu augum , en Magnea var feimin við hann og pínulítið skelkuð. Pabbi er líka skrýtinn útlits í veikindunum og getur ekki talað. Samt náðist ágætis mynd af honum og er Aldís og Magnea með á myndinni en litla mús hjúfrar sig að mömmu sinni.                                                              

 

                                                                             

 

 

 

Að síðustu er það mynd af okkur þremur á kveðju stund fyrir utan spítalann í gær. Íslenskt rok mjög viðeigandi og þær komnar heim í sumarhitann eða 30 stiga hita.

 

Athugasemdir

[Ásdís Sigurðardóttir, 12.5.2008 kl. 18:36]

Yndislegar myndir.  Innilega til hamingju með afmælið elsku Edda mín. Alltaf gaman að hitta fólkið sitt þótt stutt sé.  Knús

[Hrafnhildur Ýr Vilbertsdóttir, 12.5.2008 kl. 20:29]

Yndislega falleg börn.....maður er svo ríkur að eiga afkomendur...

[Aldís og Magnea (IP-tala skráð) 12.5.2008 kl. 20:55]

Takk fyrir samveruna :o)

Við erum komnar heilar heim, og Magnea fór beint út á róló með pabba sínum.. rosalega glöð að sjá hann !!

Svo sötruðum við súpu í kvöldmatinn, og magnaða litla sofnaði bara ofaní skálina sína !

- alveg búin á´ðí, eftir allt ferðalagið ;o)

Biðjum kærlega að heilsa heim *mwa*

[Ingibjörg Friðriksdóttir, 12.5.2008 kl. 21:24]

Flottar myndir

[Edda Agnarsdóttir, 12.5.2008 kl. 22:28]

Takk kærlega fyrir afmæliskveðjurnar Ásdís mín - ég á samt ekki ammæli fyrr en á morgun!

Krumma mín nú öfunda ég þig kéddling, með útskriftasýninguna og barnabarnið nýja! Var ég annars búin að segja til hamingju ? Ég man það ekki en geri það núna!

Aldís, gott að heyra frá ykkur - mikið hefur litla músin verið orðin þreytt - knús!

Takk fyrir innlitið Ingibjörg - þær mega líka vera flottar ég er búin að eyða miklum tíma í þær við lagfæringar og innsetningu á bloggið. Ég tók þær allar sjálf nema síðustu og er nokkuð stolt af þeim.

[Jenný Anna Baldursdóttir, 12.5.2008 kl. 22:42]

Til hamingju með afmælið Edda mín.

Þau eru öll sæt þessi börn.  Enda eiga þau ekki langt að sækja í brunninn.

[Edda Agnarsdóttir, 12.5.2008 kl. 23:45]

Takk fyrir afmæliskveðjurnar Jenný mín - og falleg komment á börnin.

[Marta B Helgadóttir, 13.5.2008 kl. 09:10]

Flottar myndir Edda.

[Signý Kjartansdóttir (IP-tala skráð) 13.5.2008 kl. 09:36]

Til hamingju með afmælið Edda ;o) Gaman að sjá Magneu þótt hvítasunnuhnúturinn sé að leysast upp á annars mjög fínum myndum hjá þér. Gott að þau koma öll bráðum aftur. Kv. Signý

[Ingibjörg Friðriksdóttir, 13.5.2008 kl. 09:57]

Til hamingju með að vera maí stjarna eins og sumir hverjir aðrir góðir menn og konur

[Edda Agnarsdóttir, 13.5.2008 kl. 10:25]

Takk Marta!

Signý, takk fyrir afmæliskveðjuna og þú sérð hér að ofan kommentið frá Aldísi! Ég held bara að myndirnar séu nokkuð góðar!

Takk Ingibjörg, þetta er splunkunýtt fyrir mig að vera maístjarna - takk!

[Ólöf Jóhanna Pálsdóttir, 13.5.2008 kl. 16:33]

Til hamingju með daginn og flottu myndirnar.

[Kolgrima, 13.5.2008 kl. 19:46]

Til hamingju með afmælið Þetta eru geggjaðar myndir af yndislegu fólki

[Aldís (IP-tala skráð) 13.5.2008 kl. 21:21]

Til Lukku með Daginn !!! :o)

Vona að þú hafir gúffað í þig köku og sælgæti :o)

..namm namm !!

- og kannski Bigga ís, sem er n.b. BEZTI ÍS í HEIMI !!

[Edda Agnarsdóttir, 14.5.2008 kl. 13:00]

Takk fyrir innlitið, Ægir, Aldís, Hallgerður, Ragnhildur og Ólöf. Takk fyrir afmæliskveðjurnar líka.

[Ingibjörg Friðriksdóttir, 15.5.2008 kl. 14:32]

Þetta eru nú meiri sætulingarnir sem þú átt Edda

[Lilja Guðrún Þorvaldsdóttir, 17.5.2008 kl. 02:04]

Æ, hvað hún er sæt. - Ó, finnst þér ekki erfitt að hafa hana svona langt í burtu?

 Man svo vel eftir honum pabba þínum.  Hann hefur verið veikur er það ekki?- Hann var alltaf svo glaður og hress.

[Brynja skordal, 18.5.2008 kl. 00:38]

Til hamingju með Afmælið þó seint sé hafðu ljúfan sunnudag Elskuleg

[Jóna Á. Gísladóttir, 18.5.2008 kl. 13:49]

Síðbúnar afmæliskveðjur til þín Edda mín

Ari bróðir er náttúrlega forríkur maður og þú efnuð kona. Falleg fjölskyldan þín. Ómetanlegt að eiga þau. En það veistu nú þegar.

[Magnús Paul Korntop, 18.5.2008 kl. 15:36]

Til hamingju með afmælið Edda og mergjaðar myndir af börnunum,já að eiga Ara sem bróður er alveg geggjað,enda hefur hann kennt mér söng og verið í hljómsveit með mér í Fjölmennt í bráðum 10 frábær ár.

[Huld S. Ringsted, 18.5.2008 kl. 16:32]

Gaman að sjá krakkana hans Ara, við vorum ágætis vinir þegar við vorum krakkar Takk fyrir að taka við mér sem bloggvin, ætlaði að vera búin að senda óskina fyrir löngu síðan.

[Edda Agnarsdóttir, 18.5.2008 kl. 16:50]

Nú á ég ekki orð! Hvar varst þú Hrund að leika við Ara?

Magnús, ertu að segja satt? Það er aldrei að fólk hér á bloggi þekkir til minna! Takk fyrir innlitið og afmæliskveðjur.

Jóna mín, ég var farin að sakna þín - hélt að þú værir búin að yfirgefa mig! En fór alltaf í Pollýönnu og sagði mér sjálf, hún hefur svo mikið að gera!

Takk fyrir Brynja og sömuleiðis.

Jú það er oft erfitt að hafa sætulingana í burtu - en kannski finnast líkar plúsar í því, þ.e.a.s. ef þau væru öll hér þá ætti ég kannski erfitt með að uppfylla ömmuskyldur, því þessi amma er í 100% vinnu og ég hugsa oft um það að það væri bara ekki hægt ef þau væru öll í n´lægð við mig. Ég á eina vinkonu sem er alltaf með ömmudag einu sinni í viku, á miðvikudögum er opið hús fyrir öll barnabörn!

takk fyrir innlitið Guðrún og Ingibjörg. 

[Huld S. Ringsted, 18.5.2008 kl. 16:55]

Það er ekki hægt að segja að við höfum leikið okkur saman en það kannski segir þér eitthvað að mömmur okkar eru saman á Spáni núna

[Edda Agnarsdóttir, 18.5.2008 kl. 17:48]

Ja hérna nú er ég svo aldeilis hlessa! Ég hef meira segja heilsað upp á hana mömmu þína á Svalbarðsströndinni! Er hún ekki búandi þar ennþá?

En ég man aldrei eftir að hafa þekkt börnin hennar - samt kom ég oft til Akureyrar barn að aldri og eitt sumar var ég á Rifkelsstöðum í sveit.

Þær kellurnar voru í fínu formi í dag - Gyða systir mín hringdi í mömmu og þær voru þá saman í leigubíl og allt í góðu lagi.

[Huld S. Ringsted, 18.5.2008 kl. 19:04]

Jú þau búa ennþá á Svalbarðsströnd.  Ari og tvíburarnir eru þau einu af ykkur sem ég hef hitt. Gaman að fá fréttir af kellum þarna úti, þær eru örugglega flottar saman

[Signý Kjartansdóttir (IP-tala skráð) 20.5.2008 kl. 12:07]

býð þér og Bigga á stofutónleika að Gljúfrasteini með Laufeyju og Páli, sunnudaginn 1.júní nk. kl. 15:00. Kv. Signý