Bráðum sér fyrir endann á þessum...

27.5.2008 | 09:37

Bráðum sér fyrir endann á þessum skólavetri...

... og af því tilefni ætla ég að setja inn eina mjög þægilega og góða uppskrift af pizzadeigi sem slegið hefur í gegn hér í Heimilisfræði í vetur. Hún er svona:

Pitsubotn með lyftidufti. Hráefni:

2 dl hveiti

1 tsk lyftiduft

1/8 tsk salt

½ tsk pitsukrydd

1 msk matarolía

1 dl mjólk

Aðferð:

Setjið þurrefnin í skál og blandið saman. Blandið mjólk og matarolíu út í, hrærið saman með sleif. Reynið að hræra ekki mikið.
2. Látið á borð og hnoðið þar til deigið verður samfellt. Ekki hnoða meira en nauðsynlegt er til að deiginu saman, því deigið vill verða seigt ef það er hnoðað.
3. Hveitistráið deigkökuna og fletjið út kringlótta köku u.þ.b. 20-25 cm í þvermál eða skiptið deiginu í tvennt og búið til tvær minni pitsur.
4. Látið á plötu og bakið í 3 mín. Við 2000°c.
5. Setjið pitsusósu, fyllingu og ost eftir smekk á botninn.
6. Bakið í u.þ.b. 10 mínútur eða þar til botninn er gegnbakaður og osturinn hefur fengið fallegan lit.

Munið bara að forbaka botninn í 3 - 5 mín. fer eftir ofnum. Öll uppskriftin passar á eina plötu.

Njótið vel!

Flokkur: Bloggar | Facebook

Athugasemdir

Takk fyrir þetta. Prufa um næstu helgi.

Jenný Anna Baldursdóttir, 27.5.2008 kl. 09:59

Takk fyrir mín kæra. Það er fátt sem jafnast á við góða, heimabakaða pizzu á föstudegi

Og takk fyrir falleg orð um ljóðabókina mína sem ég sá í athugasemd frá þér á síðunni hennar Jónu Ágústu

Ólína Kjerúlf Þorvarðardóttir, 27.5.2008 kl. 12:05

Mmmmmm..takk fyrir þetta..ég á örugglega eftir að prófa..

Hrafnhildur Ýr Vilbertsdóttir, 27.5.2008 kl. 12:35

Takk fyrir þetta ......hér á bæ eru heimatilbúnar pizzur uppáhald!!

Sunna Dóra Möller, 27.5.2008 kl. 17:29

Takk fyrir. Ég baka stundum pizzur, en mínar eru með þurrgeri.

Ólöf Jóhanna Pálsdóttir, 27.5.2008 kl. 19:37

Þess vegna setti ég þessa uppskrift inn Ólöf af því hún er með lyftidufti - sem er ótrúlega þægilegt og fljótlegt.

Sunna, það er gott að sjá að þú ert komin á kreik!

Krumma mín, þú tapar ekki á því að prófa þessa.

Ólína, það er yndislegt að hafa ljóðabækur við höndina og nú er þín búin að vera hér við hliðina á mér síðan á jólum. Svo þegar eitthvað er ekki alveg eins og það á að vera er gott að opna bókina og finna eitthvað við hæfi. Ég sendi kunningjakonu minni ljóðið "Dagskíma" sem er svo fallegt, um daginn að morgni dags og hún varð svo glöð, ég sendi það líka í þremur áföngum á þremur dögum.

Jenný láttu ekki happ úr hendi sleppa! Hún er góð.

Edda Agnarsdóttir, 27.5.2008 kl. 22:32