Ljós, Ljósa, Ljósmóðir. Mega börn ekki lengur fæðast?

Það virðist næsta tilgangslaust að konur auki við sig menntun. Þeim er umbunað með óvirðingu og fá meiri laun fyrir grunnmenntun sína en framhaldsmenntunina!

Hvað er þetta í fj... sem vinnur gegn konum í launum?

Fyrst þurfa þessar konur, (ég segi konur því ég veit ekki um íslenskan karlmann sem er ljósfaðir en gæti auðvitað verið), að læra hjúkrunarfræði og svo taka þær ljósmæðranám ofan á það, því ekki er lengur hægt að læra eingöngu ljósmóðurfræði eins og áður fyrr.

Nú er þetta sex ára nám í Háskóla og þær þurfa að berjast við ríkið til að fá leiðréttingu launa!

Látið mig bara vita ef þið vitið af einhverri karlastétt eða sem næst, með Háskólapróf upp á sex ár sem þyrftu að standa í þessu ströggli?

Neyðarmönnun hjá ljósmæðrum

Athugasemdir

[Sigríður Sigurðardóttir, 30.6.2008 kl. 15:15]

Ég er sammála þér, finnst þetta alveg ótrúlegt dæmi. Held að velflestar konur sem alið hafa af sér börn séu það, því þessar konur og karlar ef einhverjir eru eru að vinna svo mikilvægt starf. Fyrir mér allavega er ljósan "mín" hluti af minni reynslu og gleymist aldrei. Að fá ekki almennileg laun fyrir vinnuna sína er náttúrulega algjört hneyksli!