Sumarhúsakofar/gámar á lóðir í Reykjavík.

Það er dálítið fyndið að skoða þessa frétt af húsnæði í smíðum og einu tilbúnu af fjórum eða sex húsum sem setja á upp fyrir heimilislaust fólk eða "útigangsfólk"!

Hvaða reglugerðir eru allt í einu til sem leyfa byggingu á einhverjum sumarhúsakofum í Borginni sem hefur verið bannað með lögum frá því ég man eftir mér?

Ekki ætla ég að gera lítið úr þessum gámahúsum, en ég furða mig á því að það skuli ekki vera hægt að koma þessu fólki fyrir í venjulegum íbúðarhæfu húsnæði.

Það er gott til þess að vita þegar manns nánustu þurfa þessa aðstoð að þá verði það ekki tómir gámar, það  verður búið að fóðra þá að innan og setja upp óbrjótandi salerni og sturta sem þvær allt baðherbergið í leiðinni og húsgögn úr RFL vöruhúsinu, litrík rúmföt og snotrar rómantískar eftirlíkingar á veggina.

Takk fyrir umhyggjuna Reykvíkingar.

Smáhýsi götufólksins bíða

Athugasemdir

[Jenný Anna Baldursdóttir, 15.7.2008 kl. 08:05]

Ég hef nú litið á þetta sem nokkurs konar bráðabirgðalausn.

En ekki einu sinni hún kemst í gagnið.

[Edda Agnarsdóttir, 15.7.2008 kl. 10:19]

Auðvitað fílar fólk að búa svona sem er búið að vera á götunni og eða í tjaldi, gámi, kassafjölum eða hvað það nú er. Eins og ég sagði að þá hef ég ekkert á móti þessum kofum, hinir snotrustu, en eigum við þá bara ekki að leyfa fleyrum en þessum verst settuáð búa í þessu?

Þetta hefur ekki mátt gera vegna skipulagsins, en í rauninni er þetta líka góð lausn fyrir aðra sem hafa lítið sem engin peningaráð!

Ég hugsa að mér hefði fundist þetta kjut þegar ég byrjaði að búa.

En það eru byggingareglugerðir sem koma í veg fyrir að hægt sé að byggja ódýrt eða jafnvel í áföngum eftir fjölskylduvöxt! 

[Helga Magnúsdóttir, 15.7.2008 kl. 10:28]

Merkilegt að það skuli ekki vera hægt að finna stað fyrir þessi hús. En það er nú alltaf svo að í hvert skipti sem reynt er að finna samastað fyrir fólk sem berst í bökkum rísa nágrannarnir upp og þverneita að fá það í grennd við sig.

[Ólöf Jóhanna Pálsdóttir, 15.7.2008 kl. 21:57]

Það er erfitt að finna þessu fólki staði til að búa á. Allt verður vitlaust í hverfunum og engin vill þetta fólk í nágreni við sig. Nú í fjölbýlishúsum er það líka óvelkomið þar sem óregla og fleira er í kjölfarinu. En vonandi leysist úr þessum málum sem fyrst.

[Anna Ólafsdóttir (anno) (IP-tala skráð) 15.7.2008 kl. 22:59]

Ég spyr mig hvort það sé eitthvað erfiðara að koma fyrir venjulegu húsi undir fólk sem þannig er komið fyrir heldur en þessum gámum. ég hef ekki kynnt mér þetta mál mikið en finnst eitthvað ekki alveg ganga upp við þessa hugmynd eins og hún lítur út. 

[Hrafnhildur Ýr Vilbertsdóttir, 16.7.2008 kl. 07:32]

Edda takk fyrir símtalið....gaman að heyra í þér, þú getur hringt hvenær sem er....

[Edda Agnarsdóttir, 16.7.2008 kl. 11:05]

Takk fyrir Krumma mín. Búin að skrifa bréfið og senda í ábyrgð.

Anna, það er grein í Mogganum í dag um húsin og þar fær maður góða tilfinningu fyrir þessu og ég sé betur þörfina. Þetta var fyrst og fremst hugsað fyrir pör í óreglu því þau geta hvergi verið saman á nóttinni, s.s. gistiskýlum (kynjabundið) og rekast ekki í sambýli.

[Guðrún Emilía Guðnadóttir, 16.7.2008 kl. 14:23]

Ég vissi nú ekki að þetta ættu að vera einhverjar gámabyggingar,
það var talað um færanleg hús, er ekki hægt að hafa þau lítil og sæt timburhús.
Nei maður bara spyr, veit bara það að þeir skulu fjandast til að framkvæma þetta.
Reglur þetta og hitt, má aldrei gera neitt án þess að fá til þess leifi á 10 stöðum áður en hægt er að byrja.
Held að þetta sé fyrirsláttur.
Þeir vilja bara ekki vita af fólki þessu.
Kveðja Milla.