Leita í fréttum mbl.is

Bloggfærslur mánaðarins, ágúst 2008

Taugaþroskaröskun ADHD Athyglisbrestur og ofvirkni

Flengingar þóttu kannski ekki mikið tiltökumál hér áður fyrr, án þess að ég viti hvernig fólk almennt bar sig að við flengingar á börnum. En þegar flengingar/rasskellingar eru orðnar þannig að það þarf að bera olíu á rass barna, 4 ára og 6 ára eftir athæfið, þá getur það tæplega kallast refsing nú til dags eða hvað?

En þessi mbl. frétt minnti mig líka á það að áður fyrr var talað meir um óþekkt í börnum, sem sífellt var verið að skamma og refsa  fyrir ekki neitt að þeirra upplifun. Fullorðið fólk víðsvegar hefur sterkar skoðanir á atferlum barna og eiga vont með að skilja að það sem var kallað m.a. óþekkt, mikill fyrir sér, óltátabelgur og villingur voru börn sem áttu við verulega taugaþroskaröskun.

Ég er búin að sitja á námskeiði í allan dag um Athyglisbrest og þótt ég sé búin að vera á ýmsum fyrirlestrum  og lesa mig til um Athyglisbrest er alltaf eitthvað nýtt að koma fram  bæði með rannsóknum og eins líka það sem hefur farið fram hjá mér.

Vissir þú að ADHD hamlar framkvæmdagetu og hindrar barn oft í haga sér í samræmi við þekkingu?

Vissir þú að 3 strákar á móti hverri einni stelpu er með ADHD?

Vissir þú að Foreldrar barna með ADHD eru oft með það sjálf?

Vissir þú að börn með ADHD eru seinni í þroska sérstaklega þegar þau eru komin á miðstigs- og unglingastigs aldur?

Mér varð eiginlega fyrst hugsað um taugaþroskaröskun (ADHD) þegar ég las þessa frétt um manninn sem rasskellir drengina og konuna líka. En að sögn fréttarinnar var rasskelling á konunni með leðurbelti með hennar samþykki í kynlífsleik. Héraðsdómur Norðurlands hefur sýknað manninn af ákæruum um líkamsárás og brot á barnaverndarlögum!

 


mbl.is Flengingar ekki alltaf ruddalegt eða ósiðlegt athæfi
Tilkynna um óviðeigandi tengingu við frétt

Showið í borginni fellur skugga á mikilvægari málefni eins og ofbeldi á konum

Ofbeldi gegn konum er málefni sem getur ekki beðið. Að minnsta kosti ein af hverjum þremur konum er barin, þvinguð til kynlífs eða misnotuð á annan hátt einhvern tímann á lífsleiðinni. Fimmta hver kona verður fórnarlamb nauðgunar eða tilraunar til nauðgunar.

Ríkisstjórn Íslands skrifaði undir í morgun.

 SEGJUM NEI VIÐ OFBELDI

Skrifið ykkur inn á undirskriftalista inn á Unifem og segið NEI við ofbeldi á konum í heiminum.

"Mansal, kynferðisleg áreitni, limlesting á kynfærum kvenna, morð vegna heimanmunds, heiðursmorð og útburður stúlkubarna eru hluti af sama vandamáli, þetta er allt ofbeldi gegn konum. Ekkert land, engin menning, engin kona ung eða gömul, er ónæm fyrir þessari plágu. Alltof oft er komist upp með þessa glæpi án þess að refsað sé fyrir og ofbeldismennirnir ganga lausir. “ sagði Regína Bjarnadóttir stjórnarformaður UNIFEM á Íslandi á blaðamannafundi í dag þegar hún vakti máls á mikilvægi þess að ríkisstjórnir heims gripu til aðgerða gegn kynbundnu ofbeldi."

Tekið úr frétt á mbl.is

http://www.unifem.is/unifem/

Hvaða átak er þetta?
Þetta er alþjóðlegt átak á vegum Þróunarsjóðs Sameinuðu þjóðanna í þágu kvenna eða UNIFEM sem hófst 25. nóvember 2007 og lýkur sama dag árið 2008. Nú þegar hafa nokkrar ríkisstjórnir skrifað undir átakið í heild sinni og þar með sýnt vilja í verki til að uppræta ofbeldi gegn konum. Nú þurfum við samstöðu til að senda út sömu hvatningu til annarra ríkisstjórna heims.


mbl.is Ríkisstjórnin segir nei við ofbeldi gegn konum
Tilkynna um óviðeigandi tengingu við frétt

Óttinn nálgast

Hugsið ykkur að skuli strax vera komið og kinnarnar bitnar á nóttunni. Samt er þetta búið að ganga svo vel í sumar, engin kinnabit á nóttunni og enn er sumarið eins og á Spáni.

Þá er best að njóta þess í botna áður en kinnar okkar eru bitnar og hlaupa upp með til heyrandi blettum, áblástri, útbrotum og ofnæmi. Nætur frostið er samt ekki svo mikið ennþá en þetta er byrjunin og náði sér á strik á þremur til fjórum stöðum undanfarnar tvær nætur.

Kuldaboli Kuldaboli

ekki koma alveg strax...

 

Getur svo ekki einhver botnað þennan leir eða búið til nýtt um BOLA?

Þetta hér fyrir ofan bað ég um í dag og nú eru elskulegir bloggvinir mínir búnir að koma með skáldskapinn sinn sem er frábær.

Brattur sem heitir reyndar Gísli skrifar oft eða eiginlega alltaf skondna pistla um orð og orðnotkun ásamt örsögugerð og ljóð.

Frá Önnu Ólafsdóttur hef ég ekki séð neitt áður í bundnu formi en kemur mér samt ekki á óvart.

Anna Þóra Jónsdóttir  er ljóðskáld og kennari og hefur hún birt mörg ljóða sinna á síðu sinni sem eru að mínu mati góð.

Anna Einarsdóttir  er komin líka inn. Hún bloggar oft um gátur og svo er hún hrekkjusvín!

Takk fyrir þátttökuna kæru vinir.

Smámynd: Brattur

Kuldaboli, kuldaboli
Ekki koma alveg strax
Ég þoli ekki, ég þoli ekki
Kulda eins vel og lax

Brattur, 13.8.2008 kl. 18:08

 

4 Smámynd: Anna Ólafsdóttir (anno)

 

Kuldaboli, kuldaboli
ekki koma alveg strax
Húðin mjúk sem barnsrass þolir
eina mínus gráðu  max!

Knús og kveðja á Skagann Heart

Anna Ólafsdóttir (anno), 13.8.2008 kl. 20:29

5 Smámynd: Anna Þóra Jónsdóttir

 

Piffff...er það nú rímorð til að vinna meðGetLost......finnst botninn hennar nöfnu hér að ofan alveg brilliant og Brattur er einnig flottur.  Ætla samt að reyna.........bara til að vera með.

Kuldaboli, kuldaboli

ekki koma strax.

Kuldaþolna ullarboli

þarf þá til undirlags.

Anna Þóra Jónsdóttir, 13.8.2008 kl. 21:23

7 Smámynd: Anna Einarsdóttir

 

Kuldaboli, kuldaboli
ekki koma strax
Fyndið ef að Óli foli
fengi tagl og fax.  LoL

(Af því að Ólafur var á forsíðu Séð og heyrt kallaður foli á lausu).

Anna Einarsdóttir, 13.8.2008 kl. 23:46

Finnst ykkur ekki magnað að það eru þrjár Önnur hérna inni með skáldskap!

Skoðið svo heimasíður þessara bloggvina minna.

 


mbl.is Frostið bítur kinnar á nóttunni
Tilkynna um óviðeigandi tengingu við frétt

Ekki undarlegt

Það eina sem hægt er að gera í þessum óstarfhæfa meirihluta er að koma sér út úr honum. Því í ósköpunum er hann að hafa fyrir því að koma heim á borgarstjórnarfundi?

Hvar er varamaðurinn?

Ég veit ekki, en þótt ég sé hlynnt konum og geti séð að Hanna Birna gæti eitthvað, að þá þarf líka svona mann eins og Gísla sem er auðvitað dáldið simbúl fyrir að vera maður fólksins.

Maður sem á fjölskyldu og býr mitt í hringiðu fjölskyldufólks og veltist ekki um í peningum.

Ég vona bara að hann komi fílefldur til baka, hann er betri en flestir í borgarpólitíkinni.


mbl.is Gísli Marteinn hættir í borgarráði
Tilkynna um óviðeigandi tengingu við frétt

Úps strákar hverra eru þetta?

Af hverju er ég alltaf svo sæl í sinni þegar Þjóðverjar eru lagðir í knattspyrnu og handbolta?

Er einhver sem veit það?

Makalausir töfrar sem koma yfir þetta hanboltalið á Ólympíuleikunum, ekki í fyrsta skiptið.

Hvaða skýring er á því?

Spyr sá sem ekki veit.


mbl.is Ísland fór hamförum gegn Þjóðverjum
Tilkynna um óviðeigandi tengingu við frétt

Rólegheit og sjálfsvorkun

Skrapp í sumarbústað að Álftavatni í gærkvöld í dýrindis matarboð hjá Ingu vinkonu. Nær allir úr fjölskyldunni hennar voru í mat þótt ég sé alltaf jafn spæld yfir að vera ekki meira skyld henni en í 7. til 9. lið er ég meðlimur í ættarmótinu.

Í boðinu voru: Dúa mamma, amma og langamma, Lóa og Raggi, Tinna, Hrafnhildur, Bergljót og Steinþór með litluna sína Hrafnhildi Lóu.

Inga og Helgi, Sigrún og Tobbi með Bergþór og Heiðu, Þuríður tengdadóttir Ingu og Helga með litluna sína hana Heklu.

Ingólfur og Inga með Benna sinn og tvíburana Ingvar og Vöku.

Erla systir Helga.

Ég og Birgir.

Það vantaði þrjá afkomendur Dúu og við og Erla fylltum upp í það.

Hópmyndina vantar,  hún kemur síðar. 

Það var yndislegt að fara þennan bíltúr í gær, tókum Þingvallaleiðina, Grafning/Grímsnes - svo fallegt.

Annars er verið að mála þakið hérna á Bjarkagrundinni og erum ekki sérlega spennt fyrir vætunni sem er spáð í dag, vona þara að það sleppi. Mannurinn er stanslaust að, bændaeðlið er sterkt í honum. Næst á að fara flísaleggja, setja upp innréttingu í eldhúsið og fleira. Þetta gerir mannurinn allt sjálfur og svo fær hann verulega góða astoð frá syninum sem hættur er í vinnunni til að vinna heima.

Það er mikill söknuður í mér, ég sakna krakkanna minna, barnabarna og fallega sumarsins sem ég merki að er á förum.

Sólin skýn hér úti og ég get legið í sólbaði á milli þess sem ský dregur fyrir sólu.

En hvað, það er alltaf eitthvað á hreyfingu, það er skammt í komu Sindra og Magneu litlu eða 20. ágúst - og þá verður gaman.


mbl.is Líkur á síðdegisskúrum vestanlands
Tilkynna um óviðeigandi tengingu við frétt

Ellen Kristjánsdóttir

Hér á bæ eru karlmennirnir að fara á Clapton. Minn maður er gítarleikari, sonur minn syngur í sturtu og alls staðar, bróðir mannsins míns sem verður líka er bassaleikari og píanóleikari og litli bróðir mannsins míns sem varð ekki tónlistarmaður í formlegri merkingu (hefur kannski fengið nóg heima af allri tónlistinni enda örverpið) heldur áhugamaður af lífi og sál, ætla allir að sjá meistarann í kvöld.

ellen

 

En hver ætlar að sjá Ellen?

Íslendingar eru þekktir fyrir að mæta of seint, seint, seint, á nær alla viðburði.

Afhverju ætli það sé?

Ef ég færi í kvöld, sem ég geri ekki, læt kúga mig tilfinninga- og félagslega af karlastóði, þá væri sko Ellen mitt áhugamál nr. eitt.

Það er sko listamaður sem hefur unnið á í gegn um árin, hún er frábær flytjandi.

Það eru afar fáir sönglistamenn sem hafa þroskað söng sinn á jafn áhrifamikinn hátt og Ellen Kristjánsdóttir.

PS. Það er mjög erfitt að finna mynd af Ellen á netinu - ef einhver getur fundið betri má hann vera svo vænn að senda mér.

ellen krist.

Jenný sendi mér þessa mynd, sem er stórglæsileg af henni.


mbl.is Clapton er mættur
Tilkynna um óviðeigandi tengingu við frétt

Já já - þau eru farin og flutt.

Ég veit, það er mikið að gerast hér á þessum bæ þessa dagana. Nú er Fylkir minn og Alexandra kærastan hans flutt til Dk n.t.t. til Aarhus.

Þau fóru í dag ásamt þremur öðrum og allar fjölskyldurnar voru samankomnar á flugvellinum að kveðja börnin sín. Þetta var vægast sagt skrýtin stund.

Fylkir minn er mikill heimlingur og hefur nánast stigið út af heimilinu og við erum strax farin að sakna hans.

Hann ætlar að feta í fótspor föðursins og lesa sálfræði í Aarhus í sama skóla og pabbi, Alexandra fer í markaðsfræði, bróðir hennar Gummi fer í tækniskólann og kærastan hans hún Eyrún fer í viðskiptafræði.

DSC01809Hér eru þessar elskur með ömmu og afa á Miðhrauni sem komu í fyrrakvöld að kveðja þau.

Anna og Guðmundur.

Orka náttúrunnar og orka mannsins

Samkvæmt þessari frétt er ekki langt í að Ísland verði land orkuleysis miðað við allt það vatnsrennsli og vatnsfall sem við höfum í dag. En vonandi fær orka mannsins að njóta sín áfram þótt breytt skilyrði verði.

Á meðan ég var í vikuferðinni minni í DK og Sverige átti örverpið mitt afmæli þann 31. júlí og varð tvítugur, engin kaka, ekkert kaffi, engin matur, og engin veisla, bara millifærsla á peningum til gjafar.

l_4de835ffd66b018a73db78bae28b877e

Þetta er Þór Birgisson 20 ára 31. júlí 2008. Þessi piltur hefur verið orkubolti frá fæðingu, hann er í fyrsta lagi stærst fæddur af börnum mínum og er reyndar stærstur af þeim í dag.

Hann er mikið félagsmálatröll og hefur tekið þátt í nokkrum uppfærslum á leiksviði í skólanum og syngur mikið bæði heima og annars staðar. Hann er vinmargur og finnst gaman að tjilla. Hann fór í trésmíðadeild Fjölbrautaskólans og heldur áfram núna í stúdentspróf. Til hamingju kallinn.

IMG_8008-S_LR

Sandra María varð 14 ára 2. ágúst og ég náði aldrei símsambandi við hana þann daginn og ekki síðar heldur . Svo, Sandra mín til hamingju með afmælið.

Þessi mynd er hluti af ljósmyndanámskeiðinu sem hún var á í fyrra.

 

Þau tvö ásamt mér verða víst horfin eftir eina öld eins og Langjökullinn, vonandi að afkomendur þeirra eigi ljúfa hitadaga á Íslandi.


mbl.is Langjökull horfinn eftir öld?
Tilkynna um óviðeigandi tengingu við frétt

Hvernig er hægt að eiga erfitt líf en samt hamingjuríkt?

Ég á dóttur í Svíþjóð sem býr ásamt manni, Guðna og þremur börnum í Norsesund norð-austan við Gautaborg. Þau eiga sjö ára gamla stúlku sem heitir Ylfa Eir og tvíbura (eins og Pitt og Jolie) strák og stelpu sem eru fimm ára og heita Edda í höfuðið á mér og Jón Geir í höfuðið á föðurafa sínum.

Þarna hafa þau búið frá því að tvíburarnir voru nýfæddir eða í fimm ár. Fyrst voru þau í leiguíbúð í sama húsi og tengdaforeldrar dóttur minnar, Jóni og Önnu í tvö ár en eftir það tóku þau einbýlishús á leigu í nágrenninu sem þau hafa keypt í dag.

Guðni rekur fyrirtækið "Guðni Bygg" og hefur nokkra menn í vinnu. Hann er húsasmiður og það er pabbi hans líka sem vinnur hjá honum. Ég dáist að því hvað þau eru dugleg og hafa komið sér vel fyrir. Þau búa í mjög fallegu umhverfi og börnin hafa alla náttúrudásemdir í kringum sig. En það er ekki allt leikur, það hefur verið mjög erfitt á köflum, en nú blasir við bjartari tímar og byrjunarörðugleikar að baki.

Allt tekur þetta sinn tíma. 

DSC01707

DSC01720

 Hér eru Edda og Jón Geir, myndin var tekin á seinnipartinn á föstudaginn. Ylfa Eir er á næstu mynd og þurfti afi Birgir að hlaupa niður að vatni til að taka mynd af henni, því miður er hún ekkert fyrir að láta taka myndir af sér og var þessi sú skásta. Þessir krakkar, baða heima í stórum sunlaugarpotti eða baða í vatninu alla daga allan daginn.

Sonur minn býr í Kaupmannahöfn og vinnur í versluninni Fona á Strikinu. Honum finnst gaman að vinna þar. En nú eru breytingar hjá honum, hann ætlar að vinna hjá Leikfélagi Akureyrar í haust og bið ég alla bloggvini mína norðan heiða að vera góð við hann því hann ætlar að skilja litlu fjölskylduna sína eftir í Kaupmannahöfn þar sem kærastan er með svo góða vinnu og dóttir hans heldur áfram í leikskólanum sínum. Þetta eru erfiðir tímar framundan að þurfa að skilja við þær. Sonur minn heitir Sindri og útskrifaðist úr leiklistarskólanum Holmberg í Kaupmannahöfn fyrir einu ári og nú ætlar hann að spreyta sig á Akureyri í leikhúsinu þar, Aldís tengdadóttir mín verður því ein með Magneu litlu í Köben í ca 3 mánuði.

DSC01775 Hér eru svo Aldís, Magnea og Sindri þegar þau sáu apana "Bavíanana" stökkva og klifra í Dýragarðinum á sunnudaginn

Kona Solzhenítsyns sagði eftir lát hans að hann hefði lifað erfiðu lífi en hamingjuríku, það er alltaf það sem ég vona að allir geri þótt mismikið sé.


mbl.is „Erfitt líf en hamingjuríkt“
Tilkynna um óviðeigandi tengingu við frétt

« Fyrri síða

Höfundur

Edda Agnarsdóttir
Edda Agnarsdóttir
Veðrið og lund mín eiga lítið saman að sælda. Ég á mína þoku og blíðviðri inni í mér.
Mars 2024
S M Þ M F F L
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Innskráning

Ath. Vinsamlegast kveikið á Javascript til að hefja innskráningu.

Hafðu samband