Ókeypis máltíðir

Samkvæmt könnun neytendastofu eru aðeins tveir grunnskólar á landinu sem veita nemendum sínum ókeypis máltíðir. Annar skólinn er í Vogum á Vatnsleysuströnd og hinn er í kántrýbænum Skagaströnd. Í fljótu bragði eiga þessir staðir ýmislegt sameiginlegt, líklega svipað stórir og eiga sér báðir fyrirmyndir í kántrý eða bandarískri menningu. Vogar eru í nágrenni Miðnesheiðar en Skagaströnd er heimabær kántríkóngsins. Hallbjörn flutti þessa menningu með söng sínum og útvarpi sem gæti alveg eins verið afleiðing af kanaútvarpinu gamla sem allir á Reykjanesinu hlustuðu á.  Áhrifin eru víðtæk og kanarnir kalla nú ekki allt ömmu sína í skólamálum, þeir hafa allt í henni Ameríku og einhvernvegin finnst mér að ég hafi heyrt það sem lítil stelpa að  íslenskir krakkar sem komu við í henni Ameríku hafi fengið ókeypis mat í skólanum þar!

En samt vona ég að þetta verði framtíðin fyrir íslensk börn - ÓKEYPIS MÁLTÍÐIR Í GRUNNSKÓLUM

Tveir grunnskólar bjóða nemendum ókeypis máltíðir

Athugasemdir

[Jenný Anna Baldursdóttir, 30.5.2007 kl. 10:17]

Eftir að hafa búið í Svíþjóð þar sem skólamáltíðir hafa verið ókeypis frá 1890-og eitthvað, finnst mér það bara sjálfsögð mannréttindi.  Börnin eiga að fá góðan og kjarngóðan mat (ekki beikonpylsu eða unna kjötvöru) og hann á ekki að kosta krónu.  Så det så.

[Guðrún Helgadóttir, 31.5.2007 kl. 17:05]

mér finnst nú líka allt í lagi að minnast á þá skóla sem eru með lægsta verðið: Grunnskólinn á Hólum og Grunnskólinn á Hellu

[Edda Agnarsdóttir, 31.5.2007 kl. 19:40]

Já það er gott að vita hvar maturinn er ódýrastur. En hvernig ætli samsetning matarins sé? Það er of mikill matur upphitaður í mínum skóla, þ.e.a.s. han kemur eldaðurfrá fyrirtækjunum og svo er einhverskonar eldunar eða bökunarviðbót!