Feminístar í Háskóla Íslands

Ég fagna því að búið er að stofna feminístafélag í Háskóla Íslands. Á stofnfundinn mættu 70 til 80 manns. Vonandi verður þetta til þess að vitundarvakning verði meðal ungra kvenna í landinu og berjist fyrir jafnrétti kvenna í framhaldsskólum og háskólum landsins.

Aðalfundur verður í byrjun október og á þá m.a. að kjósa í stjórn félagsins en þangað til starfar bráðabirgðastjórn. Tilgangur félagsins eins og forsvarsmenn þeirra segja er að upplýsa samfélagið um feminísma á fræðilegum grundvelli, sjá um fyrirlestra, námskeið um jafnrétti kynjanna og að Háskóli Íslands verði leiðandi afl í jafnréttisbaráttu íslensks samfélags.

Betur má sjá hugleiðingar þeirra sem stóðu að stofnun félagsins með því að fara inn á heimasíðu félagsins.

http://femstudent.blogspot.com//

 

Athugasemdir

[Jenný Anna Baldursdóttir, 23.9.2007 kl. 16:43]

Þetta bjargar annars ömurlegum degi.  Takk fyrir þetta.  Mikið skelfing er tímabært að ungar konur fari að beita sér í auknum mæli í baráttunni.  Þetta eru frábærar fréttir.

Smjúts

[Ingibjörg Friðriksdóttir, 23.9.2007 kl. 17:17]

Já, ég held bara að orðið feministi fæli frá. Ég t.d. er mjög mikill jafnréttissinni, en vil hafa ákveðin forréttindi sem kona.

[Ingibjörg Friðriksdóttir, 23.9.2007 kl. 20:53]

Viltu koma í leik á síðunni minni?

[Hlynur Hallsson, 24.9.2007 kl. 09:32]

Frábært Edda að búið sé að stofna félag femínista í HÍ. Takk fyrir slóðina þangað og bestu kveðjur til þín,

[Jóna Á. Gísladóttir, 24.9.2007 kl. 18:01]

Þetta eru góðar fréttir. Það er nefnilega hætta á að með nýjum kynslóðum gleymist sú barátta sem hefur verið háð síðustu áratugi. Það er með svo margt sem við tökum sem sjálfsögðum hlut, við hugsum ekki um það og hlúum ekki að því.