Mótmæli munkanna og nunnana í Myanmar eða Búrma.

Myanmar er stjórnað af herforingjum sem hafa ekki hikað við að fangelsa og drepa fólk hingað til ef það hefur sett sig upp á móti stjórninni. Þessi stjórn sem hefur verið í landinu frá því 1962 og löngu komin tími á að hún fari frá völdum. Aung San Sui Kyi er að mörgum þekkt ekki bara fyrir að hafa unnið kosningar í landinu með yfirburða sigri sem forystumaður fyrir svokallað Flokksbandalag heldur líka fyrir friðarverðlaun Nóbels og hafa setið í stofufangelsi í sínu heimalandi s.l.18 ár með einhverjum hléum en samtals hefur hún setið í 12 ár. Þegar Aung San vann kosningarnar 1990  voru þær lýstar ógildar. Það eru ýmsar aðferðir notaðar. Sem betur fer njóta munkar og nunnur mikilla virðinga í Búrma og þorir herforingjaklíkan ekki að hreyfa við þeim en samt eru þeir á mörkum þess að springa. Upphafið af þessum mótmælum var gífurleg hækkun á orku til neytenda  eða 500%, í landinu og er talið að örbyrgð, dauði og fátækt sé með einna mesta móti í Búrma miðað við mannfjölda - þar búa á milli 40 og 50 milljónir.

Ég vona innilega að herforingjastjórninn hrakist burt frá völdum sem fyrst.

Athugasemdir

[Ingibjörg Friðriksdóttir, 26.9.2007 kl. 16:39]

Edda, satt segir þú, herforingjastjórnir eru ábyggilega vondar, þrátt fyrir að ég vildi óska að ég hefði yfir að ráða nokkrum  gildum herforingjum, vegna agavandans í skólum landsins.  Þetta er sagt í lok skóladags, kannski verð ég upplitsdjarfari þegar líða tekur á kvöldið, enda langflottust þá.

[Páll Jóhannesson, 26.9.2007 kl. 17:33]

Þetta er skelfilegt ástand. Ætli menn eins og Bush viti af þessu? eða ætli þeim sé sama? Vonandi verður hægt að hrekja þessa ógnarstjórn frá völdum.

[Jenný Anna Baldursdóttir, 26.9.2007 kl. 18:05]

Þeir eru sagðir hafa myrt þrjá munka í dag, bölvaðir.  Enginn endir á þessum hörmungum virðist vera.

Takk fyrir fróðlegan pistil.