5.5.2008 | 13:55

Brekkubæjarskóli á Akranesi

Í skólanum mínum er alltaf eitthvað skemmtilegt og jákvætt að gerast. Um daginn vann ein stúlka í 4. bekk aðeins 9 ára til verðlauna i ljóðasamkeppni og birti ég fréttina af heimasíðunni okkar hér. Einnig birti ég tvær örsögur eftir litla hnátu sem er aðeins 8 ára.

Ljóð unga fólksins
Undanfarin ár hafa almenningsbókasöfn í landinu staðið fyrir ljóðasamkeppni meðal barna 9-12 ára og 13-16 ára. Veittar eru viðurkenningar fyrir 3 ljóð í hvorum flokki auk þess sem gefin er út ljóðabók með úrvali ljóða úr keppninni. Nemendur Brekkubæjarskóla hafa verið duglegir að senda inn ljóð í keppnina og hafa oft átt fulltrúa í verðlaunasæti og í ljóðabókinni.

Árið 2008 er það Indiana Nicole Taroni í 4. EH sem fær viðurkenningu fyrir ljóð sitt í flokki nemenda 9-12 ára. Verður ljóð hennar jafnframt birt í ljóðabókinni og vonandi verða fleiri nemendur skólans þess heiðurs aðnjótandi.
Ljóð Indiönu:
Þú ert minn dagur,
þú ert mín nótt,
þú átt mitt hjarta sem hamast ótt,
þú ert lífið í æðum mér,
mitt litla hjarta fel ég þér,
því aldrei máttu gleyma mér.

Sesselja Dögg Sesseljudóttir er ung námsmey í 3ja bekk sem hefur ánægju af því að setja saman smásögur - eða eigum við að segja örsögur. Hér leyfum við okkur að birta tvö ágætis dæmi:

Hvolpurinn

Einu sinni var stelpa sem var úti að leika sér við vini sína og hana langaði að fá hvolp. Mamma hennar var að fara út í búð að kaupa hvolp. Bæ

Stelpan

Einu sinni var stelpa sem var að dansa við músikina sína og hún æfði á bassa og fiðlu og hún sá mús og tók hana inn til sín og æfði núna út af því hún var að fara á tónleika og hún varð að taka músina með sér og hún fór og hún spilaði og spilaði á fiðluna. Teh end, bæ

Flokkur: Bloggar | Facebook

Athugasemdir

Svo sætt. Takk fyrir mig.

Jenný Anna Baldursdóttir, 5.5.2008 kl. 14:25

FALLEGT! Til hamingju Edda með nemendur í Brekkubæjarskóla! Þetta sýnir að þau hafa góðan kennara. - Svo má örva þau, enn meir, með því að fá ljóðin lesin á hátíðis og tyllidögum, - s.s. 1 .maí baráttuljóð - Sumardaginn fyrsta, vor og sumarljóð, - 0g lýðveldishátíðaðarljóð á 17. júní. - Fjallkonan mundi þá lesa fyrst ljóð barnsins - eða bara eingöngu, eftir börnin. - Það mundi ég gera ef ég væri fjallkona.

Lilja Guðrún Þorvaldsdóttir, 5.5.2008 kl. 15:00