Nellie McKay

Nú segi ég þið "verðið"!

Að sjá þetta myndband í morgunsárið var bara ekki fyndið heldur líka svo ljúft, milt og vel sungið.

Þess vegna segi ég þið verðið að sjá það.

Þökk sé Sóleyju að hafa fundið þessa snilld.

Hef ekki hugmynd hver þessi söngkona er og vona því að einhverjir geti frætt mig og aðra um hana, hún er yndi. 

Ef að fellibylurinn er á leiðinni til landsins , þá er þessi söngur einmitt til að hlusta á í rigningu og roki af Bertu!

En það er annað mál og krefst meiri pælinga með þessi kvennmannsnöfn á fellibyljum!

Berta kemur til landsins

Athugasemdir

[Jakob Falur Kristinsson, 21.7.2008 kl. 09:48]

Þetta er talsvert athyglisvert af hverju allir fellibyljir eru nefndir kvenmannsnöfnum.  Ég get ekki séð neitt samband á milli fellibyls og konu.

[Ásdís Sigurðardóttir, 21.7.2008 kl. 10:27]

Jú, jú Jakob minn, við konur erum ótrúlega líkar fellibyljum. Komum og förum með látum en endumst stutt í reiði eða vonsku, erum oftast ljúfar sem lömb 

[Hrafnhildur Ýr Vilbertsdóttir, 21.7.2008 kl. 10:54]

já hvað er það að láta fellibylji heita kvenmannsnöfnum ??

gott myndbandið

[Edda Agnarsdóttir, 21.7.2008 kl. 11:18]

Já myndbandið er draumur, Hrafnhildur!

[Jenný Anna Baldursdóttir, 21.7.2008 kl. 12:43]

Ég bloggaði einu sinni um þetta með fellibylji og kvenmannsnöfn og það logaði hjá mér kommentakerfið.

Sá þetta myndband fyrst hjá honum Herði á Eyjunni og það er algjörlega brilljant.

[Edda Agnarsdóttir, 21.7.2008 kl. 13:03]

Hvenær var þetta blogg þitt Jenný - það þyrfti að tengja það upp á nýtt.

[Ingólfur Ásgeir Jóhannesson, 21.7.2008 kl. 14:56]

Mér skilst að núna heiti fellibyljir karl- og kvenmannsnöfnum til skiptis. Heitir ekki sá næsti Charles eða Christopher?

[Helga Magnúsdóttir, 21.7.2008 kl. 18:08]

Ég hef aldrei heyrt fellibyji nefnda öðru en kvenmannsnöfnum. Kannski eru það bara þessir litlu og ómerkilegu sem heita karlmannsnöfnum.

[Ingólfur Ásgeir Jóhannesson, 21.7.2008 kl. 20:08]

Það eru mismunandi nafnakerfi á fellibyljum. Ég fann ekki aðra heimild en Wikipedia, en hef lesið þetta einhvers staðar annars staðar. Áður voru þetta eingöngu kvenmannsnöfn, örugglega mjög sexísk notkun. Og þess vegna var þessu breytt þegar viðhorf í samfélaginu til kvenna breyttust til batnaðar, og þess vegna eru nöfn á mjög slæmum byljum ekki notuð aftur í bráð.

[Hulda Elma Guðmundsdóttir, 21.7.2008 kl. 23:20]

Þeir heita kvenmannsnöfnum vegna úthaldsins sem þeir hafa. Enginn karl hefði úthald fellibyls en það hafa konur.

[Edda Agnarsdóttir, 21.7.2008 kl. 23:28]

Ekki veit ég neitt um þessa fellibylji annað en að þeir heita flestir eða hafa heitið kvenmannsnöfnum.

En ég skoða Wikipediu við tækifæri Ingólfur - takk fyrir.

Jú Helga, örugglega, þeir byljir sem gera minnsta skaðann.

Gunnar, ég varð nefnilega lúmskt skotin í þessari söngkonu en er ekki búin að athua hana á Wikip... þarf að gera það. Já kannski endar þetta allt í skinnbandi - allavega inni á landsbókasafni.

Jenný, hver er þessi snót sem syngur ?

[Kolgrima, 22.7.2008 kl. 02:50]

Frábært myndband.

Mér finnst það í góðu lagi að fellibyljir heiti kvenmannsnöfnum (og eldfjöll líka, soldið spæld yfir Laka) vegna þess að þeir eru kraftmiklir, láta engan ósnortinn, brjóta niður flestar varnir, hafa power og komast í fréttir!

Mér finnst eitthvað við það að heimurinn standi á öndinni yfir einhverju sem heitir kvenmannsnafni - Bush og Bertha hljómar mun betur en Kim og Christopher. 

[Ingólfur Ásgeir Jóhannesson, 22.7.2008 kl. 10:12]

Hulda, góð leið að sjá jákvæðu hliðarnar við karlrembulega notkun máls, eins og þú gerir

[Edda Agnarsdóttir, 22.7.2008 kl. 12:17]

Þeir voru komnir með Dolly inn á mbl í morgun - svo þegar éga ætlaði skoða það betur var hún horfin!

Tek undir með Ingólfi, Hulda þú ert brilljant!

Kolgríma hver er Kim?

[Gísli Bergsveinn Ívarsson, 22.7.2008 kl. 12:38]

raindrops keep falling on my heads.  Þetta er þannig lag og söngur

[Kolgrima, 22.7.2008 kl. 13:31]

Er ekki tungumálið í eðli sínu karllægt, Ingólfur?

En það skýrir ekki af hverju er það karlrembulegt að kalla fellibylji kvenmannsnöfnum.

Er það af því að þeir hafa eyðileggingju í för með sér?  Eða af því að þeir eru ópersónulegir og fá þess vegna kvenmannsnöfn? Eða af því að ef þeir hétu karlmannsnöfnum þyrfti fólk að hugsa sig um áður en það áttaði sig á því um hvað væri verið að tala? Ha, hvaða Charles?

Ég var ekki að grínast hér að ofan, mér finnst hressandi að eitthvað jafnáhrifamikið, allur þessi kraftur og máttur, skuli heita kvenmannsnafni, það er ekki oft sem nöfn kvenna prýða forsíður dagblaðanna eða eru aðalfrétt kvöldsins. 

En það er klárlega vegna þess að um náttúrlegt fyrirbæri er að ræða,  ég yrði ekki svo hress ef gjöreyðingavopn heimsins hétu Angie og Diane upp á útlensku.

Edda: Kim Il Sung

[Edda Agnarsdóttir, 22.7.2008 kl. 15:10]

Kolgríma, Hahahah hættulegt!  En veistu Kim er jafnt notað á karla og konur.

Auðvitað er best að setja Kína-Kim á hann!

Næst verður það Gísli Eiríkur Helgi.

[Guðrún Arna Möller (IP-tala skráð) 22.7.2008 kl. 16:01]

Einhvern tíma heyrði ég að fellibyljir væru eins og kvenfólk....koma heitar og rakar, snúa öllu á hvolf og hverfa svo með húsið og bílinn.....

ætli það sé ástæðan?

[Edda Agnarsdóttir, 22.7.2008 kl. 16:28]

Ekki veit ég það Guðrún, en svona fyrir mig sjálfa hugnast mér betur skýring Huldu Elmu hér fyrir ofan.

[Guðrún Arna Möller (IP-tala skráð) 22.7.2008 kl. 21:55]

Jú líklega er það miklu betri skýring  Ég ætla að halda henni frekar