Bjargvætturinn

Það er óþolandi að fara inn á bloggið um þessar mundir. Kreppan verkar eins terapía fyrir skrifóða sjúklinga. Tortryggni, undirróður og hræðslu niðurtal hefur verið í hávegum.

Þessi frétt um staðfestingu á láni Færeyinga til Íslands var birt í hádeginu í dag og hafa aðeins þrír bloggað um þessa jákvæðu frétt - er það ekki fullmikil naflaskoðun á íslenskum bloggurum að minnast bókstaflega ekkert á það fallega, jákvæða og væmna til að lyfta upp andanum?

Þetta eru nú bara skitnar 300 milljónir danskra króna! Eða hvað heyrðist mér ekki einhver vera að segja það?

Kannski vantar auðmýktina, ekki skrýtið, hélt sjálf lengi að það orð "auðmýkt" væri bara notað í trúarlegri merkingu fyrir syndir manna.

 Íslendingar, vinsamlegast sýnið auðmýkt. 

Færeyska lánið staðfest á morgun

Athugasemdir

[Edda Agnarsdóttir, 18.12.2008 kl. 23:56]

Sömuleiðis Ægir, gott að sjá þig líka. Er oft að hugsa til þín enda í stöðu sérkennara á Sérdeild skólans míns og margt sem gaman og gott væri að spjalla um við þig.

[Huld S. Ringsted, 19.12.2008 kl. 09:16]

[Ólöf Jóhanna Pálsdóttir, 19.12.2008 kl. 13:51]

Edda mín ég er sammála þér. Neikvæðin er mikil í öllum fjölmiðlum og það fer lítið fyrir jákvæðninni. Þess vegna hef ég ekki heldur verið dugleg að blogga undanfarið og núna er ég að byrja aftur og reyni að forðast að blogga neikvætt. Hafðu góðan dag.

[Lilja Guðrún Þorvaldsdóttir, 20.12.2008 kl. 01:06]

Orð í tíma töluð Edda. Mikið er ég sammála þér.

[Anna Einarsdóttir, 20.12.2008 kl. 12:41]

Færeyingar eru þvílíkir öðlingar að fáheyrt er. 

Endilega höldum í það sem gefur lífinu gildi... jákvæðni, húmor og gleði.

[Brattur, 20.12.2008 kl. 19:16]

... heyrðu, hefurðu ekkert lesið Brattinn nýlega...???  ... nei, ég segi bara sonna...

[Ingibjörg Friðriksdóttir, 20.12.2008 kl. 19:16]

Orð í tíma töluð.  Oft er þörf en núna er nauðsyn að sýna auðmýkt.

Við breytum ekki því orðna, en ættum að hafa lært eitthvað.

[Helga Magnúsdóttir, 21.12.2008 kl. 19:56]

Ætli mörgum þyki ekki niðurlægjandi að þurfa að fá lán hjá Færeyingum, þessari litlu frændþjóð? Mér finnst að við eigum bara að þakka kurteislega fyrir okkur og sleikja út um báðum megin.