Til hamingju Björgvin

Nú er vonandi komin hreyfing á ábyrgð valdhafa og kannski bara, sko "kannski"  verður hægt að skipuleggja og búa til hugmyndir þar sem fólkið í landinu verði virkara í ákvarðanatökum valdhafanna sem við kjósum.

En nú á það allt eftir að koma í ljós hvort landslýður er eins tilbúin að axla ábyrgð með nýjum valdhöfum eins og kallað hefur verið eftir eða hvort þessi kreppa leiði eingöngu yfir sig röð mótmæla og þ.a. l. stjórnmálakrísu?

Sjálf hef ég trú á einskonar sáttarstjórn með fólki innanborðs sem hefur þekkingu og getu til að takast á við þetta fyrirtæki okkar Ísland og það verði allir íslendingar hluthafar  og hluthafafundir haldnir og arðurinn borgaður út.

Gerum Ísland sérstakt, ólíku öllu öðru í heiminum og vinnum að sjáfbærni með bland af reisn, viðkvæmni, fínleika, fegurð, ást og síðast en ekki síst umhyggju.  

Björgvin segir af sér

Athugasemdir

[Hulda Elma Guðmundsdóttir, 25.1.2009 kl. 11:54]

Þetta eru háleit og góð markmið en því miður óraunhæf. Fyrsta skrefið gæti þó verið það að stokka upp kvótakerfið, þannig að allir landsmenn ættu fiskinn í sjónum og hefði af því tekjur. Rétt eins og segir í stjórnarskránni. Auðlindirnar eru sameign þjóðarinnar.

[Ingibjörg Friðriksdóttir, 25.1.2009 kl. 11:56]

Þessvegna ættu þeir að ráða utanaðkomandi mann í bankamálaráðuneytið, einhvern sem hefur vit og þekkingu á málinu.

Við stöndum áfram vagtina um jöfnuð og bræðralag.

[Brattur, 25.1.2009 kl. 13:58]

Stjórnin á öll að fara núna... utanþingsstjórn á að taka við fram að kosningum... það er eina vitræna lausnin...

[Ingibjörg Friðriksdóttir, 25.1.2009 kl. 14:23]

Eftir að hafa horft á Silfrið, er ég þér hjartanlega sammála

[Edda Agnarsdóttir, 25.1.2009 kl. 17:55]

Vaá ég fæ á tilfinningunni  að ég sé væmin Hulda! En þetta er ekki lengur þannig að við þurfum hörku og frekju, við höfum allt, þetta eru ekki sömu hlutir sem við berjumst fyrir og í den þegar ekki var til matur handa börnunum, við eigum nefnilega allt of mikin mat hér á Íslandi.

Ég segi það sama Imba að ég hlustaði á Silfrið og varð hugfangin af hugmyndum Friðriks Erlingssonar og Steingríms stærðfræðings ásamt fleirum.

Ég held ég geti verið sammála Bratti með utanþinsstjórn - en ég er ekki tilbúin að að kjósa eftir því flokkakerfi sem er í dag. En ég veit ekkert hvernig það snýr við mér í vor.

Mér fannst samlíkingin hjá Herdísi líka góð með fall múrsins og ástand mála hér sem er fyrst og fremst gömlu flokkarnir eins og Sjálfst.fl. og Framsókn sem eru múrarnir.

Við erum búin að vera í miklum erfiðleikum í mörg herrans ár að fá ungt fólk inn í flokkana og líka til að vera virkt pólitískt - en undanfarið hefur þetta unga fólk risið upp og haldið þið virkilega að það vilji þetta gamla flokkakerfi okkar og stjórnkerfi?

[Jenný Anna Baldursdóttir, 25.1.2009 kl. 19:17]

Ég er sammála Edda, ég vil ekki kjósa upp á gamla handónýta mátann.

Nýtt Ísland kallar á breytingar frá grunni en ekki andlitslyftingu.

[Ólöf Jóhanna Pálsdóttir, 28.1.2009 kl. 21:06]

Edda mín ég er þér sammála og vonandi eitthvað fari að koma af góðum frétta svona til tilbreytingar.