Stelpustund í kvöld á Akranesi!

Stelpukvöld var haldið í kvöld í kosningamiðstöðinni að Skólabraut 28. Þar áttum við góða kvöldstund og ræddum baráttuna framundan. Ákveðið var að hittast í kosningamiðstöðinni á hverju miðvikudagskvöldi kl. 20 fram að kosningum.

Við ætlum að fá til okkar reynslubolta úr pólitíkinni til að koma og stytta okkur stundir og fræða okkur betur.

Næsta mál verður "Fagra Ísland" þar sem Samfylkingin telur að nú sé sérstaklega mikilvægt að rétta hlut náttúruverndar á Íslandi gagnvart hagsmunum stóriðju, sem hefur notið algers forgangs í atvinnustefnu ríkisstjórnarinnar undanfarin áratug.

Það verður spennandi að fara í gegn um þessar tillögur Samfylkingarinnar ekki síst vegna þess að við búum hér í næsta nágrenni við stóriðjur og stór hluti bæjarbúa byggja afkomu sína á þeim. Nú þarf að finna jafnvægið í uppbyggingu atvinnuvega í landinu og hugsa um allt landið í þeim efnum og bæta hag kvenna og stöðva flótta kvenna úr dreifbýli í þéttbýli.

Gaman saman hjá okkur!

x-S(telpur)

Athugasemdir

[Borghildur Jósúadóttir (IP-tala skráð) 22.3.2007 kl. 18:12]

Helvíti ertu dugle, þessi síða er líka orðin mjög flott hjá þér.

kveðja borghildur

[Anna Lára Steindal (IP-tala skráð) 23.3.2007 kl. 09:50]

Þú ert frábær Edda.

Ég kemst því miður ekki á miðvikudaginn þar sem ég verð hálfa næstu viku á ráðstefnu um málefni innflytjenda á Ísafirði - kannski kem ég þarnæst og segi ykkur frá einhverju merkilegu sem ég kemst á snoðir um þar

 Kveðja,

Anna Lára

[Edda Agnarsdóttir, 23.3.2007 kl. 11:39]

Takk fyrir kveðjurnarfrá ykkur báðum. Já Anna Lára það væri gaman að heyra frá því sem þú ert að taka þér fyrir hendur.

Sjáumst í baráttunni!

[Ólína Kjerúlf Þorvarðardóttir, 24.3.2007 kl. 09:41]

Góða skemmtuj - og barátturkveðjur frá Ísafirði

[Hulda Elma Guðmundsdóttir, 24.3.2007 kl. 11:08]

Það væri flott ef skoðanakönnunin þín sýndi raunverulega hvað fólk ætlar að kjósa 12. maí, en ég er skíthrædd um að það sé mest Samfylkingarfólk sem skoðar hana. Baráttukveðjur. Elma

[Jenný Anna Baldursdóttir, 24.3.2007 kl. 15:47]

Stelpur í hóp er nánast alltaf af hinu góða.  Hafið það huggulegt elskurnar.

[Kristján Pétursson, 25.3.2007 kl. 01:23]

Gott að heyra að þið eruð kominn á fulla ferð á skaganum.Fagra Ísland þarf að hljóma í allra eyrum.VIÐ föfum besta málstaðinn,við verðum að koma honum til skila.Maður á mann var sagt í gamla daga,þegar dró að kosningum.Er í dag að blogga um vændið,það verðum við að gera að stóru kosningamáli.Ég get orðið að liði í þeim málum.