Borgarnes - Félagsbær

Stuðið var í Félagsbæ í gærkvöldi. Kosningaskrifstofan var opnuð og frambjóðendur mættu úr kjördæminu, Reykjavík og Kraganum. Séra Karl Valgarður Matthíasson sagði nokkur hvatningaorð til félaganna og skoraði á annan prest í salnum að taka til máls Þorbjörn Hlyn Árnason fyrirvaralaust, hann tók áskoruninni en hleypti Ingibjörgu Sólrúnu fyrst að sem varð tíðrætt um STUÐIÐ í Samfylkingunni þessa daganna og breytinguna sem hefur orðið baráttunni eftir landsfundinn.

Þorbjörn Hlynur sagði sögu af ömmu sinni og föðurbróður sem var mikill krati og gekk í hús í Kópavogi með áróðursplögg fyrir einhverjar kosningar og lét það gott heita þótt sumir hafi tekið feil á honum og bróður hans prestinum í Kópavogi á þessum tíma sem var séra Árni Pálsson. Einhver konan hafði víst misst næstum úr sér augun af undran og sagt, svo þú ert krati? Já sagði frændinn og það var líka Jesú!

Svo kom Össur, eldhress að vanda og sagði að fyrsta verkið ef þau kæmust í ríkisstjórn væri að taka Ísland út af lista hinna  vígfúsu þjóða.

Gunnar Svavarsson og Árni Páll Árnason úr Kraganum komu svo saman upp og Gunnar fór á kostum í gríni og Árni fór með vísu um ömmu sína sem Þorbjörn Hlynur hafði talað um, þetta var allt mjög létt og allir í stuði Þeir bentu á mikilvægi þess að hvar sem búsetan er getur atkvæðið virkað á heildina .

Anna Kristín Gunnarsdóttir mætti öllum að óvörum, því hún var á ferðalagi um kjördæmið og mikið að gera en kom samt. Hún benti fundarmönnum á það að eini sjensinn til að fá konu í raðir þingmanna úr þessu kjördæmi væri hún og þessvegna þyrftu allir að kjósa.

Söngkvartettin Silvurrefirnir skemmtu með söng og Hólmfríður Sveinsdóttir stjórnaði og hélt utan um þetta eins og kvenfrelsiskonu sæmir!

Svo má ekki gleyma kaffinu og öllum fínu kökunum sem allt var heimagert í Borganesi.

Takk fyrir mig, þetta var ein besta skemmtun sem ég hef fengið.

 

Athugasemdir

[Jenný Anna Baldursdóttir, 21.4.2007 kl. 21:54]

Gangi ykkur vel í baráttunni.  Við eigum verkefni fyrir höndum þið og við VG en það er að fella ríkisstjórnina.

[Edda Agnarsdóttir, 22.4.2007 kl. 15:39]

Já Jenný, við verðum að skipta um ríkisstjórn!