Eplakaka með rjóma

Ég elska eplaköku með rjóma. Það var ein bökuð á heimilinu í gær handa mér og Gyðu systur minni sem kom í heimsókn og ég var ekki lengi með tvær sneiðar ásamt þeyttum rjóma. Núna er ég að borða afganga af kökunni ásamt afgangi af rjómanum (góð afsökun fyrir því - því annars skemmist rjóminn og kakan, verður allavega verra á bragðið) og úða þessu í mig. Svo er það mórallinn á eftir, því í fjandanum var ég borða svona mik...

Þá er Pollýanna góð og segir, elsku besta njóttu þess og það er eimitt hugsunarhátturinn sem ég nota í móralkastinu.

Nú svo er það leikfimisdagur í dag, hjá henni Ellen sem er hreint fantagóð í þjálfuninni á okkur kellunum frá Skaga.

Í lokin eru hér einn málsháttur og ein tilvitnun sem ég hef óskaplega gaman af.

"Blindur er hver í sjálfs sín sök" og "Þekktu sjálfan þig! Ef ég þekkti sjálfan mig mundi ég leggja á flótta." Goethe

Athugasemdir

[Jenný Anna Baldursdóttir, 23.4.2007 kl. 17:15]

Ég er sammála Goethe ég myndi leggja á flótta ef ég færi út í mikið nánari kynni við sjálfa mig.  Namminamm eplakaka með rjóma.  Var með Jenny í dag (frí á leikskólanum) og við bökuðum kanelsnúða og ég er að æla af þessum sem ég raðaði í mig.

[Edda Agnarsdóttir, 23.4.2007 kl. 20:37]

Það er mórallinn, erþað ekki?

[Hulda Elma Guðmundsdóttir, 24.4.2007 kl. 06:30]

Gamalt kínverskt máltæki segir: Óskir vorar eru eins og börn; því meira sem eftir þeim er látið því mun fleira heimta þær. - Aðra sneið takk.

[Edda Agnarsdóttir, 24.4.2007 kl. 08:40]

Hulda þú klikkar ekki!  Takk fyrir.

[Páll Jóhannesson, 24.4.2007 kl. 16:10]

Epplakaka og rjómi klikkar ekki - þú áttir það örugglega skilið