Amagerstrand og Tívolí

Ég fór í göngutúr eftir Amagerströndinni í Kaupmannahöfn í fyrradag. Ég hafði aðeins driplað fótum þar í fyrrasumar en nú fór ég í rannsóknarleiðangur þangað í fyrradag. Veðrið var svona hibsum habs, sólargæta og rigning á víxl og það alvöru rigning. Svona hefur veðri verið þessa daga sem ég hef dvalið hér, ólíkt veðrinu í fyrrasumar. Amagerströnd er algjör dásemd, fyrir ca tveimur árum var allt tekið í gegn á ströndinni og mikið og flott uppbyggingarstarf  í gangi sem skilar sér í nokkrum göngubrúm, flottum göngustígum og flottri salernisaðstöðu ásamt kaffi og veitingastöðum.

Í gær fór ég fyrsta skipti í Tívolí. Jú jú auðvitað var gaman að berja það augum og margt er fallegt. En það viðurkennist hér með að það var ekki spenningur eins og í gamla daga þegar mar fór í Tívolí í Vatnsmýrinni. En... ég fór í aðal RÚSSÍBANANN og kom hreinsuð og endurnærð út úr honum. Þetta tekur fljótt af sem betur fer enda fer maður ekki bara einu sinni á hvolf heldur líka fer  á krosshvolf eða slaufuhvolf. Ég er hæst ánægð með mig!

Athugasemdir

[Jenný Anna Baldursdóttir, 30.7.2007 kl. 19:10]

Tívolíið okkar í Vatnsmýrinni er svipað þvílíkum ævintýraljóma og ekkert jafnast á við það.  Ekki einu sinni hið eina sanna í Köben. 

[Anna Einarsdóttir, 30.7.2007 kl. 19:43]

Sko stelpuna !  Íslenskar konur eru fjallkonur. 

[Edda Agnarsdóttir, 30.7.2007 kl. 23:27]

Já það er alveg satt Jenný, Vatnsmýra Tívolíið er sveipað ævintýraljóma.

Anna ég er allavega rosa ánægð með mig, það var strákur við hliðina á mér svona 11 - 12 ára hann var að leiðbeina mér áður en við fórum af stað, sagði mér að fara úr skónum og tátiljusokkunum því annars gætu þetta allt horfið á leiðinni og svo sagði hann allt í einu eftir að ég var búin að festa öryggisbeltin; du skal tage dine briller af - og ég tók gleraugun og stakk þeim í vasann en svo kom öryggisvörðurinn og tók þau fyrir mig sem betur fer!

[Anna Einarsdóttir, 31.7.2007 kl. 00:03]

Já, það er sem ég segi.... maður á ekki að vera með gleraugu. 

[Borghildur Jósúadóttir (IP-tala skráð) 31.7.2007 kl. 11:14]

Góð Edda.  Allir sigrar eru góðir þó að það sé bara að fara í rússíbana í Tívólí í Kaupmannahöfn. Ég hef ekki hætt mér í þennan rússíbana.  Hér er komin rigning og ég er að "drulla" mér á fætur og reyna að koma mér í gírinn eftir þessa flensu.  Er samt búin að fara í gegnum 4 kassa af gömlu jólaskrauti og páskaskrauti og ákvað að henda því næstum öllu.  Gamlar minningar úr Stóragerðinu frá mömmu.  Þegar að ég opnaði kassann þá gaus upp gamla súra reykingarfýlan, ótrúlega lífsseig.  Mikið er ég fegin að við reykjum ekki á mínu heimili.  Þetta er bara ógeð enda henti ég öllu.  Ætla síðan að keyra allt upp á hauga, allt gott sem búið er.  Kíki svo kannski á Hjördísi, fjölskyldan er flutt heim frá Færeyjum og er að koma sér fyrir.  Ótrúlegt hvað maður getur orðið myglaður á því að fara ekki út úr húsi í nokkra daga, ekki hollt. 

 Kveðja af Skaganum