NORÐURLJÓSABLÚS 2008

Ég var á Höfn í Hornafirði um helgina á blúshátíðinni Norðurljósablús og skemmti mér konunglega. Ótrúlegt að svona lítill staður eins og Höfn er skuli hafa fundið upp á þessu og það um miðjan vetur. Þeir héldu hátíðina í þriðja skiptið núna og buðu upp á tólf hljómsveitir.

Ég sá fjórar af þessum tólf ein var að vísu farin af staðnum þegar ég kom. Danska sveitinn Öernes Blues Band spilaði á Hótel Höfn á föstudagskvöldið og voru þeir með þeim eldri af öllum spilurum eða á mínum aldri. Þeir hafa spilað saman í 23 ár og voru rosalega góðir, mjög þéttir og spiluðu músík sem er ekki ný á nálinni, svona eins og Jimmy Reed, Allman Brothers, Jimi Hendrix Freddie King og Robert Johnson. Undir þeirra spilamennsku leið mér vel og fann fyrir nostalgíunni flæðandi.

Á eftir dönsku sveitinni kom íslenskt  band, Hulda Rós og Rökkrtríóið. Hulda hefur gullfallega rödd og ég hlustaði á hana taka þrjú lög og svo dreif ég mig heim í háttinn.

Segi ykkur meira frá þessu í kvöld - er að fara í leikfimi.

Get þó bætt því við að ADHD 800 spiluðu dagin áur en ég kom og voru þrusugóðir, enda ekki við öðru að búast með Davíð Þór Skagamann á hljómborði, bræðurna Óskar og Ómar Guðjónssyni á saxa og gítar, og Magnús Tryggvason á trommur. Þeir höfðu heimsótt skólanna um daginn og spilað um kvöldið og gert mikla lukku. Þeir voru víst meira jazzaðri en blúsaðir.

Athugasemdir

[Jenný Anna Baldursdóttir, 3.3.2008 kl. 16:13]

Þarna hefði verið gaman að vera.  Knús.

[Kolgrima, 3.3.2008 kl. 16:18]

Skemmtilegt að hafa svona hátíð á Höfn og frábært hjá ykkur að skella ykkur austur

[Ingibjörg Friðriksdóttir, 3.3.2008 kl. 19:54]

SKOOO! Þú ert nú meiri stuðkerlingin, þrátt fyrir að vera komin yfir fertugt. Skyldi Catherine Zeta-Jones, þú ekki full gömul til að vera djamma svona feitt, og það austur á Höfn í Hornafirði.

Ég segi nú bara svona!

En í alvöru, hefi ég viljað vera með þér þarna.  

[Páll Jóhannesson, 3.3.2008 kl. 20:09]

Get vel trúað því að það hafi verið stuð á Höfn. Á höfn býr gott fólk það þekki ég af eigin raun.