Sumarbrauð

 6 dl    hveiti

 1 dl    heilhveiti

 1 dl    hveitiklíð

 3 tsk   lyftiduft

1/2 tsk salt

2 tsk     sykur

3 dl       mjólk

 

Kveikið á ofni 175 gráður. Mælið þurrefnin í skál. Hellið mjólkinni saman við og hrærið með sleif. Stjið deigið á borðið og hnoðið þar til það er samfellt. Setjið brauðdeigið í tvö lítil smurð kökuform. Bakið í 30 mínútur.

 

Verði ykkur að góðu.

Þetta er lyftiduftsbrauð sem fimmtu bekkingar eru að baka þessa daganna hjá mér.

Athugasemdir

[Hrafnhildur Ýr Vilbertsdóttir, 27.3.2008 kl. 11:48]

Þetta minnti mig á að ég ætlaði að finna útúr því hvernig Finnsk brauð eru gerð....best að drífa í því, ég er viss um að þú yrðir hrifinn.

[Marta B Helgadóttir, 27.3.2008 kl. 12:07]

mmm þetta hljómar vel Edda.  Takk

[Páll Jóhannesson, 27.3.2008 kl. 13:05]

,,Kanntu brauð að baka.....?" Hlýtur að vera girnilegt

[Ingibjörg Friðriksdóttir, 27.3.2008 kl. 18:56]

takk Edda, slæ í þetta brauð á morgun og læt þig svo vita

[Ólöf Jóhanna Pálsdóttir, 27.3.2008 kl. 20:20]

Ætli ég prófi ekki þetta brauð á morgunn. Alltaf gaman að prófa eitthvað nýtt.

[Brattur, 27.3.2008 kl. 22:15]

... jæja... nú fer ég að baka... ekki spurning... ilmandi nýbakað brauð og góður ostur... um helgina... kem sumum á óvart...

[Anna Ólafsdóttir (anno) (IP-tala skráð) 27.3.2008 kl. 23:53]

Ég er fullkomlega ömurlega léleg þegar kemur að bakstri enda eru dætur mínar búnar að gefast upp á mér, kaupa bara Betty Crocker skúffuköku og Wilko vöfflur, baka það sjálfar og láta sér duga það. Kannski að ég ætti að hjálpa þeim að ná smá fjölbreytni í baksturinn og benda þeim á þessa færslu - hóst

[Heiða Þórðar, 28.3.2008 kl. 00:16]

Veistu Edda mín, þótt uppskriftin sé fyrir 5.bekk-inga...er ég ansi hrædd um að mér tækist að klúðra henni...

[Edda Agnarsdóttir, 28.3.2008 kl. 13:33]

Þetta er ekki erfitt. ég læt krakkana baka í 30 mín. kíki svo á brauðið og ef það er ljóst að ofan er gott að setja blástur á í 5 mínútur. Stundum þarf að baka þetta brauð í 40 mín. fyrst, þetta fer svolítið eftir ofnum.

Prófið bara og látið þá steita á skeri ef ekki vill annað.