Hvar er Skaftholt?

Fallegt er það, nú kemur Bjarkarlundur og Sigurrósargarður. Þetta eru engin smá nöfn á trjálundinum. Vonandi fær það að dafna og vera í friði eða þá að einhver taki að sér að hugsa um lundinn.

Einn lundur sem ég þekki til og er kenndur við Vigdísi Finnbogadóttur, merktur fallega og gengið inn í lundinn milli hárra trjáa og búið að snyrta og lagfæra aðgengi með möl og gullfallegum trjáplankahellum ásamt gulli slegnum skildi með nafninu Vigdísarlundur.

Nú er skiltið horfið, mölin vaxin grasi og öðrum gróðri, tréplankarnir sokknir í gróðri og hríslurnar sem sumar eru orðnar að trjám í dag, dóu margar hverjar af illri umhirðu.

Vonandi fer ekki svona fyrir Bjarkarlundi og Sigurrósargarði. 

1.000 bjarkir fyrir Björk

Athugasemdir

[Jenný Anna Baldursdóttir, 21.6.2008 kl. 10:19]

Hvar er þessi Vidísarlundur?

[Edda Agnarsdóttir, 21.6.2008 kl. 10:58]

Á Akranesi mín kæra!

[Edda Agnarsdóttir, 21.6.2008 kl. 11:00]

En ég held að það séu nú fleiri en einn og fleiri en tveir staðir í trjárækt kenndir við Vigdísi!

[Anna Ólafsdóttir (anno) (IP-tala skráð) 21.6.2008 kl. 12:07]

Sorglegt að heyra um svona hirðuleysi. Vigdís á betra skilið. En mér finnst nöfnin Bjarkarlundur og Sigurrósargarður alveg sérdeilis falleg

Knús á þig

[Edda Agnarsdóttir, 21.6.2008 kl. 12:32]

Já það er satt Anna!

[Jenný Anna Baldursdóttir, 21.6.2008 kl. 13:33]

Ókí, kíki á hann næst.

[Ingibjörg Friðriksdóttir, 21.6.2008 kl. 13:36]

Frábær hugmynd, en er ekki Bjarkarlundur til fyrir vestan, eða er það Bjarkalundur?  Veit ekki vel, en það þarf að hugsa vel um skóga og lundi, sérstaklega fyrstu árin.  Hér er vindasamt og jarðvegur getur orðið óskaplega þurr og ef ekki er nægur raki og sól, þá fá plönurnar ekki næga næringu.(segir líffræðingurinn)

Það á að sýna Vigdísi meiri sóma en svo að lundurinn sem við hana er kenndur nái að blómstra vel inn í framtiðina.  Það væri ekki úr vegi að umhverfisráðherrann okkar sýndi þessu máli áhuga.,  Mér finnst hún þurfa ........................................  segi ekki meir. 

[Ingibjörg Friðriksdóttir, 21.6.2008 kl. 13:40]

Seinni málsgrein er ekki nógu góð, getur auðveldlega misskilist,   Bið fólk að afsaka, ég á auðvitað við að Vigdísi sé sýndur meiri sómi en svo að lundirinn hennar þorni upp og drepist.

Brettum upp ermar, stofnum klúpp sem lætur sig lundinn varða.

 Býð mig fram.  Edda þú gætir veitt klúbbnum forystu, 

[Edda Agnarsdóttir, 21.6.2008 kl. 15:31]

Já það er alveg ferlegt að það skuli ekki hafa verið einhverjir aðrir sem settir voru í að hugsa um þetta en bærinn sjálfur!

Þessi lundur var gróðursettur á einhverju afmæli Akraness 1992 eða 3!

[Edda Agnarsdóttir, 21.6.2008 kl. 15:32]

50 ára afmæli Akraness 1992 !