Ellen Kristjánsdóttir

Hér á bæ eru karlmennirnir að fara á Clapton. Minn maður er gítarleikari, sonur minn syngur í sturtu og alls staðar, bróðir mannsins míns sem verður líka er bassaleikari og píanóleikari og litli bróðir mannsins míns sem varð ekki tónlistarmaður í formlegri merkingu (hefur kannski fengið nóg heima af allri tónlistinni enda örverpið) heldur áhugamaður af lífi og sál, ætla allir að sjá meistarann í kvöld.

 

En hver ætlar að sjá Ellen?

Íslendingar eru þekktir fyrir að mæta of seint, seint, seint, á nær alla viðburði.

Afhverju ætli það sé?

Ef ég færi í kvöld, sem ég geri ekki, læt kúga mig tilfinninga- og félagslega af karlastóði, þá væri sko Ellen mitt áhugamál nr. eitt.

Það er sko listamaður sem hefur unnið á í gegn um árin, hún er frábær flytjandi.

Það eru afar fáir sönglistamenn sem hafa þroskað söng sinn á jafn áhrifamikinn hátt og Ellen Kristjánsdóttir.

PS. Það er mjög erfitt að finna mynd af Ellen á netinu - ef einhver getur fundið betri má hann vera svo vænn að senda mér.

Jenný sendi mér þessa mynd, sem er stórglæsileg af henni.

Clapton er mættur

Athugasemdir

[Jenný Anna Baldursdóttir, 8.8.2008 kl. 10:57]

[Hrafnhildur Ýr Vilbertsdóttir, 8.8.2008 kl. 10:59]

Hún Ellen er svo glæsileg kona og frábær söngkona...

Eruð þið hjónin svo orðin ein í kotinu...allir fluttir að heiman? 

[Jóna Á. Gísladóttir, 8.8.2008 kl. 11:30]

Hún Ellen er falleg bæði að utan og innan. Mér finnst þessi mynd í færslunni þinni reyndar ofsalega skemmtileg.

[Hulda Elma Guðmundsdóttir, 8.8.2008 kl. 13:18]

Ellen og Eyþór ætla að vera á Menningarnótt á Fjöllum 16. ágúst, nánar tiltekið í Selinu við Sauðána. Þetta er liður í Ormsteiti og segir í kynningu að tónleikarnir séu til mótvægis við hundrað þúsund manna samkomu á Menningarnótt í Rvk. Á þessa tónleika verða aðeins 100 miðar seldir í forsölu. Já, Selið er ekki stórt!

[Kolgrima, 8.8.2008 kl. 13:30]

Tek undir með Jónu, mér finnst myndin með færslunni alveg frábær.

Mér finnst Ellen reyndar skemmtilegri en Clapton

[Númi (IP-tala skráð) 8.8.2008 kl. 16:25]

Ellen er frábær,og hananú.

[Edda Agnarsdóttir, 8.8.2008 kl. 16:30]

Djísus hvað þetta er flott mynd af henni Jenný!

Er þetta úr einkasafni þínu?

[Ásdís Sigurðardóttir, 8.8.2008 kl. 16:57]

ÉG væri til í að fara á tónleika með henni einni og engan Clapton á eftir, það er aldrei friður þegar undanfarar eru að syngja og spila, mér finnst hún of góð til að hita upp.  Þeir hefðu getað valið einhvern gítarsólóista.

[Jenný Anna Baldursdóttir, 8.8.2008 kl. 19:58]

Nebb fann hana á gúgglinu.

Ellen er yndisleg að utan sem innan.

[Lilja Guðrún Þorvaldsdóttir, 8.8.2008 kl. 20:41]

Tek sko 100% undir það Ellen er falleg utan sem innan, og einn okkar besti listamaður landsins. -

Mér finnst þetta mjög falleg mynd af henni, sýnir húmorinn, hlýjuna., fegurðina og útgeislunina. - Hún á eftir að sigra hug og hjarta Claptons.

[Tína, 10.8.2008 kl. 08:31]

Mér finnst Ellen bara eitthvað svo sönn. Manni getur ekki annað en liðið vel þegar hlustað er á hana.

Knús á þig yndislegust

[Jakob Falur Kristinsson, 12.8.2008 kl. 08:50]

Ellen er alltaf frábær,  Hún er flott á myndinni sem þú birtir með greininni.