Réttur foreldra og sakarvottorð

Sakavottorð er eitt af því sem beðið er um þegar ráðið er til vinnu í Danmörku. Í það minnsta ef unnið er með fólk.

Hér á landi hefur það ekki tíðkast, en það brá svo við að nýtt fólk sem kom til vinnu hjá Akraneskaupstað í haust þurfti að skila sakarvottorði og er það vel.

Það er kannski undarlegt til þess að hugsa að Bretar eru að fara á stað með opinberanir á kynferðisglæpamönnum sem setið hafa af sér. Rannsóknir sýna að það er nánast ekki hægt að koma í veg fyrir það að þessir menn endurtaki ekki glæpinn.

Mér er ætíð minnisstæð réttarhöld sem fóru fram í Þýskalandi á níunda áratugnum yfir manni sem nauðgaði og drap stúlkubarn, sex ára gamla minnir mig. Hann hafði setið inni fyrir samskonar glæpi og verið tekin úr sambandi, en fékk leyfi vegna sambúðar við konu mörgum árum eftir að hann var laus, að láta setja sig í samband og það endaði svona. Móðir stúlkunnar skaut manninn til bana í réttarsalnum þegar réttarhöldin voru farin að draga í land með hans sekt og útlit fyrir mjög vægan dóm. Barnið var einkabarn móðurinnar og hann hafði lokkað hana með sér í garð.

Foreldrar fá upplýsingar um kynferðisglæpamenn

Athugasemdir

[Jenný Anna Baldursdóttir, 16.9.2008 kl. 09:35]

Sakavottorð er gott og gilt þegar sótt er um vinnu.

En sem úrskurðaratriði þegar fólk kemur til Íslands er það að mínu mati gagnlaust plagg vegna þess að í sumum löndum þar sem mannréttindi eru lítilsvirt og lög allt öðruvísi en hér getur fólk verið með á sakavottorði að hafa tekið þátt í mótmælum eða sýnt aðra borgaralega óhlýðni.

Þannig að þetta sakavottorð er ekki nein alsherjarlausn og tvíeggjað sverð.

[Edda Agnarsdóttir, 16.9.2008 kl. 13:19]

Góður punktur Jenný - var bara ekkert að hugsa um erlenda landnema. Mér finnst hins vegar gott að það sé krafist sakarvottorðs þar sem unnið er með börn sérstaklega, gamalmenni og sjúklinga ásamt fötluðu fólki ekki síst.

[Helga Magnúsdóttir, 16.9.2008 kl. 20:11]

Alveg sammála að krefjast sakavottorðs hjá þeim sem vinna við ýmiss konar umönnun. Einmitt þess vegna sendi ég minn strák í sumarbúðirnar Ævintýraland því þar eru allir starfsmenn kannaðir og því engin hætta á einhverjum föntum þar.

[Anna Ólafsdóttir (anno) (IP-tala skráð) 16.9.2008 kl. 20:26]

Ég er mikið búin að vera að hugsa um þessi afbrotamál sem dunið hafa á okkur í fréttum að undanförnu. Ég styð þetta með sakavottorðin en skil samt alveg hvað Jenný Anna er að fara. Það þarf að taka það með í reikninginn.

[Arnbjörg (IP-tala skráð) 16.9.2008 kl. 21:09]

Samkvæmt nýjum grunnskólalögum eiga allir að skila inn sakavottorði við ráðningu í leik- og grunnskóla. Þetta er því ekki einstakt hér á Akranesi.

[Edda Agnarsdóttir, 16.9.2008 kl. 22:30]

Arnbjörg, takk fyrir leiðréttinguna, mér er bara svo kært að hafa Skagann sérstakann!

Já Anna það er eitthvað hryllingsástand í gangi, ekki bara afbrot, líka slys.

Helga það er mjög gott að svo sé., veist þú eitthvað nánar um hvernig því er háttað eða framfylgt?

[Helga Magnúsdóttir, 17.9.2008 kl. 19:30]

Nei, en þú getur spurt Gurrí, systir hennar rekur þessar sumarbúðir.

[Ingibjörg Friðriksdóttir, 18.9.2008 kl. 19:57]

Segi það við hvert tækifæri.

Atvinnurrekendur eiga að mínu mati að vera á einhvern hátt ábyrgir þegar þeir eru að flytja inn erlent vinnuafl. Þá myndu þeir vanda betur val sitt, því af nógu hefur verið að taka.

Ég þekki einn stórgrósser á Reykjavíkursvæðinu og hann sagði mér að hann kræfist bæði sakavottorðs og skilríkis, því að hann hefði fyrir nokkrum árum haft vinnuafl frá Póllandi sem stal verkfærum fyrir milljónir, úr næstu vinnuskúrum og svo var aukabúgreinin hjá þeim að stela úr búðum.

Mér finnst eiginlega sjálfssagt að kennarar og allara aðrar launþegastættir ættu að leggja fram sakavottorð þegar það sækir um vinnu.

(Ég hefði skotið hann líka)

[Tína, 23.9.2008 kl. 07:00]

Það eru reyndar margir vinnustaðir sem krefjast sakavottorðs. Ég hef unnið í banka og einnig í áfengisverslun (komið víða við sjáðu) og á báðum stöðum þurfti ég að framvísa svoleiðis vottorði.

Knús á þig yndislegust.

[Kolgrima, 24.9.2008 kl. 11:04]

Ég man svo vel eftir þessum réttarhöldum en mig minnti að móðirin hefði fengið býsna þungan dóm af því að þetta var undirbúið morð og brotaviljinn einbeittur! Til að vara fólk við að taka lögin í sínar hendur.

En það er gott að fólk í umönnunarstéttum skuli þurfa að sýna sakarvottorð.

[Jóna Á. Gísladóttir, 25.9.2008 kl. 10:15]

Sakavottorð finnst mér sjálfsagt mál að þurfi að sýna. Sérstaklega þar sem unnið er með fólk, s.s. leikskólar, elliheimili, grunnskólar, frístundaheimili o.sfrv.

En svo er það hin hliðin, þ.e. auðvitað eru fullt af barnaníðingum og annars konar glæpamönnum þarna úti sem aldrei hafa verið kærðir eða dæmdir. Og hreinsast ekki líka sakavottorð á einhverjum x tíma?