"Kvennaklósettið" til alls fyrst!

Marlyn French búin að yfirgefa þessa jarðvist - hún átti einn stærsta þátt í því að styðja konur um allan heim með bók sinni Kvennaklósettinu sem kom út 1977, í baráttunni við félagslegri kúgun kvenna inni á heimiliunum.

Verst er að bókin hefur verið bæði gleymd og geymd og er því ástæða að taka hana aftur fram eins og ég gerði áðan til að minna mig á ýmislegt, en ég sé að ég verð að lesa hana aftur, svo margt er horfið frá mér.

Seinna kom svo bókin "Þótt blæði hjartasár" og var hún ekki síðri þótt ekki hafi fylgt eins miklar sprengingar með henni,

Þegar ég leit í endi Kvennaklósettsins núna, þar er komið er inn á "gleymskuna" sem túlkuð er sem andstæða sannleikans.

En síðustu orð bókarinnar eru svona:

Ég hef opnað allar gáttir í huga mínum.

Ég hef opnað allar holur í hörundi mínu.

En hafaldan ein fellur að

Marilyn French látin

Athugasemdir

[Jenný Anna Baldursdóttir, 6.5.2009 kl. 01:32]

Mér eru báðar þessar bækur svo kærar.  Átti þær og las á sænsku en er búin að glata þeim.

Nú er spurning um að kaupa þær aftur og njóta.

Frábær brautryðjandi.

[Rut Sumarliðadóttir, 6.5.2009 kl. 12:46]

Á þessar báðar á heiðursstað í bókahillunum mínum. Mér finnst reyndar "þó blæði hjartasár" ekki síðri, hún nálgast líf og stöðu kvenna á öðrum forsendum. Frábær höfundur.

[Hrafnhildur Ýr Vilbertsdóttir, 6.5.2009 kl. 14:56]

ég man að ég las kvennaklósettið þegar ég var 14 ára og hún hafði ótrúlega sterk áhrif á mig, hefur alltaf verið í uppáhaldi síðan þá...

[Edda Agnarsdóttir, 6.5.2009 kl. 16:35]

Það er svo gott þegar eitthvað hefur svona sterk áhrif og eiga það líka sameiginlegt með öðrum.

[Ingibjörg Friðriksdóttir, 10.5.2009 kl. 18:17]

Blessuð sé minning hennar.

[Helga Magnúsdóttir, 11.5.2009 kl. 20:06]

Þessar bækur báðar les ég reglulega. Þegar ég las Kvennaklósettið fyrst var ég svo djúpt sokkin í bókina að ég drap í sígarettu við hliðina á öskubakkanum á nýja fína sófaborðinu mínu - tvisvar.