Obama búin að fá sætið til foretaframboðs Demókrata - Olíhreinsistöð í Arnarfirði? Nei takk!

Þá er allt búið í BNA og Obama búin að tryggja sér sætið  til forsetakjörs. Nú bíð ég spennt eftir að sjá hvað Hillary gerir.

Nú er það olíuhreinsistöðin í Arnarfirði sem er næsta baráttumál náttúruverndarsinna og andstæðinga stóriðju.

Heiða hefur bloggað lítillega um þetta og hafist handa um að fólk sæki um inngöngu í Náttúruverndarsamtök Vestfjarða. Skoðið bloggið hennar og skráið ykkur í samtökin.

http://skessa.blog.is/blog/skessa/entry/558792/#comments

Lára Hanna bendir á færslur frá þessum bloggara: http://ingibjorgelsa.blog.is/blog/ingibjorgelsa/entry/542801/

 

 

Játar ekki!

Hvaða hvaða, hún er ekkert tilbúin að gefast upp - líklega eru það karlar sem vilja að hún gefist upp, hún er til of mikilla vandræða fyrir þá.

Í kommentakerfi mínu hér í færslunni á undan fer einn bloggarinn mikinn um spillingu Clinton hjónanna án þess að það sé skilgreint frekar. Bloggarinn talar m.a. annars um það að frú Clinton geti ekki skýlt sér á bak við píkuna á sér.

Ekki ætla ég að gera lítið úr hans áhuga og vitneskju um forvalskosningarnar og frambjóðendur en heldur finnst mér hann taka stórt upp í sig varðandi persónu Hillarys.

„Alrangt“ að Clinton játi ósigur

Dapurlegt að Hillary skuli ekki fá útnefningu!

Að sumu leiti var það erfitt að fylgjast með kosningaslag Hillarys og Obama, bæði eru þau fyrna sterkir kandidatar og Obama er greinilega enn betur settur, ekki bara sem karlmaður sem er giftur og á  konu sem er vinsæl heldur á hann tvær litlar stelpur og það hefur löngum passað Hvíta húsinu að hafa stelpur innandyra Obama er s.s. ímynd Kanans og Kaninn elskar allt út frá speglun (symmetry).

Erfiðara er að vera kona, komin á miðjan aldur, með mikla reynslu af stjórnmálum og þar að auki þurft að tækla framhjáhald eiginmannsins á meðan hann var í æðsta embætti þjóðarinnar fyrir opnum tjöldum. Ég er farin að hallast að því að Hillary er orðin blóraböggull í þessu máli og undir niðri eru bæði demókratar og almenningur að koma fram hefndum gegn Bill.

Ég hef mikla trú á henni og er nær viss um að hún yrði betri gegn Republikana en Obama. Getur það annars verið að Kanarnir eru ekki tilbúnir fyrir konu?

Tepruskapur Kana er auðvitað alþekktur og kemur fram í ólíklegustu myndum, s.b. þegar kona var ófrísk í bíómyndum, þá mátti ekki vera kúla framan á henni, hún átti bara barnið allt í einu tágrönn allan meðgönguna!

Gaf í skyn að Clinton ætli að hætta

Barnabók um brjóstastækkun

 

Gagnrýnendur segja barnabókina stuðla að útlitsdýrkun meðal barna.

Bandarískur lýtalæknir sætir gagnrýni fyrir að gefa út barnabókina „Fallega mamma mín" sem fjallar um brjóstastækkanir, fitusog og aðrar lýtaaðgerðir.
Dr. Michael Salzhauer, fimm barna faðir, skrifaði bókina til að útskýra lýtaaðgerðir fyrir börnum, svo að þau verði ekki fyrir áfalli ef foreldrar þeirra láta flikka upp á útlitið.

Bókin fjallar um litla stelpu sem á mömmu sem undirgengst stórfelldar fegrunaraðgerðir. Móðirin segir henni frá öllu ferlinu og litríkar myndskreytingar sýna afraksturinn. - sgj

 

Tekið af visir.is í dag! EA.

Hjartaknúsari með Pétursspor!

 

Gaman að sjá hvað þessi hjartaknúsari er fjölhæfur. Hann spilar á píanó og hefur gefið út einn disk (Time Waits for Everyone)  með píanóspili sínu, hann gefur út bækur eftir sjálfan sig aðra listamenn, m.a. bók eftir Georg Guðna listmálara Strange Familiar. Hann tekur ljósmyndir og hefur gert frá því hann var smágutti, hann málar líka málverk, semur ljóð, semur tónlist og ekki síst er hann góður leikari.

Mamma hans er amerísk og pabbi hans er danskur, hann talar bæði tungumálin auk spænsku. Hann hefur komið nokkrum sinnum til Íslands og hefur líka verið í Færeyjum og langaði til að búa þar. Hann elskar einveru og lýsir því í viðtali Fréttablaðsins að hann hafi ekið út á land fyrir einhverjum árum hér og lítið sofið en komið endurnærður til baka frá birtu sumarnóttanna.

Mikill áhugi á myndum Viggo

Nú fer ég á djammið...

... með skólanum. ferðinni er heitið að Hraunsnefi í Borgafirði - leggjum af stað kl. 18 með rútu og komum heim á miðnætti það verður fjör.

 

En Magnea mín lendir á Keflavíkurflugvelli kl. 1 í nótt með pabba sínum og þau koma beint hingað! Jibbý!

Þarna er Magnea í ruggustól hjá ömmu Signý sem er lengst til hægri og svo kemur langamma Rúna og mamma hennar Aldís!

Bráðum sér fyrir endann á þessum skólavetri...

... og af því tilefni ætla ég að setja inn eina mjög þægilega og góða uppskrift af pizzadeigi sem slegið hefur í gegn hér í Heimilisfræði í vetur. Hún er svona:

Pitsubotn með lyftidufti. Hráefni: 

2 dl hveiti

1 tsk lyftiduft

1/8 tsk salt

½ tsk pitsukrydd

1 msk matarolía

1 dl mjólk

 Aðferð: 

1. Setjið þurrefnin í skál og blandið saman. Blandið mjólk og matarolíu út í, hrærið saman með sleif. Reynið að hræra ekki mikið.
2. 2. Látið á borð og hnoðið þar til deigið verður samfellt. Ekki hnoða meira en nauðsynlegt er til að deiginu saman, því deigið vill verða seigt ef það er hnoðað.
3. 3. Hveitistráið deigkökuna og fletjið út kringlótta köku u.þ.b. 20-25 cm í þvermál eða skiptið deiginu í tvennt og búið til tvær minni pitsur.
4. 4. Látið á plötu og bakið í 3 mín. Við 2000°c.
5. 5. Setjið pitsusósu, fyllingu og ost eftir smekk á botninn.
6. 6. Bakið í u.þ.b. 10 mínútur eða þar til botninn er gegnbakaður og osturinn hefur fengið fallegan lit.

 

Munið bara að forbaka botninn í 3 - 5 mín. fer eftir ofnum. Öll uppskriftin passar á eina plötu.

Njótið vel!

Maríurnar og prinsarnir

 

 

Og þá var kátt í kotinu, kotinu, kotinu

og þá var kátt í kotinu kot - i-nuu!

Það verður næs að skoða allt fíneríið á undan júróinu!

Ótrúlegt hvað þessar Maríur bræðrana eru áþekkar/líkar, hef verið að horfa á danska varpið með öðru auganu í morgun og þar var sýnd heimildarmynd um Maríu frönsku og varð margs vísari um snótina.

Húrra Danmörk!

Konunglegt brúðkaup í Danmörku

Gott fyrir þjóðarsálina að Íslendingar eru komnir áfram!

 

 Ég var dálítið skotin i Tyrkjunum - ég fann eitthvað íslenskt við það, ég get ekki útskýrt það en kannski einhverjir aðrir geti það?

Ég kaus þá ekki af því ég vissi það fyrirfram að þeir kæmust áfram - allir í þýskalandi!

Annars kaus ég Dani, Króatíu og Portúgal.

Ég kann ekki að meta strippklæðnað nokkurra söngvaranna, er eiginlega alveg búin að fá nóg af þessum ljósu og leyndu pornópjötlum. Þoli ekki sænsku pórnódrottninguna, er svo langrækin, get ekki fyrirgefið skúbbið á Selmu.

Þetta verður spennandi á laugardaginn.

En hvað kusu þið?

Íslendingar eiga marga stuðningsmenn í Eistlandi

Skagamaðurinn Arnór Smárason

 

Arnór Smárason, leikmaður Heerenveen í Hollandi hefur verið valinn í landsliðshópinn sem mætir Wales þann 28 maí í vináttuleik. Ólafur Jóhannesson, landsliðsþjálfari mun samt sem áður ekki tilkynna leikmannahópinn fyrr en seinna í þessari viku en heimasíða Heereveen birti frétt um þetta í dag.

 Þessa frétt má m.a. sjá á Gras.is

Arnór Smárason er ég búin að þekkja síðan hann var 2ja ára - sömuleiðis sonur minn, Þór sem kynntist honum í leikskólanum þar sem þeir fylgdust að á deild og alla leið upp úr í grunnskólanum eða þangað til Nóri (eins og vinir hans kalla hann) flutti til Hollands til að spila fótbolta og læra. Mamma Nóra er leikskólakennari, hún Gulla, hún var á deildinni þeirra þegar þeir voru litlir.

Nóri flutti út til fjölskyldu sem tekur að sér að hafa fótboltastráka hjá sér og þar var hann til 18 ára aldurs. Stundum er skrýtið og eflaust dáldið erfitt fyrir bæði fjölskylduna og stráka sem flytja svona ungir burtu í annað land en Arnór stóð það allt saman og er orðin ansi heimavanur í Hollandi þar sem hann hefur eignast kærustu.

Hann var hér heima um jólin og ég smelli inn myndum af honum, kærustunni og þór.

 

 

 

 

 

 

 

 

 

 

Arnór í fyrsta sinn í A-landsliðshópi