Tölvan mín er enn í viðgerð.

Ég er bara að stelast inn í hinar og þessar tölvur til að skoða blogg og stundum skrifa ég athugasemdir. Ég fór í gegn um allt bloggið hjá bloggvinum í gær og stundum er það svoleiðis að það fer allur máttur úr mér við að sjá hvað sumir eru duglegir að blogga. Jenný Anna gömul hverfis og unglingavinkona mín er ein af þeim og hún á metið af þeim sem ég kíki á reglulega. Þegar ég fór inn á bloggið í gær með þeim tilgangi að senda henni kveðju í athugasemdum þá varð mér um og ó því ég vissi ekki hvar ég átti að bera niður, hún var búin að setja inn fimm færslur fyrir einn dag! Geri aðrir betur.

Tölvan mín er komin til Reykjavíkur í skoðun, ekki veit ég hvað þeir ætla að hafa hana lengi, hún er búin að vera sex daga í skoðun.

Annars er búið að vera nóg að gera, ég á tvo syni sem hafa og eru að útskrifast um þessar mundir úr skólum sínum. Fylkir varð stúdent í gær frá Fjölbrautaskóla Vesturlands http://www.fva.is/ og Sindri  útskrifast á næstu dögum frá leiklistarskólanum Film/teaterskolen Holmberg í Kaupmannahöfn. Í gær var smá boð fyrir Fylki hér heima og pabbi hans sagði gestum frá því að hann hefði náð að vera tveimur heilum hærri en hann á stúdentsprófi (hann á heldur ekki bara eitt foreldri)en Sindra er boðið til Spánar þann 12. júní n.k af tengdaforeldrum sínum. ´

Ég fór áðan til vinkonu minnar hér á Skaga í danskan frokost, strákurinn hennar Vésteinn og hans kærasta útskrifuðust frá Fjölbrautaskóla Suðurlands s.l. föstudag, þar var opið hús fyrir vini og ættingja og var margt um manninn.

Veðrið er yndislega fallegt og naut ég þess áðan að vera hjólandi til og frá frokostinum.

            Fylkir og Alexandra.

Athugasemdir

[Jenný Anna Baldursdóttir, 28.5.2007 kl. 09:23]

Til hamingju.  Fylkir er nottla í móðurættina.  Láttu ekki hugfallast Edda mín þó ég bloggi maniskt.  Ég er svona annaðhvort eða karakter. Smjúts.

[Edda Agnarsdóttir, 28.5.2007 kl. 17:00]

Takk fyrir kveðjurnar kæru bloggvinir, þær ylja.

[Páll Jóhannesson, 28.5.2007 kl. 23:59]

Til hamingju....

Tölvan mín bilaði í vikunni sem leið og ég var án hennar í tvo daga.... þá áttaði ég mig á því að samband okkar þ.e.a.s mín og þessa viðhalds (tölvunar) er alvarlegra en mig grunaði  og konan mín segir ekkert við þessu, enn sem komið er

[Edda Agnarsdóttir, 29.5.2007 kl. 16:27]

Og ég fékk þær fréttir í morgun að það sé verið að skipta um móðurborð í tölvunni! Þekkir einhver svoleiðis?

[Páll Jóhannesson, 31.5.2007 kl. 19:54]

Hef oft hugsað um þetta ,,móðurborð" tölvan getur því verið með einhvers konar móðurlífsbólgur eða þ.h..... eða getur tölva þá verið móðursjúk...... bara svo pæla.