Marengsterta og alles

Ég er búin að vera svo dugleg, bjó til stóra marengs í skúffukökustærð í gærkvöldi og er að baka núna múffur og bananabrauð! Allt á fullu fyrir hana Söndru mína. Þetta verður eins og 70 ára afmæli fyrir barnið. Kona fyrrverandi mannsins míns kemur með köku osta og brauð og Heiða er búa til eitthvað sérdeilis gott pastasalat handa þeim sem eru svangir.

Annars eins og þið sjáið að þá standa konur einungis að þessu miðað við færsluna en karlmennirnir eru nokk lúmskir í aðstoð og minn bakar mjög oft og líka fyrrverandi! Hahaha

Þið megið fá vatn í munninn og smjatta

Athugasemdir

[Jenný Anna Baldursdóttir, 11.7.2007 kl. 15:52]

Namminamminamm.  Ég verð alltaf svöng Edda mín þegar þú skrifar um mat.

Hvernig væri að skutla bananabrauðsuppskriftinni inn á bloggið, fyrir alla sem áhuga hafa?  Plís!!!

Til hamó með þá "sjötugu".  Smjúts.

[Edda Agnarsdóttir, 11.7.2007 kl. 20:00]

Bananabrauð

2-3 bananar

1 bolli ykur

1 egg

2 bollar hveiti

1tsk. matarsóti

lítið af borðsalti

Bananarnir eru stappaðir eða hrærðir fyrst saman í hrærivél. Síðan er allt sett í saman við og hrært saman á stuttum tíma.

Bakað í aflöngu formi við 185 gráður.

Í dag bætti ég tveimur teskeiðum af kanil og svo er bara hægt að fantasera með þetta. Góð með smjöri og líka án þess.

Verði ykkur að góðu.

[Jenný Anna Baldursdóttir, 11.7.2007 kl. 21:17]

Takk, takk. Smjúts

[Jóna Á. Gísladóttir, 11.7.2007 kl. 23:53]

mmmm. þetta er skráð.

Hvenær á ég svo að mæta í afmælið?

[Þorsteinn Ingimarsson (IP-tala skráð) 12.7.2007 kl. 00:51]

en hvar eru myndirnar af írsku dögunum sem þú lofaðir?

[Edda Agnarsdóttir, 12.7.2007 kl. 11:28]

Amælið er búið Jóna mín.

En Þorsteinn, ég er með heila færslu inni í stjórnborðinu (óbirt ) með myndum af götugrillinu okkar en þær koma allar út á ská og skjön. Kann ekki að finna út úr þessu og hver mynd er margar mínútur að koma inn.