Allir í góðu skapi

Í dag var íslenski fáninn dregin að húni og síðan Grænfáninn kl. 10. Þá var skólasöngurinn sunginn og svo fóru allir inn í djús og kleinur eða kaffi. Skólinn fékk nokkrar góðar kveðjur og sumar voru með gjöfum.

Ég kenndi 3. bekkingum kl. 12:30 og þau voru alveg í einstaklega góðu skapi, það ultu út úr þessum skinnum brandararnir og kitluðu hláturtaugar mínar, Júllu sem var hér til aðstoðar og börnunum sjálfum. Ég man nú ekki alla en einhverja man ég og deili þeim með ykkur. Þau eru ekki bara krútt þessi börn svona 7-8 ára, tannlaus og síbrosandi, heldur eru þau líka á þessu víðtekna brandaraskeiði, allir þurfa að segja brandara hvort sem þau kunna eður ei.

1. Einu sinni, voru tvær appelsínur að ganga eftir bryggjunni, þá datt önnur í sjóinn og þá kallaði hin; "skerðu þig í báta".

2. Það var tómatur sem var að labba syngjandi yfir götu, "Það liggur vel á mér, það liggur vel á mér" þá kom vörubíll og keyrði á hann og þá heyrðist í tómatinum; "það liggur VÉL á mér, það liggur VÉL á mér"

3. Það var kona sem átti hund sem heitir "Nýjasta Tíska", konan fór í sturtu og á meðan fór hundurinn hennar út, þegar konan kom úr sturtu og sá ekki hundinn, fór hún beint út á götu og kallaði, Nýjasta Tíska, Nýjasta Tíska.

Athugasemdir

[Gísli Bergsveinn Ívarsson, 2.10.2007 kl. 14:35]

Til hamingju með daginn.

Ég á í vandræðum með að velja hver af þessum brandörum er bestur 

[Jenný Anna Baldursdóttir, 2.10.2007 kl. 15:12]

Þessi með bátana er bestur, ekki spurning.  Fékk kast.  Ég elska þessar dúllur með tannleysið.  Þau brosa með öllu andlitinu.  Arg.  Krúttkast.

Til hamingju með græna fánann.

[Anna Ólafsdóttir (anno) (IP-tala skráð) 2.10.2007 kl. 17:55]

Þessi færsla þín rifjar upp marga skemmtilega tíma með nemendakrílunum mínum hér í den. Mér finnst brandarinn með bátana óborganlega fyndinn, hafði ekki heyrt hann áður og skellti upp úr ein með sjálfri mér hér á skrifstofunni.  Takk og knús

[Páll Jóhannesson, 2.10.2007 kl. 18:03]

Brandari nr.1