Yoko Ono

Hafþór Yngvason forstöðumaður Listasafns Reykjavíkur skrifar frábæra grein um Yoko í Lesbókinni um síðustu helgi. Hvergi hef ég séð eins góða og vandaða úttekt á hennar lífshlaupi sem sjálfstæðs einstaklings án þess að nudda henni sínkt og heilagt upp við John og Bítlana.

Það sem kom mér kannski mest á óvart er að hún á langt og strangt tónlistarnám á bakinu í klassískri tónlist. Hún var líka fyrst kvenna til að fá inngöngu í heimspekideild hins virta Gakushuin - háskólann í Tokýó, en hvarf frá námi, fannst það ekki heillandi - hver skilur það ekki þar sem nám hefur verið byggt og mótað fyrir karlmenn.

Hún fór til New York og lærði bókmenntir og ljóðlist og ílentist í borginni og fór að vinna með ýmsum framúrstefnulistamönnum. Hún gerði tilraunir með textalist sem voru "fyrirmælaverk" sem eru vel þekkt í dag.

Yoko hefur ætíð verið róttæk og tengt list sína við Zen-búddisma. Hún leggur út frá einfaldleika í list sinni en um leið er það sem er einfalt ekki endilega auðvelt.

Kannski var það ekki eins einfalt og sniðugt eins og mér fannst þegar Yoko braut postulínsvasann forðum hér á landi og afhenti viðstöddum brotin úr vasanum og vonaðist til að þau myndu hittast aftur hér og setja saman vasann! Ætli það hafi orðið? 

Hvet ykkur til að lesa greinina.

Yoko Ono: Vonast til að börn finni huggun í ljósinu

Athugasemdir

[Kolgrima, 9.10.2007 kl. 19:02]

Yoko er flott kona, á því leikur ekki nokkur vafi. Ekki skrítið að John Lennon skuli hafa verið svona ástfanginn af henni! 

En það er stundum einkennilega erfitt fyrir okkur, gamla aðdáendur Bítlanna og Johns Lennon, að láta Yoko njóta sannmælis. Hallærislegt, en.

[Ásdís Sigurðardóttir, 9.10.2007 kl. 20:04]

Fólk fær oft ekki þess sem það á skilið vegna endalauss samanburðar, konan er frábær og það var hann líka.

[Jenný Anna Baldursdóttir, 9.10.2007 kl. 20:41]

Hún er svo sannarlega ekki fyrsta konan sem dæmd er af sambandi sínu við mann, því miður.  Hún hefur verið gerð ábyrg fyrir að upp úr Bítlunum slitnaði, henni hefur æ ofan í æ verið lýst sem ískaldri og tilfinningalausri konu, stórskrítinni líka.  Arg.  Saga kvenna ber eimitt keim að þessu, þar sem hún er skráð, en oftast hefur hún fallið í gleymskunnar dá.

Mér finnst Yoko æðisleg kona sem og margar aðrar sem aldrei sjást og heyrast.

ARG og takk fyrir að standa vaktina um konur Edda, þú ert nefnilega líka frábær kona

[Páll Jóhannesson, 9.10.2007 kl. 21:58]

Jæja Edda mín! þetta er örugglega vönduð kona í alla staði. En ég viðurkenni að ég hef aldrei kunnað að meta tónlistina og hennar myndlist, því miður. En engu að síður þungaviktarkona.

[Gísli Bergsveinn Ívarsson, 10.10.2007 kl. 00:19]

Maður fylltist einhvernvegin stolti þegar kveikt var á súlunni

[Heiða Þórðar, 10.10.2007 kl. 20:20]

Las greinina. Algjör snilld!

[Anna Ólafsdóttir (anno) (IP-tala skráð) 10.10.2007 kl. 21:21]

Sammála frábær grein. Ég hef sjálf alltaf verið hrifin af Yoko sem persónuleika og listamanni. Og ég hef alla tíð borið virðingu fyrir henni sem tónlistarkonu enda á hún þátt í sumu mjög góðu efni sem kom frá Lennon.