Veikindi herja á þessu heimili um jólin!

Aðfangadagskvöld var dásamlegt,  stelpurnar mínar (barnabörnin) frá Svíþjóð Edda og Ylfa Eir voru í eins kjólum og Jón Geir var í skyrtu með bindi. Kalkúnn á borðum og börnin borðuðu ekkert betur spennan svo mikil. Þau voru þakklát og glöð með hvern einasta pakka og nutu alls í botn.

Morguninn eftir voru báðar dætur mínar orðnar veikar og eru enn. Pabbi þeirra var lagstur á Þorláksmessu og nú er öll hans fjölskylda orðin veik í Garðabænum, konan hans, sonur minn og dætur hans, þannig að árlegu jólaboði á jóladag var aflýst þar á bæ. Þetta setur strik í reikninginn, en samt hefur þetta gengið vel, enda hafa börnin ekki orðið veik hér. Auðvita vona ég að sleppa við veikindi, en það kemur bara í ljós.

Magnea, Sindri og Aldís kíktu í dag og fóru svo í jólaboð kl. 18 í bænum og á morgun förum við svo í jólaboð á Álftanesið til forsetans... æi ég meinti til Þóru mágkonu!

Set myndir inn á færsluna síðar.

Athugasemdir

[Páll Jóhannesson, 26.12.2007 kl. 22:20]

Farðu vel með þig og vonandi rífur fjölskyldan sig upp úr þessari pest.

[Ásdís Sigurðardóttir, 26.12.2007 kl. 22:29]

Ertu semsagt að segja mér að Þóra mágkona sé ekki forseti   ég var svo viss  hí hí hí.   Vona að heilsan batni sem allra, allra fyrst.

                    "Fílustrumpur" ég þoli ekki veikindi.

[Anna Einarsdóttir, 26.12.2007 kl. 22:35]

Vonandi veikjast ekki fleiri og ég bið þig fyrir jólakveðju til Þóru og annarra sem ég þekki. 

[Ingibjörg Friðriksdóttir, 26.12.2007 kl. 23:03]

Endilega farið vel með ykkur, svo áramótin verði hressari

[Halldór Egill Guðnason, 27.12.2007 kl. 00:55]

Vona að veikindin vari stutt. Bestu kveðjur um gleðilega hátíð og góða rest 

[Jenný Anna Baldursdóttir, 27.12.2007 kl. 02:01]

Ég er viss um að Þóra væri fínn forseti (þó ég þekki hana ekki baun). Sendi öllum sterkar batakveðjur

[Anna Ólafsdóttir (anno) (IP-tala skráð) 27.12.2007 kl. 21:09]

Æi- leiðinlegt að lenda í veikindum á þessum tíma. Vonandi rjátlast þetta fljótt af þeim. Hafðu það sem best mín kæra

[Ólöf Jóhanna Pálsdóttir, 28.12.2007 kl. 16:19]

Vonandi nær fólk sér fljótt, ansi leiðinlegt að vera veikur á þessum tíma.

[Sunna Dóra Möller, 28.12.2007 kl. 17:27]

Hér hefur flensa verið á ferð líka !

Sendi mínar bestu batnaðarkveðjur !