Fer þessu ekki að linna?

Nú finnst mér komið nóg! Eigum við að leggjast á bæn til að biðja máttarvöldin að stoppa? Ég get ímyndað mér að fólk á þessum slóðum sé orðið þreytt, stanslausir skjálftar og krafturinn hefur aukist.

Fólk úti í heimi hefur hætt við að koma til Íslands vegna skjálftanna en Íslendingar reyna að umgangast þetta eins og það hafi ekkert gerst! (mín tilfinning)

Afhverju eru ekki fleiri að aðstoða fólk á þessu svæði þótt ekki væri nema að tala saman um það á blogginu - ég er handviss um að það er mikil hjálp í því fyrir fólk á þessum slóðum.

Koma með allt upp á yfirborðið - skemmdir á fólki og mannvirkjum er enn að koma í ljós og reyndar aftan að fólki.

Hjálpumst að og styðjum við bakið á fólki á skjálftasvæðinu.

Skjálftavirni að aukast á ný

Athugasemdir

[Anna Einarsdóttir, 8.6.2008 kl. 10:22]

Vonandi er það versta búið Edda.  Mér stóð nú ekki alveg á sama í gær þegar ég keyrði í gegnum Hvalfjarðargöngin og get rétt hugsað mér hvernig fólki fyrir austan líður. 

[Edda Agnarsdóttir, 8.6.2008 kl. 10:25]

Anna veistu, mér var sagt að það fyndist ekki fyrir skjálfta í göngunum! Ég er nú ekki góð í jarðfræðinni, en hvort það er dýpið eða hvað, hef ég ekki hugmynd um! Knús á þig á sunnudegi!

[Jenný Anna Baldursdóttir, 8.6.2008 kl. 10:38]

Sammála Edda.

[Ásdís Sigurðardóttir, 8.6.2008 kl. 11:40]

Takk elsku Edda að hugsa svona vel til okkar allra hér.  Það er reyndar verið að gera alveg fullt fyrir okkur. Áfallateymi og viðtöl er eitthvað sem við getum farið í eins og við viljum og mín reynsla er sú að það borgar sig.  Tryggingamenn komu til okkar í kær og hef ég aldrei í lífi mínu hitt fyrir eins þægilegan og almennilegan mann á þessu sviði, það var sko enginn tittlingaskítur eða hártoganir í gangi, hann sá hlutina og verðlagði svo sannarlega rétt að okkar mati.  Ég vona bara að sem flestir noti sér það sem er í boði, annars hlakka ég rosalega til að komast í burtu um tíma. Knús á þig mín kæra.

[Kolbrún Jónsdóttir (IP-tala skráð) 8.6.2008 kl. 16:43]

Ég bý á Selfossi og missti ansi mikið, meðal annars læu og kettlinga.

[Edda Agnarsdóttir, 8.6.2008 kl. 17:25]

Ég er með tvo kettlinga sem fundust yfirgefnir hér á Skaga undir pramma niður á Breið þar sem vitinn er!

Annars geta dýrin hugsanlega komið aftur.

Ásdís það er samt svo að við Íslendingar erum dáldið á þessum nótum: "hvaða væll er þetta" bara halda áfram og og hafa nóg fyrir stafni og gleyma þessu! Ekki að ég meini að fólk eigi endalaust að vera velta sér upp úr þessu en þetta er bara einu sinni meira en að segja það!

[Jóna Á. Gísladóttir, 8.6.2008 kl. 21:47]

já það er meira en að segja það. Og við sem ekki lentum í því höfum lítinn sem engan skilning á líðan þeirra sem fengu að finna fyrir því. Ég er fegin að heyra frá Ásdísi að mikið sé verið að gera og vona að sem flestir nýti sé það sem er í boði. Það veitir ekki af professional fólki í svona lagað.

Er það þetta sem gerir þig viðkvæma Edda mín?

[Edda Agnarsdóttir, 8.6.2008 kl. 22:38]

Sæl Jóna króna. Gott að sjá þig og "heyra" svona í þér! Ég fór á Keflavíkurflugvöll í dag með Magneu litlu og strákinn minn eftir að þau hafa verið hér í rúma viku og hún átti 2ja ára afmæli í vikunni! Þetta var audda sæt/súr vika en í dag var það súr/sætt að kveðja og svo kom ég heim og settist við tölvuna og las þinn pistil! það er það sem gerir mig viðkvæma.

Takk fyrir innlitið til mín - bless eskan í bili.

[Huld S. Ringsted, 8.6.2008 kl. 23:49]

Mér verður mikið hugsað til fólksins þarna fyrir sunnan og vildi svo óska þess að ég gæti gert eitthvað til að hjálpa.

[Hulda Elma Guðmundsdóttir, 9.6.2008 kl. 13:59]

Ekkert væri mér kærkomnara en að létta undir með fólki á skjálftasvæðinu. Það er hins vegar ekki hlaupið að því vegna búsetu minnar, en ef einhver hefur áhuga á að skrifast á við mig er ég meira en lítið tilbúin.

[Tína, 9.6.2008 kl. 16:38]

Ég er búsett á Selfossi og missti nánast allt mitt. Ég tek reyndar aðallega á þessu með gríni og byrjaði einmitt að blogga eftir stóra skjálftann. Ætli það sé ekki bara mín aðferð við að takast á við áfallið? Það hefur gefið mér ansi mikið. En ég gríp tækifærið hérna til að þakka ykkur fyrir að hugsa til okkar.

[Ólöf Jóhanna Pálsdóttir, 9.6.2008 kl. 18:05]

Engin veit nema sá er í kemst. Held það góða aðferð sem hún Tína notar að skrifa um þetta. Sendi henni og öllum á skjálftasvæðinu hlýjar óskir.

[Hrafnhildur Ýr Vilbertsdóttir, 10.6.2008 kl. 13:06]

Ég hef lent í annars konar hörmungum þar sem ég missti aleiguna og nærri því lífið....skil þetta fólk mjög vel...maður er bara svo vanmáttugur og ekki stoppum við jarðskjálftana..

[Heiða Þórðar, 10.6.2008 kl. 23:00]

Innlitsknús

[Edda Agnarsdóttir, 10.6.2008 kl. 23:46]

Takk fyrir Heiða mín!

Það segirðu satt Krumma - við getum ekki stoppað náttúruöflin.

Ólöf ég held að það sé ein leiðin að skrifa um þetta eins og Ásdís hefur gert og Tína. Gott líka að kommenta hjá þeim.

Tína þú ert kjörkuð og það er gott að skrifasig frá þessu eða með þessu!

Hulda mér hefur dottið í hug að búa til Skjálftavef, hvað finnst þér?

Huld, þú getur það svo sannarlega, bara svona eins og þetta komment.

Takk elskurnar allar fyrir ykkar innlegg.