Hvað getur maður sagt!

Ég hef aldrei á ævinni upplifað aðra eins samkennd í svona stórum hópi fólks eins og landsfundi Samfylkingarinnar í dag og í gær. Hrikalega mikil og góð vinna sem var framkvæmd á þessum fundi. Nú erég sæl of þreytt og blogga um þetta siðar.

En ég verð að setja inn texta Magneu J.Matthíasdóttur á ljóðinu  sem Diddú flutti á svo eftirminnilegan hátt, eitt af mínu uppáhaldi.

 Yfirlýsing.

 

líf mitt

er ekki laugardagsvöllur

að þú getir leikið þér

í fótbolta

með tilfinningar mínar

 

líkami minn

er ekki vesturbæjarlaug

að þú getir svamlað þar

þér til hressingar

gegn vægu gjaldi ástarorða

 

hjarta mitt

er ekki aðalbókasafnið

að þú getir sótt þangað

þær kenndir

sem falla best að smekk þínum

 

í stuttu máli

heyri ég ekki undir félagslega þjónustu

í reykjavík

heldur er ég kona

bý í skerjafirði

og á mig sjálf 

Athugasemdir

[Jenný Anna Baldursdóttir, 15.4.2007 kl. 00:35]

Eitt af mínum uppáhaldsljóðum.  Algjört dúndur.  Til hamingju með góðan landsfund.

[Páll Jóhannesson, 15.4.2007 kl. 21:50]

Þessi landsfundur var bara tær snild - og Diddu hvað getur maður sagt?

[Tómas Þóroddsson, 15.4.2007 kl. 22:26]

Ótrúlega flottur fundur.

[Ingibjörg Stefánsdóttir, 20.4.2007 kl. 11:14]

Líka uppáhald hjá mér. Sé að ég verð að nota tækifærið og leiðrétta það sem ég sagði við einhvern á landsfundinum að ljóðið væri eftir Ingibjörgu Haraldsdóttur. Mig minnti það endilega en held að þú hljótir að hafa rétt fyrir þér Edda. Ljóðið er í það minnsta frábært.