Magnea og "Skoppa og Skrítla"

 

Skoppa og Skrítla eru í miklu uppáhaldi hjá Magnea litlu Sindra og Aldísardóttur. Hún horfir á Skoppu og Skrítlu þætti lon og don af DVD diskum heima hjá sér.

Svo gerðist það einn daginn í vetur að Skoppa og Skrítla komu í heimsókn til Kaupmannahafnar og héldu nokkrar sýningar fyrir íslensk börn.

Magnea fór með mömmu sinni og það var ekki að spyrja að því, barnið steinlá fyrir þeim og fannst hún alltaf hafa þekkt þær, faðmaði og knúsaði í lok sýningar.

Nú eru Skoppa og Skrítla að búa til kvikmynd um sjálfar sig, það verður gaman að fara í bíó með ungviðið!

Hér fyrir neðan er svo nýjasta myndin af Magneu minni sem varð 2ja ára 2. júní s.l.

 

Skoppa og Skrítla á hvíta tjaldið

Athugasemdir

[Anna Þóra Jónsdóttir, 24.6.2008 kl. 19:28]

Vá! hvað þetta er flott mynd af gullfallegu barni.

Þekki Lindu (Skoppu eða Skrítlu) frá því hún var lítil. Þjálfaði hana í sundi í gamladaga. Hún er náttúrulega bara yndi og ekkert skrýtið þó þín hafi fallið fyrir henni og hinum litríka gleðigjafanum. 

[Edda Agnarsdóttir, 24.6.2008 kl. 19:34]

Já myndin er flott og svona flottar eru til margar af þessu barnabarni mínu því mamman er ljósmyndari! Takk fyrir kveðjuna!

[Anna Ólafsdóttir (anno) (IP-tala skráð) 24.6.2008 kl. 20:47]

Vá hvað þetta er falleg mynd af fallegu barni  Það er greinilegt að Skoppu og Skrítlu hefur tekist að ná í gegn sem er held ég ekki auðvelt í dag þegar áreitið er nánast endalaust á þessa kynslóð af hinum og þessum fígúrum mismerkilegum. ég hef ekki fylgst með þeim en grunar að það sé heilmikið´innihald í því sem þær hafa fram að færa.

Knús á Skagann

[Edda Agnarsdóttir, 24.6.2008 kl. 20:50]

Takk fyrir Anna mín og knús á þig líka!

Ég hef aðeins skoðað DVD diska með litlunni og þetta eralveg frábært hjá þeim.

[Jenný Anna Baldursdóttir, 24.6.2008 kl. 22:42]

[Tína, 25.6.2008 kl. 07:51]

Mér þykir leiðinlegt að endurtaka það sem aðrir hafa sagt, en VÁ hvað þetta er ofsalega falleg mynd af unaðslega fallegu barni!! Enda sýnist mér á öllu að hún sé af gullfallegu fólki komin.

Njóttu svo dagsins Edda mín, því þessi dagur eins og allir aðrir lofa bara ansi góðu  

[Ásdís Sigurðardóttir, 25.6.2008 kl. 12:22]

Hún er falleg litla stúlkan ykkar og skemmtileg mynd af henni með Skoppu og Skrítlu.  Kær kveðja frá Selfossi.

[Ingibjörg Friðriksdóttir, 25.6.2008 kl. 13:18]

[Edda Agnarsdóttir, 25.6.2008 kl. 18:23]

Takk fyrir allar - þið eruð bestar nú er boltinn að byrja!