Í staðin fyrir að lesa allt hið neikvæða um það sem er að gerast...

... á landinu okkar góða er ágætt að hugsa um þá sem hafa það ennþá verr en við úti í heimi og styðja og styrkja hjálparstarf í Afríku á vegum ABC  http://www.abc.is/.

Blogg vinkona mín Hrafnhidur Vilbertsdóttir hefur sent út neyðarkall á bloggi sínu http://krummasnill.blog.is/blog/krummasnill/entry/705164/ og tek ég undir það með því að áframsenda þetta neyðarkall hingað á mitt blogg.

Brotist var inn á skrifstofu ABC barnahjálpar í Kenýa og öllu fémætu stolið. Sigurrós Friðriksdóttir og tvær samstarfskonur hennar voru bundnar og keflaðar á meðan ránið fór fram. Starfið er nú í mikilli þörf fyrir fjárhagsaðstoð. Þeir sem vilja leggja því lið geta lagt inn á reikning nr. 1155-15-41411, kt. 690688-1589.
Bréf frá Þórunni til stuðningsforeldra Kenya barna

Er lýðræðinu ógnað af lögreglu?

 

 

      Vek athygli ykkar á bloggsíðu Fríðu Eyland sem er með samanburð á myndum úr annars vegar bænagöngu og hinsvegar mótmælagöngum undanfarinna helga í Reykjavík sem endað hafa á Austurvelli.

http://fridaeyland.blog.is/blog/fridaeyland/

Myndin hér til hliðar er ein fleiri tuga mynda sem teknar hafa verið við mótmælin á Austurvelli og er þessi frá því á laugardaginn. Fengin að láni frá:

http://svartur.blog.is/blog/svartur/

Kannski verður það þannig að GORMUR slær í gegn!

Kannski í eiginlegri merkingu en miklu frekar í óeiginlegri merkingu, því nú eru "gormar" út um allt.

 

 

 

 

 

 

 

 

 

 

 

 

 

Burt með spillingarliðið!

 

Því miður er þetta orðið svo þungt að það er ekki hægt að meðtaka og fara yfir allt með fullri vinnu - ég kveiki ekki á fréttum lengur eins og áður, þ.e.a.s. ekki fyrr en undir lokin til að hlusta á fréttaágrip. Þetta er meira en mannskemmandi, þetta er manndrepandi.

Ljái mér hver sem er fyrir svartsýnina.

 

"Úkraínumenn sóttu um aðstoð Alþjóðagjaldeyrissjóðsins á eftir Íslendingum, rétt eins og Ungverjar.

Og rétt eins og Ungverjar eru þeir núna búnir að fá sinn pening.

Við bíðum enn.

Sá ráðherra sem nú stígur fram og segir okkur sannleikann fær prik."

Þetta reit Illugi Jökulsson á DV - ég segi eins og hann, hvaða ráðherra ætlar að segja sannleikann eða hver veit hann?

Hver eru rök Samfylkingarinnar fyrir því að halda þessu stjórnmálasambandi?

Þetta er flokkurinn minn sem ég hef borið traust til þangað til núna. Efasemdirnar eru farnar að læðast inn.

Það versta er að flökurleiki og höfuðverkur fylgir þessu.

 

Erlendir fjölmiðlar í forgang?

Í ljósi þess að Íslendingar (þeir sem geta) hafa verið að fá fréttir af ástandi og framtíðaráætlun ríkisstjórnarinnar úr erlendum fjölmiðlum mun betur og meira en í íslenskum fjölmiðlum er ekkert ástand sem getur komið í veg fyrir það að íslenskir forsvarsmenn þjóðarinnar sitji fyrir beittum spurningu í okkar íslenska ríkisfjölmiðli Sjónvarpi allra landsmanna.

Hver á að gera það ef ekki Ruv?

Mér skilst að í viðtalinu í gær hafi komið meira frá Geir en í samanlögðum öllum hinum viðtölum sem við hann hefur verið síðan "sprengjan" varð.

Bara það að "við getum öll orðið vitur eftir á" hvað þá forsætisráðherrann og hans meðstjórnarfólk!

Það er þessi leynd sem er óþolandi og virðist ekki ætla að hverfa einu sinni núna í öllum þessum hörmungum, það að tala skýrt og opið er heillavænlegast fyrir alla, hvort sem það er Geir eða einhver annar sem gerir vitleysur erum við ekki alvitur og besta leiðin er að fólk tali saman, með því móti koma fleiri hugmyndir af lausnum upp í hendur þeirra sem þurfa að stjórna nýju Íslandi.

Mér fannst Sigmar góður í gærkvöldi, eins og hann er oftast, ég er sammála Páli að taumurinn var heldur lengri hjá Agli.

RÚV sagt kynda undir sleggjudómum og ofstæki

Depurð...

...er eina orðið sem mér dettur í hug þessa daganna. Þótt ég sé ekki í vandræðum með minn fjárhag er allt fullt af fólki í kringum mig sem er illa sett á margan hátt í þessum hörmungum.

Strákurinn minn í Árósum á dágóða summu á bankareikningi hér sem hann er að reyna að hafa fyrir sig til að lifa á en því miður þá færði hann ekki þá peninga yfir um leið og hann flutti enda skammur tíma síðan hann fór og það þarf að læra á ýmislegt og kynna sér starfsemina í öðru landi áður en hlaupið er með peningana sína úr "örygginu" á Íslandi í erlenda banka!

Tengdadóttir mín í Kaupmannahöfn ætlaði að koma heim með Magneu sína í næstu viku, en peningarnir stoppa það af öllum líkindum í þetta sinn. Nú kostar fargjaldið fyrir þær tvær fram og til baka "hundrað tuttugu fjögur þúsund" !

Þetta er sorglegt að komast ekki heim og sjá manninn sinn leika í fyrsta skipti á Íslandi síðan hann útskrifaðist.

Ég átti smápening inni á sjóð níu, en ég hrósa happi yfir því að hafa keypt eldhúsinréttingu fyrir peninginn áður en allt fór í kúk og piss ásamt misnotkuninni á þessum sjóðum almennings til hlutabréfakaupa forkólfa bankanna í landinu!

Skyldi verða tekið á því hér á landi?

Ég ætla til Svíþjóðar í næstu viku til dóttur minnar. Þið skuluð ekki verða hissa þótt ég komi ekki til baka!

Ég segi sonna eins og Jenný.

 

Uppáhaldið hennar mömmu farinn

 

 

Ekki bara mömmu heldur líka mitt uppáhald. Hann er einn flottasti sem ég hef séð í kvikmyndum. Ekki er það að verra að maðurinn skuli ekki hafa verið þessi tíbiski Hollywood leikari sem alltaf er að skipta um maka. Hann var giftur sinni spúsu í hálfa öld. Joanne Woodward  var líka afburða góð leikkona, því miður sá maður hana mun sjaldnar, en þau léku saman í nokkrum kvikmyndum og ennþá fleiri myndum þar sem þau voru bæði að leika.

Flottur karl - vonandi verða þeir fleiri sem taka hann sér til fyrirmyndar í starfi og einkalífi þarna í henni Hollywood.

 

 

 

 

 

Paul Newman látinn

Gamalmenni eru krútt og sætust!

Hver tekur að sér að fá þennan kór til Íslands?

Svakalega er þetta gaman að sjá þetta gamla fólk syngja lögin sem ég ólst upp við. Rokk, pönk, sving og dægurlög. Gæti það verið betra með sólgleraugun á nefinu, skælbrosandi og full af orku!

Þetta er s.s. hægt.

http://www.youtube.com/watch?v=CjnfoFg7i7g

Frétti af heimildarþætti sem sýndur var í norska sjónvarpinu um þennan kór og sungu þau fyrir fanga í stóru fangelsi sem voru skælandi á eftir af hrifningu.

Kann ekki að setja inn myndband af You Tube - ef einhver kann það væri ég þakklát fyrir kennslu.

Ellismellir rokka

Réttur foreldra og sakarvottorð

Sakavottorð er eitt af því sem beðið er um þegar ráðið er til vinnu í Danmörku. Í það minnsta ef unnið er með fólk.

Hér á landi hefur það ekki tíðkast, en það brá svo við að nýtt fólk sem kom til vinnu hjá Akraneskaupstað í haust þurfti að skila sakarvottorði og er það vel.

Það er kannski undarlegt til þess að hugsa að Bretar eru að fara á stað með opinberanir á kynferðisglæpamönnum sem setið hafa af sér. Rannsóknir sýna að það er nánast ekki hægt að koma í veg fyrir það að þessir menn endurtaki ekki glæpinn.

Mér er ætíð minnisstæð réttarhöld sem fóru fram í Þýskalandi á níunda áratugnum yfir manni sem nauðgaði og drap stúlkubarn, sex ára gamla minnir mig. Hann hafði setið inni fyrir samskonar glæpi og verið tekin úr sambandi, en fékk leyfi vegna sambúðar við konu mörgum árum eftir að hann var laus, að láta setja sig í samband og það endaði svona. Móðir stúlkunnar skaut manninn til bana í réttarsalnum þegar réttarhöldin voru farin að draga í land með hans sekt og útlit fyrir mjög vægan dóm. Barnið var einkabarn móðurinnar og hann hafði lokkað hana með sér í garð.

Foreldrar fá upplýsingar um kynferðisglæpamenn

Páll Jóhannesson klukkaði mig

4. Störf

Gróðurhúsavinna

Skrifstofuvinna

Sjómaður

Samfélagsþjálfi

4 Bíómyndir

"Eins og skepnan deyr" (1986) eftir Hilmar Oddsson

"Börn" Eftir Ragnar Bragason í samvinnu við Vesturport

"Brúðkaup" eftir Baltasar

"Systur" eftir Margarethe von Trotta

 

4 staðir sem ég hef búið á.

Akureyri

Reykjavík

Danmörk

Akranes

4. Sjónvarpsþættir.

Trúðurinn

Matreiðsluþættir

Taggart

Útsvar

 

4 staðir í fríum.

Akureyri

Hornafjörður

Vestfirðir

Kaupmannahöfn

4 netsíður.

www.mbl.is

http://brak.is

http://www.google.is/

http://www.jsb.is/

 

Fernt matarkyns.

Kjúklingur

Lax

Grænmeti

Hnetur

4 óskastaðir akkúrat núna

Akureyri

Kaupmannahöfn

Norsesund

Kirkjubæjarklaustur

4 sem ég klukka.

Jenný Anna Baldursdóttir

Hulda Elma Guðmundsdóttir

Ólöf Jóhann Pálsdóttir

Hallgerður Pétursdóttir

Ef að einbjörn togar í tvíbjörn hlýtur að koma út þríbjörn

Það læddist að mér sú hugmynd meðan ég  sinnti ömmuhlutverkinu undanfarið á Magneu litlu 2ja ára að það væri nú ekkert mál að eiga svona yndislegt barn þótt ég væri orðin 58 ára og þar að auki stelpu eftir allt strákagengið á undan eða fjóra.

Ein þjóðþekkt kona eignaðist fyrsta barn sitt fyrir tveimur árum og þykir mörgum sérstakt að því hvað hún var orðin gömul. Gagnrýni fólks er á marga vegu en eitt það helsta sem heyrist er þessi sérkennilega setning:

"Aumingja barnið að eiga svona gamla foreldra"

Ég verð alltaf jafn hissa þegar ég heyri þessa upphrópun vegna þess að það heyrist ekki sama upphrópunin þegar karlar eiga börn fram eftir öllum aldri og alls ekki þegar amma og afi ala upp börn nema þá helst vegna heilsubrests.

En það er ekki alveg svona einfalt, margir ungir foreldrar glíma líka við heilsuleysi bæði meðvitað og ómeðvitað fyrir barneignir.

Það fólk fær stuðning.

Ég er nú samt ekki að mæla því bót að fara í glasafrjóvgun og eignast tví- eða þríbura, en skemmtilegt er það og vonandi hefur konan sem eignaðist sína í Frakklandi bæði geð og aðra heilsu til starfans og vonandi með pabbanum.

Ég gæti svo sem lagt í þennan frjóveg

Eignaðist þríbura 59 ára gömul