Kvennahreyfing Samfylkingarinnar í dag. Allir velkomnir.

Konur í baráttuhug - Ársþing Kvennahreyfingarinnar

Ársþing Kvennahreyfingar Samfylkingarinnar og opinn fundur undir yfirskriftinni "Konur í baráttuhug" fer fram á Hótel Loftleiðum næstkomandi laugardag. Þetta er annað ársþing Kvennahreyfingarinnar. Hreyfingin hefur vaxið mjög í fjölda á undanförnum árum og er mikill hugur í meðlimum hennar fyrir komandi Alþingiskosningar.  

Ársþingið hefst kl. 14.00, með hefðbundnum aðalfundarstörfum; skýrslu stjórnar, kosningu og afgreiðslu ályktana.

Kl. 17.00 hefst opinn fundur undir yfirskriftinni Konur í baráttuhug. Framsögur flytja þær Ingibjörg Sólrún Gísladóttir formaður Samfylkingarinnar, Katrín Júlíusdóttir alþingismaður og Helga Vala Helgadóttir laganemi og frambjóðandi.

Þær Þórunn Sveinbjarnardóttir, Kristrún Heimisdóttir, Valgerður B. Eggertsdóttir og Guðný Hrund Karlsdóttir munu þar á eftir flytja örsögur úr baráttunni, úr eigin reynslubrunni.

Sigríður Dögg Auðunsdóttir ritstjóri Króníkunnar, nýs vikurits, mun að síðustu flytja erindið "Kynlegir fjölmiðlar".

Blásið verður til hátíðarkvöldverðar á Hótel Loftleiðum að lokinni dagskrá kl. 19.00

Afdráttarlausar áherslur Samfylkingarinnar

• Skilyrðislaust jafnrétti karla og kvenna
• Jafnréttismál verði færð undir forsætisráðuneytið
• Afnám launaleyndar og kynbundins launamunar
• Jafnréttismiðað nám í skólum landsins
• Barátta gegn klámvæðingu og ofbeldi
• Tafarlausar umbætur í réttarkerfinu í þágu fórnarlamba kynbundins ofbeldis

Athugasemdir

[Kristján Pétursson, 24.2.2007 kl. 22:39]

Mér lýst vel á þessar áherslur kvennahreyfingar Samfylkingarinnar í jafnréttis - og réttlætismálum.Það þarf samstöðu og stöðugu baráttu til að ná til lands í þessum málum.Þetta á ekki síður að vera baráttumál karla,foreldramál vegna barnanna okkar  og framtíðar lands og þjóðar. 

[Kristján Pétursson, 24.2.2007 kl. 22:39]

Mér lýst vel á þessar áherslur kvennahreyfingar Samfylkingarinnar í jafnréttis - og réttlætismálum.Það þarf samstöðu og stöðuga baráttu til að ná til lands í þessum málum.Þetta á ekki síður að vera baráttumál karla,foreldramál vegna barnanna okkar  og framtíðar lands og þjóðar. 

[Kristján Pétursson, 24.2.2007 kl. 22:40]

 

[Edda Agnarsdóttir, 24.2.2007 kl. 23:05]

Þetta var svona stemmning eins og á landsleik, allir standa saman, hvetja, hrósa hrópa og klappa! Gat ekki verið betra - þakka þér fyrir Ægir. 

Ég heyrði sagt  eftir fundinn, að nokkrir af karlmönnunum sem komu frá ungliðahreyfingunni hafi verið undrandi á því hvað þetta gekk smurt og skemmtilega fyrir sig án hefðbundinnar fundarskapa, og höfðu á orð að gaman væri að hafa svona fund í þeirra röðum.

[Edda Agnarsdóttir, 25.2.2007 kl. 10:00]

Já. Þetta var opin fundur kl. 17.