.....bloggidiblob

Ekkert stuð hér, er ekki komin niður eftir landsfundinn, lifi bara á minningunum, það er líka gott. Það eru líka margir búnir að blogga um fundinn og svo er svo gaman að skanna allt sem bloggvinir eru að skrifa og læt það vera nóg fyrir mig í bili.

Var í fermingarveislu í gærkvöldi, fermingarbarnið heitir Helgi Andrésson, þar var mikil tónlistarveisla og kann ég ekki að nefna alla þá tónlistarmenn sem komu þar fram nema þá hljómsveitina margfrægu Baggalútur sem ég sá og hlustaði á annan daginn í röð. Eitt tónlistaratriðið var söngur ungrar stúlku úr Borganesi sem heitir Inga Björk sem er aðeins 14 ára við undirleik Davíðs Þórs ættaðan af Skaga og hún söng án þess að hafa æft með Davíð eða hitt hann áður. Hún á hrós skilið fyrir kjarkinn  að láta vaða!

Ég er strax farin að hlakka til miðvikudagskvöldsins, þá ætla konur að hittast í kosningamiðstöð Samfylkingarinnar á Akranesi og spjalla saman og fá góðan gest úr Reykjavík Oddnýju Sturludóttur.

Allar stelpur/stúlkur/konur eru velkomnar. 

Athugasemdir

[Arna Lára Jónsdóttir, 16.4.2007 kl. 22:24]

Takk fyrir síðast

Við vestankonur og stelpur þurfum að fara að taka ykkur til fyrirmyndar og halda kvennapepp hér fyrir vestan.

Góða skemmtun

[Páll Jóhannesson, 16.4.2007 kl. 23:44]

Baggalútur er í miklu uppáhaldi hjá mér - ég var að vona á landsfundinum að þeir tækju lagið ,,Stíflum þessar sprænur" - bara uppá grínið . 

[Anna Ólafsdóttir (anno) (IP-tala skráð) 17.4.2007 kl. 00:39]

Haltu bara áfram að njóta - við bloggvinirnir bíðum bara þolinmóðir eftir framhaldsbloggi, og þá væntanlega um konukvöldið

[Hulda Elma Guðmundsdóttir, 17.4.2007 kl. 08:56]

Við hér í Neskaupstað ætum að hitta formanninn á morgun á fundi í Egilsbúð en fyrr um daginn að opna kosningarskrifstofu. Gat ekki stillt mig um að blogga í dag.

[Edda Agnarsdóttir, 17.4.2007 kl. 11:13]

Takk fyrir innlitið hjá ykkur öllum.  Hulda ég ætla vera með ykkur í anda á Neskaupsstað, hef alltaf sterkar tilfinningar til staðarins, átti einu sinni rómantískt ævintýri þar árið 1967!

[Hulda Elma Guðmundsdóttir, 17.4.2007 kl. 12:01]

Ég verð nú að fá að vita um það. Þú getur meilað á mig það sem ekki má sjálst; [e-mail]