Nautn og unaður

Var að standa upp frá matarborðinu eftir yndislega máltíð, bíðið aðeins - er að hneppa frá buxunum, samt var ég að reyna að passa mig að borða ekki of mikið. En hvað gerir maður ekki þegar grillað nautakjöt er á boðstólum með hasselbagte kartöflum, bearnaise sósu (úr pakka en upp djassaðri eins og Ragnar Freyr sagði frá ekki alls fyrir löngu) http://ragnarfreyr.blog.is/ hrásalati með klettasalati, konfekt tómatar, rauð paprika og mozzarella osti. með þessu var dreypt á rauðvíni Campo Viejo, Reserva 1999.

 Þetta er næstum sú mesta nautn og unaður þegar maturinn heppnast svona vel eins og í þessu tilfelli og ekki er það verra að maðurinn minn sá um mestan partinn. Einfalt en samt svo yndislega gott.

Athugasemdir

[Jenný Anna Baldursdóttir, 19.5.2007 kl. 20:48]

Hehe verði ykkur að góðu.  Ragnar Freyr gengur ljósum logum í eldhúsunum okkar.  Var með kjúkling Kanebostræde frá þeim sama.  Unaðslega gott.

[Edda Agnarsdóttir, 19.5.2007 kl. 21:13]

Já hann Ragnar er góður. En normalbrauðið var á mínu heimili upp á hvern einasta dag í mínum uppvexti og ég hef því lagt það algjörlega til hliðar nema einstöku sinnum hef ég smakkað það og finnst það bara gaman, það er líka ágætt með kæfu.

[Borghildur Jósúadóttir (IP-tala skráð) 20.5.2007 kl. 16:23]

Hljómar vel. Okkur Hjördísi leið svipað í gær, grilluðum reyndar ekki en Hjördís eldaði svakalega góðar svínalundir, þarf að fá uppskriftina, þær bestu sem ég hef smakka.  Sérstaklega góðar kartöflur, soðnar og síðan steiktar í smjöri með kryddi, barnvænar.

 Erum að fara að troða okkur út af pönnukökum og síðan í göngutúr upp á fjall í yndislegu veðri.  Hér er allur pakkinn á sama deginum eins og heima.  Grenjandi rigning, rok, logn, sól og blíða ............

Kveðja borghildur og Hjördís biður að heilsa