Sálfræðingar

Var að koma frá sálfræðingnum, loksins er hægt að panta tíma hjá sálfræðingi á sjúkrahúsinu.

Þetta var smá klúður eins og vera ber, ég lá í rúminu að lesa blöðin þegar sálfræðingurinn hringdi og spurðu hvort ég ætti ekki tíma hjá honum kl. hálf tíu? (klukkan var tuttugu mín. í 10) Ég sagðist hafa hringt fyrir nokkrum dögum til að vita hvenær ég ætti að koma, en mér hefði verið sagt að ég væri búin að missa af tímanum. Hann spurði hvort ég gæti samt ekki bara komið? Ha jújú sagði ég og dreif mig í buxur og peysu og hentist fram í eldhús og fékk mér bananabita og út í bíl og niður á sjúkrahús.

Allar konurnar í glerbúrinu sögðu hæ og brostu og sögðu hann bíður eftir þér Edda mín í stofu 5.

Þegar inn var komið heilsaði hann mér og kynnti sig, tók niður nafn og fleira og spurði mig hver hefði vísað mér á hann, svona hvort það var læknir eða annar skjólstæðingur eða vott evver?

Ég svaraði honum og sagði að maðurinn minn hefði bent mér á hann, hann væri líka sálfræðingur! Það kom svolítið á hann og svo sagði hann "nú, heldur hann að ég geti eitthvað gert fyrir þig"?

Athugasemdir

[Þorsteinn Ingimarsson (IP-tala skráð) 12.7.2007 kl. 12:00]

hmmm Edda sástu myndina "Shining" á sínum tíma? 

bara að kvitta fyrir klukkið

[Jenný Anna Baldursdóttir, 12.7.2007 kl. 12:33]

Brilljant, hehehehehe!

[Þorsteinn Gunnarsson, 12.7.2007 kl. 14:00]

 Gott gengi hjá Shrinka

[Páll Jóhannesson, 12.7.2007 kl. 17:21]

Kunningi minn var eitt sinn sendur til geðlæknis, doksi rétti honum púsluspil og sagði ,,ég ætla taka tíman á því hvað þú ert lengi að púsla þessu saman". Kunningi minn leit á Doksa og sagði ,,hefur þér aldrei dottið í hug að leita til læknis?". Viddi er engum líkur

Ég var eitt sinn sendur til sama læknis og Viddi - tíminn var svo skrítinn að ég fór aldrei aftur, síðan hef ég oft velt því fyrir mér, hvor eru það þeir eða við sem erum ekki í lagi

[Gísli Bergsveinn Ívarsson, 13.7.2007 kl. 00:02]

Veit ekki hvort að sálfræðingar hjálpi alltaf.

Fólk er rifið niður og sent aftur út niðurbrotið með það sem það sagði í ferskri minningu.  Er það alltaf til bóta?

[Sindri (IP-tala skráð) 13.7.2007 kl. 08:29]