Víkings maltöl

                                               

                                                          

Einn er sá drykkur sem mér þykir með eindæmum góður, það er maltöl. En það er ekki sama hvort það er Egils eða Víkings. Ég elska Víkings maltöl. Mér finnst það léttara til drykkju ekki eins þykkt og þungt og Egils maltölið.  Þetta fékk ég ekki vitneskju um fyrr enn fyrir ca þremur til fjórum kannski fimm árum. Mörgum finnst ég stórskrýtin að ganga framhjá Egils maltöli og hafa bæði mörg og stór orð um að Egill sé miklu betri, án þess að gera samanburð, einskonar trúbrögð. Það versta er að Víkingurinn er ekki til sölu nema á örfáum stöðum, nema fyrir jólin, þá er hann út um allt. Mér finnst gott að fá mér malt um helgar og ef ég ekki fæ Víkinginn sleppi ég því að kaupa maltið

Því miður finn ég ekki mynd af dósinni góðu - ef einhver finnur mynd af uppáhaldinu mínu viljið vera svo væn/vænn að senda mér hana!

Athugasemdir

[Marta B Helgadóttir, 14.10.2007 kl. 16:46]

mmmm það er gott

[Arnfinnur Bragason, 14.10.2007 kl. 17:15]

Já Víkingsmaltölið er alveg ágætt.... en fyrir jólin! Þá verður það Egilsmalt og Appelsín... Víkingsmalt og Fanta, virkar ekki

[Jenný Anna Baldursdóttir, 14.10.2007 kl. 17:55]

Fann mynd af maltinu inni á Vífilfelli en gat ekki kópíerað hana.  Mér finnst malt alltaf vera ferðalagadrykkur og auðvitað jóla, finn engan mun á tegundunum.  Ég drekk það sjaldan því mér verður alltaf óglatt af því.  Ævondervæ.

Smjúts kjútípæ.

[Sunna Dóra Möller, 14.10.2007 kl. 18:10]

Ég verð að vera sammála Jennýju hér......drekk Malt sjaldan og verður pínu óglatt af bragðinu.....en svona smekkurinn misjafn

[Edda Agnarsdóttir, 14.10.2007 kl. 19:50]

Takk Kristjana, ég er búin að setja hana inn, en hún vill ekki birtast ég bar bíð og sé til hvort þetta komi ekki.

Jenný ég fór inn á heimasíðu Vífilsfells en fann enga mynd af þessum drykk, en líklega af flestu öðru sem þeir framleiða.

Takk öll fyrir innlitið.

[Sindri Birgisson (IP-tala skráð) 14.10.2007 kl. 21:33]

Mér langar í Malt!

[Kolgrima, 14.10.2007 kl. 21:55]

Annað hvort egils malt og appelsín á jólunum eða ekkert. Mér finnst egils betra, en það gæti verið tóm ímyndun.

[Edda Agnarsdóttir, 14.10.2007 kl. 23:08]

Þetta er nú að verða ein skemmtilegasta færslan mín. Haldiði ekki að hún Beta kvikmyndagerðarmaður hafi fundið dós og náð henni út af netinu og ég set hana inn á færsluna.

Takk Beta mín. En nú ertu búin að gera mig og sjálfsagt fleiri svo forvitin að þú neyðist til að segja okkur þetta með rassana. 

[Gísli Bergsveinn Ívarsson, 14.10.2007 kl. 23:23]

Maltið frá Agli er sennilega það sem stendur upp úr en ég get því mipur ekki hugsað mér að drekka það en þegar ég var strákur fékk ég svo oft migreniköst af malti og þá "skilaði ég þvi oft" og get því ekki, enn þann dag í dag, ekki hugsað mér að drekka það.

Skríðið hvað svona situr í manni.

[Heiða Þórðar, 14.10.2007 kl. 23:33]

Ég er í Egils-liðinu...

[Anna Einarsdóttir, 14.10.2007 kl. 23:54]

Brattur bloggar um hangikjöt og þú um malt...... ég ætti kannski að blogga um grænar baunir á morgun.    Þá erum við bloggvinirnir alveg komin með veisluborð. 

[Edda Agnarsdóttir, 15.10.2007 kl. 09:38]

Oj bara Beta! En þetta er s.s. boykott af þinni hálfu, mig rámar eitthvað í þessa auglýsingu!

[Páll Jóhannesson, 15.10.2007 kl. 16:25]

,,Egils malt og appelsín á að blanda saman" segir í auglýsingunni. Þótt ég sé nú ekki mikill drykkjumaður (er einn af þeim sem kem óorði á áfengi ) finnst mér persónulega Maltið sem framleitt er á Írlandi og heitir Guinness best. Samt stendur Egils maltið alltaf fyrir sínu. SKÁL!