Afmælið sem varð að brúðkaupi

                          Hrund og Guðni ásamt séra Ágústi.

Ég dvaldi í Kaupmannahöfn í fyrrasumar við vinnu og til að fá tilbreytingu. Dóttir mín og hennar maður búa í Svíþjóð í Nörsesund ekki langt frá Gautaborg. Þau buðu til fertugsafmælis Guðna í fyrra og giftu sig í leiðinni öllum að óvörum. brúðkaupið var yndislegt og var úti á bryggju við vatnið þar sem þau búa. Presturinn kom siglandi til þeirra á litlum mótorbát að bryggjunni og var þá mörgum brugðið er prestur byrjaði að klæðast á bryggjunni og svo mætti brúðurinn stuttu seinna gangandi niður brekkuna að bryggjunni.

Nú er ég að fara til hennar þann 19 júlí og hitta þau og barnabörnin mín þrjú sem þau eiga. Alltaf einhver tilhlökkunarefni þessa dagana.

 

Athugasemdir

[Anna Ólafsdóttir (anno) (IP-tala skráð) 3.7.2007 kl. 01:25]

Góða ferð og njóttu   Það er alveg einstaklega bjart yfir þessari mynd, skemmtilegt sjónarhorn.

[Jenný Anna Baldursdóttir, 3.7.2007 kl. 02:33]

Já sammála Önnu, myndin er afburðaskemmtileg.  Þú ert alltaf á ferðinni kona. Smjúts.

[Guðríður Haraldsdóttir, 3.7.2007 kl. 13:51]

Frábær mynd og enn frábærari hugmynd að smella í brúðkaup!

[Guðrún Helgadóttir, 3.7.2007 kl. 15:18]

já gott brúðkaup er alltaf með betri viðburðum - ég er svolítið fyrir að þau komi á óvart... Við eigum góða vini sem voru fyrir löngu að gantast með að gifta sig þegar 9. nóvember bæri uppá laugardag - svo stendur það bara skýrum stöfum á almanakinu eitt haustið. Um miðjan nóvember áttum við vinirnir okkur á því að það stendur ekkert til hjá skötuhjúunum og við sem vorum búin að sjá brúðkaup í hillingum! Svo við bara giftum þau þeim að óvörum (að vísu með platpresti) héldum veislu og alles. Þau eru enn saman, létu meira að segja gefa sig saman í alvöru á endanum.

[Edda Agnarsdóttir, 3.7.2007 kl. 19:34]

Já stelpur mínar A-J-G, það er dáldið skemmtilega bjart yfir henni, hún er reyndar yfirlýst eða eitthvað (er svo lítið inni í þessu) en hún er mjög krúttleg en kemur ekki eins vel út á blogginu mínu.

Guðrún, þetta er frábær saga. Það ætti kannski að vera meira af svona platbrúðkaupum, það gæti bæði verkað sem prufa á kærleikann og líka sálrænt.

[Páll Jóhannesson, 4.7.2007 kl. 10:08]

Góða skemmtun. kv Palli