Frábærir læknar á Akranesi

7.2.2008 | 00:02

Frábærir læknar á Akranesi

Einu sinni fór ég til læknis á sjúkrahúsi Akraness sem er jafnframt heilsugæslan mín.. Ástæðan var stanslaus vindgangur.

Þegar ég hafði sagt lækninum raunasögu mína um þennan vindgang í tíma og ótíma og magaverkjunum sem fylgdu í kjölfarið spurði læknirinn mig hvort það kæmi mikil lykt af því.

Ég sagði honum að það væri nú heppni í óheppninni að það væri sem betur fer lyktarlaust og það heyrðist heldur aldrei neitt í þessum vindgangi frá mér. Mér varð síðan mál að prumpa og leysti mikinn vind beint fyrir framan lækninn og hann varð einskis var. Við fórum lauslega í gegn um mataræðið og hvort eitthvað þar væri sem mætti betrumbæta og lét mig hafa lyfseðil upp á mixtúru sem ég skildi taka inn tvisvar á dag töflur sem bæta áttu ristilinn.

Eftir hálfan mánuð fór ég aftur til læknisins í tékk og hann spurði mig hvernig gengi. Ég sagði honum að vindgangurinn væri jafnmikill en verkirnir væru svotil horfnir en nú væri komin svakaleg lykt af vindganginum. Læknirinn leit glaður upp frá skrifborðinu á mig og sagði að það væri gott að ég fyndi lyktina og þá væri bara eftir að lækna eða finna út úr hvað hægt væri að gera fyrir heyrnina í mér!

Flokkur: Bloggar | Facebook

Athugasemdir

Ha ha ha og ertu þá komin með heyrnartæki.....

Hrafnhildur Ýr Vilbertsdóttir, 7.2.2008 kl. 01:24

Hahahahahaahaha

Jenný Anna Baldursdóttir, 7.2.2008 kl. 01:49

Góður doxi, Edda

Ingibjörg Friðriksdóttir, 7.2.2008 kl. 07:03

hahahahahaha !

Sunna Dóra Möller, 7.2.2008 kl. 08:39

Velkominn Ægir minn!

Ég get tekið að mér að panta tíma.

Það eru margir góðir læknar hérna við sjúkrahúsið Beta mín, en þessi var sýnu bestur af þeim sem ég hef lent á, hann er einn af fáum læknum á Íslandi sem hafa lært sálfræði!