Hjólatúr um Akranes.

Ég er satt að segja búin að vera óhemju löt við að koma mér út fyrir húsins dyr nema þá í sólbað og leikfimi. Nú ætla ég að gera bragarbót á því og skreppa í hjólatúr og taka út garðinn eða blómakerin hjá einni vinkkonu hér á Skaga.

Í kvöld er von á tveimur mágkonum mínum með þrjú börn svo ég þarf að hugsa um hvað ég ætla að gefa þeim að borða án þess að þurfa standa yfir matseld lengur en 10 til 20 mín. Ef þið lumið t.d. á góðri fisksúpu eða grunni sem passar fyrir allt, þá megið þið senda mér það .

Takk fyrir - nú út í sólskinið.

Afmælið sem varð að brúðkaupi

                          Hrund og Guðni ásamt séra Ágústi.

Ég dvaldi í Kaupmannahöfn í fyrrasumar við vinnu og til að fá tilbreytingu. Dóttir mín og hennar maður búa í Svíþjóð í Nörsesund ekki langt frá Gautaborg. Þau buðu til fertugsafmælis Guðna í fyrra og giftu sig í leiðinni öllum að óvörum. brúðkaupið var yndislegt og var úti á bryggju við vatnið þar sem þau búa. Presturinn kom siglandi til þeirra á litlum mótorbát að bryggjunni og var þá mörgum brugðið er prestur byrjaði að klæðast á bryggjunni og svo mætti brúðurinn stuttu seinna gangandi niður brekkuna að bryggjunni.

Nú er ég að fara til hennar þann 19 júlí og hitta þau og barnabörnin mín þrjú sem þau eiga. Alltaf einhver tilhlökkunarefni þessa dagana.

 

Sandra María.

Fjórar kynslóðir, Sandra María 12 ára, amman og pabbinn. Langamman sitjandi.

Fór til Reykjavíkur að hitta frumburð minn af barnabörnum. Sandra María kom seint í gærkvöldi og var vöknuð fyrir allar aldir í morgun og fór í sund með pabba sínum. Svo var farið í heimsókn til langömmu og langafa í Selvogsgrunninum. Heiða var líka heimsótt tilefni afmælisins og nýja íbúðin skoðuð. Að lokum fóru Sandra, pappi hennar og langamma til Gyðu systur í Sigtúninu og heilsuðu upp alla þar.

Rakstur

Mikil umræða hefur átt sér stað bæði í bloggheimum , dagblöðum, tímaritum, póstlistum og Vefritinu um svokallað Brasilíuvax eða rökuð/vaxað klof, fyrst og fremst á kvenfólki. En líkamsrakstur og vax er líka til staðar fyrir karlmenn.

Það sem vekur athygli mína í þessum efnum er að píkurakstur þótti fyrir nokkrum árum argasti viðbjóður og þurftu konur að berjast fyrir því að verða ekki alrakaðar þegar þær fæddu börn, svo kom hálfrakstur og að lokum voru þær ekkert rakaðar. Þetta hef ég allt upplifað í gegn um mínar barnsfæðingar frá árinu 1969 til 1988.

Í dag er í tísku vaxað klof eða rakstur og er svolítið mismunandi hvort það er hálfrakað eða vaxað frá lærum eða alrakað. Hárleysi á píku virðist þó vera í vöxt. Snyrtifræðingur sem ég var hjá fyrir ca tveimur árum sagði mér að þegar hún lærði fræðin (hún var í eldri kantinum eða komin yfir þrítugt) að þá hafi samnemendur hennar sem flestar voru kornungar ekki þolað að sjá eða hafa nokkur líkamshár á fólki, ojuðu og veinuðu og kveinkuðu sér undan þeirri skyldu að þurfa læra að taka nefhár úr karlmönnum sem gengu út úr nösuunum.

Margir hafa líka bent á að þessi tíska eigi sér rætur í kláminu og eins og með margt annað sem kemur í tísku að þá sé algjört meðvitundarleysi hvaðan tískan er sprottinn þegar frá líður og ný og ný kynslóð kemur og telur þetta vana eða sjálfsagt.

Sitt sýnist hverjum og séð hef ég á prenti að þetta sé hluti menningar og spurningum beint að fólki um rakstur leggja og handakrika, hvaðan kemur það og afhverju byrjaði það hjá konum en ekki körlum? 

Til hamingju með afmælið

elsku Heiða mín. Heiða mín er frumburður minn hún var 13 merkur fæddist um kl. 13 á sunnudegi. Heiða á tvær vinkonur sem eiga sama afmælisdag og hún, Margrét (ári yngri en Heiða)sem býr í sveit rétt hjá Vík í Mýrdal og Fanney sem er 40 ára í dag. Ég sendi þeim mínar bestu afmæliskveðjur.

Svo má ekki gleyma langafa Aldísar sem á lika afmæli í dag, til haminju með langafa Aldís mín.

 

Heiða fékk lítinn frænda í afmælisgjöf í morgun, Kári og Brynhildur búin að eiga strák. Til hamingju elsku Kári og Brynhildur.

Sól sól skín á mig...

Þetta er aldeilis flott veður sem við fáum þessa daganna, ég nenni engu umfram blogg og liggja í sólbaði.

Á morgun verður engin letidagur, tvöföld fermingarveisla í sveitinni n.t.t. á Snæfellsnesi, fimmtugsafmæli á Skaga um kvöldið og stærst af öllu seint um kvöldið eða nóttina kemur elsta barnabarn mitt frá Danmörku og dvelur á Íslandi í hálfan mánuð.

Sandra María Högnadóttir 12 ára snót. Ég hlakka svo til að sjá hana en það verður væntalega ekki fyrr en á sunnudag, pabbi hennar fer á völlinn að sækja hana.

Held áfram að rúnta á blogginu

Ég á svo frábæra bloggvini sem skrifa svo vel að það er óþarfi að finna upp hjólið þegar ég get vonandi gefið fleirum forsmekkin af mínum bloggvinum.

Bloggið og skrifin hennar Jennýjar Baldursdóttur koma oftar en ekki út hláturgusunum þrátt fyrir að hún skrifi um háalvarleg mál. Í dag gerir hún sérkennilegu máli Bæjarstjórnar Kópavogs skil, en þau í Bæjarstjórninni hafa töluvert verið í sviðsljósinu undanfarið og þá helst vegna mála sem fram hafa komið um staðinn Gullputta.

Ólína Torfadóttir ritar pistil á sínu bloggi undir titlinum "Hverskonar vettvangur er bloggið?" þar veltir hún upp hugmyndum annara um blogg og fordóma gegn því. Nauðsynleg lesning fyrir bloggara.

Páll Jóhannesson er Akureyringur, Þórsari og jafnaðarmaður. Hann skrifar um pólitík, fótbolta og dægurmál. Hann er góður sögumaður og endar alltaf bloggin sín á fróðleiksmolum. Fróðleiksmolar hans í gær voru: Fullnæging svína varir í u.þ.b. 30 mínútur.

Fyrrverandi talskona feminista sem er eðalbloggari og búin að standa vaktina lengi bæði sem talskona og bloggari er með ágætan pistil í dag um firringuna sem á sér stað í samfélaginu á sama tíma og við göngum gegn umferðaslysum að þá er sýning á hraðakstri í Smáralind og klikt út með kökuklessu!

 

Rúnturinn hjá bloggvinum

Það er ótrúlegt hvað það tekur langan tíma að skoða allt blogg hjá bloggvinum. Ég hef setið við tövuna frá kl.11:30 að skoða blogg og einstöku sinnum farið yfir á annað út frá þeim sem ég hef skoðað.

Ég hef líka hreinsað svolítið til á blogginu mínu eins og Jenný þar sem sum bloggin voru eingöngu virk í kringum kosningar. Svo eru alltaf einn og einn sem hætta eða flytja sig annað. Sumarfrí tilkynna líka margir þessa dagana.

Það sem helst hefur fangað athygli mína á þessum bloggrúnti er bloggið hjá Þorsteini Ingimarssynisem fjallar um staðsetningarbúnað á erlendum konum hér á landi við vinnu sína, það er svínslegt ef satt er og hvar er vinnueftirlit og lögreglueftirlit?

Brasilískst vax hefur verið töluvert í umræðunni á vefsíðum og í blöðum undanfarna mánuði og ekkert lát á. Heiða Bergþóra Þórðardóttir er ein þeirra sem hefur tekið þetta fyrir og gerir grín af þessu með skemmtilegum sans fyrir gagnrýni. Það er af sem áður var þegar við konur þurftum að berjast fyrir því að verða ekki rakaðar að neðan við barnsfæðingu, nú hafa rakarar fæðingadeilda ekkert að gera og engar stolpípur heldur! Það skildi þó aldrei vera að þeir hafi komið þessu í tísku aftur sem höfðu þennan starfa innan fæðingadeildanna?

Að síðustu bendi ég á blogg vinkonu minnar Ástu Ragnheiðar sem bloggar um allsérstakt náttúruundur við Þingvelli, svokallaðar klettagæsir.

Sólin

Ég ligg í sólbaði og les blöð. Gæti ekki haft það betra.

Margt er samt ljótt í blöðunum í dag, eins og frásögn konu af linnulausi ofbeldi manns sem þóttist eiga konuna afþví hún fékk landvistarleyfi í gegn um hans fyrirtæki og vann hjá honum. Hafði bara ekki fantasíu fyrir því áður að hugsa um hvað vinnuveitendur getað ógnað fólki með þessum rétti eða lögum um landvistarleyfi til launþega hjá einkafyrirtækjum. ÖMURLEGT  Þetta verður að stoppa strax.

Viðtal við einn af þremennigunum sem voru í bílnum sem lenti á Hamborgarabúlluna, hann var eigandinn og sat frammí, þetta er eitt af þessu íslenska fyrirbrygði allir vinir og jolly jolly.... eigandinn fékk sér í glas og hitti svo bara strák sem hann fékk til að keyra bílinn heim og einhver stelpa greinilega fylgir með og situr í aftursætinu beltislaus þrátt fyrir athugasemd eigandans... svo bara gerist þetta... 

Stend með þeim

Hér á Akranesi er sem betur fer ekki mikið um umferðarslys , en því miður þeim mun fleiri sem eiga hér heima sem verða fyrir því í nágrenni byggðarinnar. Oft var Hvalfjörðurinn erfiður  og mörg slys áttu sér stað þar sem hefur eðlilega minnkað með breyttum aðstæðum. Vegurinn á milli Akraness og Reykjavíkur er samt stórhættulegur vegna mikils álags ökutækja.

Vonandi bætast starfsmenn sjúkrahúss Akraness með ásamt sjúkraflutningamönnum. Baráttukveðjur til allra sem koma að þessu.

Fleiri bætast í göngu gegn bílslysum