Góður rómur gerður af tónleikum Palla!

Var að koma úr bænum. Fór í dag til að kaupa eitt stykki eldhúsinnréttingu í Ikea, það er allt í vinnslu. Á leiðinni út hitti ég Jónu bloggvinkonu brúna, vel út hvílda frá Bretlandseyjum í þeim erindagjörðum að kaupa kerti í íslenska kuldanum, ekki skrýtið það, að bæta sér upp hitatapið frá gamla heimsveldinu.

Ég fór í bíó kl sex að horfa á myndina "Kjötborg" eftir Þorfinn Guðnason, klukkutíma löng heimildarmynd um gömlu Pétursbúðin á horni Ásvallagötu og Blómvallagötu. Mikið kom myndin mér þægilega á óvart, ótrúlega skemmtileg og góð. Mæli með að allir sjái myndina í Háskólabíó.

Mannurinn fór á tónleika með Palla, mágur minn fór líka, bræður mínir, (tvíbbarnir) bróðir mágs míns,  sonur hans, og vinur. Algjör karlafans! 

Allir voru þeir hrifnir af Palla og hljómsveitinni sem spilaði undir  hjá honum. Palli var klappaður tvisvar upp og fullt var í höllinni en dálítið loftlaust um tíma.

Paul Simon hélt tónleika í Laugardalshöll

Athugasemdir

[Jenný Anna Baldursdóttir, 2.7.2008 kl. 00:15]

Brynja tengdó og vinkona hitti Jónu líka.  Hvað er þetta, allt að gerast í IKEA eða er Jóna farin að vinna þarna í sumóinu?

[Lilja Guðrún Þorvaldsdóttir, 2.7.2008 kl. 00:35]

Er Ikea semsagt inn þessa dagana.? En hversvegna skelltir þú þér ekki með þeim á tónleikanna líka?

[Edda Agnarsdóttir, 2.7.2008 kl. 00:44]

Æi ég er ekki mjög mikið fyrir að standa í margmenni Guðrún mín!

Hún Jóna var bara ótrúlega falleg, það mætti frekar halda að hún hafi verið uppi fjöllum en ekki í Englandi, það var svo heilbrigt útlitið á henni! En þetta er auðvitað meðmæli með Englandi - nú geta allir farið þangað!