Íbúð í Kaupmannahöfn.

Í Kaupmannahöfn er erfitt að finna íbúð á leigu, hins vegar er nóg framboð á íbúðum til sölu. Þær íbúðir sem seljast fyrst eru svokallaðar kaupleiguíbúðir eða eitthvað í líkingu við það. Er ekki kunnug reglunum, en það er t.a.m. Andels bolig. Það eru margir sem neyðast til, eða reikna það út, að kaupa íbúð sé jafnvel hagstæðara, en ekki eingöngu vegna leiguverðs heldur meira vegna þess hve erfitt er að fá leiguíbúð.

Sonur minn er 27 ára og býr í Kaupmannahöfn á stúdentagörðum ásamt kærustu sem er jafngömul honum og dóttur sem er hálfsannars árs. Hann kláraði námið sitt s.l. vor og kærastan fékk svo góða vinnu að þau vilja vera áfram í Kaupmannahöfn um sinn. Þau hafa leitað mikið að íbúð undanfarið í gegn um netið og auglýsingar og hafa fengið lítil viðbrögð. Danir eru orðlagðir fyrir það að svara ekki tölvupósti þótt beðið sé um samband í gegn um tölvupóst.

Er einhver sem veit af íbúð til leigu í Kaupmannahöfn, annaðhvort í eigu Íslendings eða Dana?

Leiguverð sem þau geta borgað er frá 6000 - 8000 þús danskar.

STENDER AMAGER

Hágreiðslustofan  Stender í Amagercentret er stofa sem er ný endurgerð og breytt og þar þarf ekki endilega að panta tíma. Ég labbaði þangað spurði hvort ég gæti fengið hárþvott, háþurrkun og sléttað hárið, ég nennti ekkert að gera neitt fyrir hárið á mér áður en ég fór, ég hafði bara vöðlað því upp í teyju . Jú það var hægt hálftíma síðar.

Ég rölti niður á einn veitingastaðinn og fékk mér salat og vatn, þegar ég var búin var passlegt að rölta upp, þegar ég kom upp hugðist ég bara setjast, var snemma í því, en þá tók ég eftir því að það voru engin biðstofusæti svo ég stóð þarna, komin úr kápunni og vissi eiginlega ekki hvað ég átti að gera við mig, varð svona eins og hálfviti. Allt í einu sá ég fatasnaga og ákvað að fara þangað með kápuna og í því mætir mér stúlka og býður mér að setjast í einn stólinn við spegilinn sem var allur uppljómaður með perum á bakvið og er ég leit í spegilinn þekkti ég ekki sjálfa mig, ég var skorpin, hvít, með slit í húðinni öðrum megin við nefið og öll roðaleit á hökunni. Ég hugsaði að það væri bara best að halda áfram að vera hálfviti, ég er hvort sem er farin að heyra illa og hávaðinn inni var nægur til að afsaka enn betur heyrnaleysið. Stúlkan sagði mér að það kæmi til mín önnur til að sjá um mig og benti í áttina að gulrótarrauðhærðri stúlku (sko litað hár) og spurði hvort ég vildi kaffi. Stuttu síðar var stúlkan að tala við þá gultótarrauðhærðu og sú síðarnefnda var að þurrka hár á einum kúnnanum og kallaði eitthvað yfir til mín sem ég heyrði ekki, en ég bara kinkaði kolli.

Gulrótarrauðhærða stúlkan kom nú yfir og skoðaði hárið á mér og sagði mér að stúlkan myndi þvo á mér hárið og svo kæmi hún á eftir og sagði að hárið á mér þarfnaðist djúpnæringu það væri svo slitið og þurrt og það væri líka gott að klippa spíssana aðeins! Ég sagði bara já já allt í fína, það má líka alveg klippa meir ef þú hefur tíma, jú hún hafði tíma í það.

Þannig varð nú það að ég fór alsherjar yfirhalningu á mettíma, hárið þvegið með sérstöku höfuðnuddi, djúpnæringin sett í með enn meira nuddi alveg niður á herðar og síðan þvegið og skolað aftur. Þá kom gulrótarrauðhærða og tók til við skærin, þurrkuna og sléttujárnið, útkoman var fín og hún lofaði að hárið mundi haldast svona í fjóra daga og bætti við að þau hefðu notað þessi efni og kom með tvær flöskur til mín af shampói og næringu og sagði það henta mínu hári. Ég var í skýjunum með hárið og sagði bara já takk ég var hvort sem er nýbúin að taka út úr bankanum 1000 kr. danskar og bara búin að eyða 60 kr af því í salatið og það væri nú í góðu lagi að vera svolítið grand, það væri nú ekki svo oft sem ég færi á hárgreiðslustofu!

Reikningurinn varð 1136 kr. og auðvitað varð ég þá að nota Visa kortið og lét á engu bera. Ég hef ekki þorað að taka upp strimilinn fyrr en í dag aftur, en þessi gjörningur var framin í fyrradag.

Klip og Fon                                             498,00 kr

Kurbehandling SP med massage            198,00 kr

CLEAR MOISTURE Shampoo 300ml.        210.00 kr

CLEAR MOISTURE Conditioner 250          230.00 kr

ialt                                                         1.136,00 kr

Grunnskólakennarar eru orðnir lægstir í launum af öllum uppeldisstéttum.

Það er af sem áður var þegar Grunnskólakennarar fylgdu þingmönnum í launum og þá var líka oftast ein fyrirvinna á heimilum, en samt ÞINGMANNAKAUP.

Í dag eru laun kennara orðin að meðaltali 40 þúsund krónum lægri á mánuði en kaup leikskólakennara og ekki þykja þeir vel launaðir allavega hjá Reykjavíkurborg. En Leikskólakennarar eru vel að þessu komnir og mættu vera hærri þess vegna. Þroskaþjálfar eru hærri í launum en Leikskólakennarar og er það líka vel. Það sem er skrýtnast í þessu öllu er hvað kennarar hafa dregist aftur úr og miðað við samningagerðir í launamálum þá hef ég aldrei vitað til þess að hægt væri að semja um 40 þúsund á einu bretti, þannig að staðan er slæm.

Mér finnst að allar þessar uppeldisstéttir eigi að hafa sömu laun. Ég segi að grunnskólakennari eigi að hafa 490 þúsund í laun á mánuði.

Skólastjórar segja ekki lengur hægt að halda úti lögboðinni kennslu

Norsarar kenna Íslendingum um sníkjudýrið Giardia!

Í fréttum klukkan 14 í dag á RUV mátti heyra þessa frétt um neysluvatn Norsara. Þeir segja að Íslendingar hafi komið í veg fyrir að Noregur  fengi evrópskar reglur um heilnæmi neysluvatn eins og aðrar Evrópuþjóðir sem þýðir að vatnssveitur verða að uppfylla ákveðin skilyrði.

Nú

er ég smá svona tóm yfir öllum borgarmálunum og bíð eftir góðum fréttum í kvöld. En á meðan ég bíð ætla ég að setja mynd af Magneu minni inn á bloggsíðuna sem ég er að fara til á laugardaginn. Varð bara eftir að hafa skoðað einn flottan hnoðra á einni bloggvinasíðunni.

                                         Svona er hún Magnea mín.

 

Hverjir voru á undan?

Það er greinilegt að það er lagt mikið upp úr að hafa lögfróða menn í stjórnarnefndinni enda ekki vanþörf á. Það er alltaf dálítið óþægilegt þetta Jón Sigurðssonar nafn af því að þeir eru tveir sem hafa verið í Seðlabankanum og finnst mér þetta athyglisvert ef þetta er Fyrrverandi formaður Framsóknar?

En hverjir sátu í þessari stjórn á undan og hvernig var skiptingin á milli flokka þar? Maður er náttúrlega d´æalítið utan gátta í þessu öllu . En ég er alveg klár á því að Þorsteinn bloggvinur minn veit þetta allt.

Bryndís Hlöðversdóttir nýr stjórnarformaður Orkuveitu Reykjavíkur

Villi + minnisleysi = gagnleysi

Þetta er það allra klikkaðasta sem þessi orkuveitu farsi er að taka á sig. Ég er ekki en farin að skilja það að borgarstjóri sé einn að krapla í skjölum með einhverjum tveimur mönnun !

 Hvar er aðstoðarfólkið og ráðgjafar borgarstjóra í þessum píramída?

Minnist þess ekki að hafa séð minnisblaðið

Víkings maltöl

                                               

                                                          

Einn er sá drykkur sem mér þykir með eindæmum góður, það er maltöl. En það er ekki sama hvort það er Egils eða Víkings. Ég elska Víkings maltöl. Mér finnst það léttara til drykkju ekki eins þykkt og þungt og Egils maltölið.  Þetta fékk ég ekki vitneskju um fyrr enn fyrir ca þremur til fjórum kannski fimm árum. Mörgum finnst ég stórskrýtin að ganga framhjá Egils maltöli og hafa bæði mörg og stór orð um að Egill sé miklu betri, án þess að gera samanburð, einskonar trúbrögð. Það versta er að Víkingurinn er ekki til sölu nema á örfáum stöðum, nema fyrir jólin, þá er hann út um allt. Mér finnst gott að fá mér malt um helgar og ef ég ekki fæ Víkinginn sleppi ég því að kaupa maltið

Því miður finn ég ekki mynd af dósinni góðu - ef einhver finnur mynd af uppáhaldinu mínu viljið vera svo væn/vænn að senda mér hana!

Íslenski skemmtiþátturinn rann aðeins betur í kvöld en fyrir viku, en ekki var hann

hnökralaus.

Lögin voru betri en síðast og ég kaus Magga Eiríks enda flutningur Pálma með ólikindum miðað við lengdartímabil reynslu í söngnum. Pálmi er náttla besti karldægurlagasöngvari sem við eigum. Stúlkan sem var með honum, Hrund held ég að hún heiti verður að æfa sig betur, kannski stress ekki óeðlilegt, mér fannst hún ekki alltaf halda lagi.

Edgar söng að vísu eins og venjulega eins og engill, lagið var fallegt og notalegt.

Hvað er Dr. Gunni alltaf að hugsa, lagið hans var fínt, en er það ekki fullmikið að yfirfæra leikskólalag yfir í Eurovision? Ég veit það ekki sjálf, einfeldni lagsins og útsetningin engin, bara svona demó! það er kannski bara fínt!

Í rauninni var Jón Gnarr bestur og lagið hans ætti að fara áfram.

Pissukallar/strákar/dúkkur

Mikið er ég fegin að lögreglan haldi við þessari eftirlitsferð sinni og venji menn á að pissa í klósett. Það versta er kannski að foreldrar þessara manna hefur gjörsamlega mistekist að venja þá á kopp eða klósett og ættu þeir því að vera með bleiu. Nú á tímum fást bleiur fyrir fullorðna í apótekum og ekkert vandamál fyrir þessa menn að setja á sig áður enn farið er í miðbæinn með pelana sína. Bleiur taka bæði við þvagi og saur, kannski verður þetta næsta regla eða lögreglusamþykkt að menn gangi með bleiur ef ekki er hægt að venja þá!

Ellefu ákærðir vegna óviðeigandi hegðunar í borginni í nótt