Um síðustu jól...

... þegar ég fékk alla afkomendur mína til mín fór ég til Eyrúnar hágreiðslukonu og kennara með tvíburana mína í klippingu. Það var ekki alveg uppáhald hjá þeim að fara til ókunnugra á Íslandi í klippingu. Þau voru bæði feimin en Jón Geir var öllu feimnari eða eiginlega hræddur því hann fór að gráta í stólnum, Edda var borubrattari afþví að hún vissi að hún fengi svo fínt hárið með fastar fléttur.

Hér eu nokkrar myndir frá í vetur af tvíburunum.

 

 

 

 

 

Hér er ég að taka mynd af Eddu og Eyrúnu hárgreðslukonu. Edda komin með fastar fléttur.

 

 

 

 

 

 

Edda sýnir á sér hliðina með föstu fléttuna og Jón Geir situr í stólnum í klippingu.

 

 

 

 

 

 

 

Edda og Jón Geir komin heim til ömmu eftir klippinguna og amma tók mynd af þeim báðum saman.

 

 

Svo er ein í lokin af ungfrú Magneu sem elskar Bínu bálreiðu og amma komin í rúmið með henni að lesa.

Meir af kennurum á Akranesi

Fyrir stuttu síðan skrifaði ég um erindi grunnskólakennara á Akranesi til bæjarráðs sem þótti ekki svaravert.

Trúnaðarmenn kennara hafa ekki setið auðum höndum síðan það var ljóst að ekki átti að virða grunnskólakennarana viðlits og settust á rökstóla um það hvernig málum skildi háttað í framhaldi af þessari niðurlægjandi framkomu bæjarstjórnarmeirihlutans á Akranesi.

Sameiginlegur fundur kennaranna úr báðum grunnskólunum á Akranesi samþykkti að senda tvö bréf til bæjarstjórnar, skólanefndar og fjölmiðla frá sinn hvorum skólanum, áður en gripið yrði formlega til aðgerða með stoppi á forfallakennslu og yfirvinnu, þótt margir hafi tekið ákvörðun fyrir sig varðandi stoppið.

Bréfin voru tekin fyrir á bæjarráðsfundi s.l. fimmtudag og svörin eru vísun í að þeir hafi ekkert með kjaramál kennara að gera heldur Launnefnd sveitarfélaga. Hér er bréfið sem sent var frá Brekkubæjarskóla.

16.   Bréf Sigríðar K. Ólafsdóttur og Sigríðar Skúladóttur f.h. kennara og leiðbeinenda í Brekkubæjarskóla, dags. 15.4.2008, og bréf Elís Þórs Sigurðssonar f.h. kennara í Grundaskóla dags. 09.04.2008,  varðandi mikið álag á kennurum og leiðbeinendum og viðbótargreiðslur til handa þeim líkt og gert er nú í nágrannasveitarfélögunum.

Meirihluti bæjarráðs vill taka fram að hann metur störf kennara í skólum kaupstaðarins og annarra starfsmanna kaupstaðarins mjög mikils en ítrekar  samþykktir sínar varðandi kröfur um breytingar á launum  að samningar eru í gildi milli Akraneskaupstaðar og stéttarfélaga, ekki er meiningin að þeim verði breytt á samningstímanum.

Áréttað er að Launanefnd sveitarfélaga fer með samningsumboð Akraneskaupastaðar.

Bæjarstjóra er falið að koma þessari bókun til bréfritara.

Magnús vísar til fyrri tillagna og bókana minnihluta bæjarstjórnar varðandi jöfnun kjara hjá starfsmönnum Akraneskaupstaðar í samanburði við sambærilegar stéttir í sveitarfélögunum á höfuðborgarsvæðinu.

Nöturleikinn er sá að bæjarstjórnarmeirihlutinn lætur eins og þessir sérstöku starfsmenn Akraneskaupstaðar, grunnskólakennara eigi engan þátt í velsæld bæjarins og aukinni búsetu fólks hér á undanförnum árum. Akranes hefur nefnilega hingað til getað státað sig af því að vera góður skólabær með skóla og menntun barna okkar í fremstu röð.

Meiri skrípaleikur

Það er eins gott að þeir sem eiga aðild að þessum skrípaleik samanber Akraneskaupstaður fari að huga að vilja almennings í þessum málum.

Hvaða mönnum dettur í hug að koma með tillögu sem stríðir gegn samþykktum frá síðasta eigendafundi Orkuveitu Reykjavíkur og samþykktum borgarráðs nýverið.

Það er bara ekki í lagi með sumt fólk   -  afhverju eru þessir menn í pólitík?

Ættu þeir ekki að reka sín eigin fyrirtæki?

Geta þeir ekki leikið sér með eigið fé?

Látið almannafé í friði og hættið þessu gamaldags stórkallabrokki!

 

Hörð gagnrýni á tillögu um REI

Hvað er flensa eða hvað þýðir orðið Flensa?

Svarið er komið frá einum bloggvini Gunnari Þór Jónssyni.

 

Úr Wikipediu, frjálsa alfræðiritinu

(Tilvísun frá Flensa)

Fara á: flakk, leita

Flensuveirur séðar í smásjá

Inflúensa, eða flensa, er smitsjúkdómur sem leggst á fugla og spendýr, og í spendýrum koma helstu einkenni fram í efri öndunarfærum og í lungum. Sjúkdóminn má rekja til RNA veiru (af Orthomyxoviridae fjölskyldunni).

Algengustu einkenni í mönnum eru sótthiti, hálsbólga og eymsli í hálsi, höfuðverkur, vöðvaverkir, hósti og þreyta.

Þótt ýmsir öndunarfærasjúkdómar séu í daglegu tali nefndir flensa er raunveruleg inflúensa talsvert frábrugðin venjulegu kvefi, og mun alvarlegri. Einstaklingar sem smitast af inflúensu þjást oft af miklum sótthita í eina til tvær vikur, og ef ekki er brugðist rétt við, eða ef einstaklingurinn er veikburða fyrir, getur sjúkdómurinn leitt til dauða.

Inflúensa er bráðsmitandi og berst um heiminn í árvissum flensufaröldrum. Þegar flensufaraldur geisar yfir látast alla jafna milljónir af völdum sjúkdómsins, en í hefðbundnu árferði nemur tala látinna hundruðum þúsunda á ári. Á 20. öldinni hafa þrír flensufaraldrar geisað, í öll skiptin í kjölfar stökkbreytingar á veirunni sem dró úr getu fólks til að berjast við sjúkdóminn.

Sú tegund influensu sem líklegast er að geti brotist út í alvarlegan alheimsfaraldur um þessar stundir nefnist H5N1, en þessi influensutegund er betur þekkt sem fuglaflensa.

--------------------------------------------------------------------------------------------------------------------------

Á þessu heimili eru þrír veikir núna. Móðir mín er líka veik heima hjá sér síðan á mánudag og er það mun verra en hjá okkur enda er hún orðin fullorðin.

Einhverskonar flensuskítur er enn í gangi.

Mikið lifandis skelfing  verð ég fegin þegar þessi vetur er búin ef hann þá klárast. Mér finnst eins og fólk í kringum mig hafi aldrei verið svona mikið veikt af flensuskít og pestum eins og það hefur verið í vetur.

Sólin skín akkúrat núna úti og vonandi verður veðrið eitthvað glaðlegra á næstunni. Ég er farin að þrá hitann.

Ég veit ekkert hvað þetta flensuorð er og enn síður veit ég hvað eða hvernig á að greina á milli flensustofna og ansi hart að sumir eða margir geti fengið margar flensur á einum og sama vetri.

Þótt ég sé veik í dag tel ég mig ekki vera með flensu - ég var sprautuð fyrir henni í haust og er ánægð með það. Samt náði ég mér í eiinhvern kvefskít í DK sem gerir sloj og hef ég notið þess vel að hvíla mig heima í dag.

Flensufaraldur hefur náð hámarki

Stúlkubörn blekktar undir merkjum fáfræði og fátæktar.

Skoðið niðurlag þessarar fréttar.

 Hvaða möguleg áhrif geta Vesturlandabúar haft á þessi múslömsku ríki til að afnema þennan ósóma ?

Þetta er falin misnotkun og ofbeldi með því viðbjóðslegra.

 Í bókinni "Arabíukonur" eftir Jóhönnu Kristjónsdóttir segir hún, að Jemen sé með frumstæðustu og fátækustu ríkjum Arabaheimsins. Jemen er aftur úr öllu nema fegurð segir hún. Barnamergð er mikil meðal hjóna eða frá átta börnum upp í fjórtán er algengt. Aðeins elstabarnið eða öllu heldur elsti sonurinn fær að læra að lesa. Á þjóðþingi Jemena sitja menn sem ekki kunna að lesa. Samt voru tvær konur sem töldust til skörungar í sinni tíð sem hafa stjórnað þessu landi, það er drottningin af Saba 995 fyrir krist og hin er drottningin Arwa Akmedsdóttir sem stjórnaði þessu ríki á 11. öld eftir krist og langt fram á 12. öld.

Átta ára stúlku veittur lögskilnaður

Ferming í Vejle 6. apríl kl. 10:30.

 

 Fermingin í Vinding kirkju í Vejle var falleg athöfn. Presturinn var greinilega vel skipulagður og vanur. Fjölskyldur fermingarbarna stóðu upp þegar fermt var eins hér var áður fyrr. Að mörgu leyti var þetta persónulegra en nú er orðið hér þar sem hér  minnir meir á vertíð og færiband.

Veislan var þó með allt öðru sniði en við eigum að venjast, hér var veisla á hóteli sem minnti kannski meir á brúðkaup en fermingu. Þriggja rétta máltíð ásamt kaffi og konfekti og aftur svokallaður "nattemad" kl 18. Veislan var frá 13 til 21. Þjónar þjónuðu til borðs og setið við háborð, breytt fyrir kaffið. En nú skuluð þið halda ykkur fast, það var vín með matnum og bæði hvítt og rautt  og blöss þegar við komum  og bjór með nattematnum. Svo var auðvitað fullt af gosi handa börnum og þeim sem ekki smökkuðu vín. En það var sko ekki í stóru ljótu plastflöskunum heldur í upphaflegri gosstærðar flöskum - mun penna takk. Þetta var sérstakur og góður dagur og ég skemmti mér vel og fermingarbarnið geislaði. Takk fyrir mig.

Ég ætla að birta nokkrar myndir úr ferðinni en svo ætla ég að reyna að setja myndir inn í myndaalbúmið hér til hliðar.

Sandra María og pabbi hennar Högni elsti sonur minn.

 

 

 

 

 

 

 

                                                   Ég og Sandra María fyrir utan Vinding kirkju daginn áður.

 

 

 

 

 

 

 

 

Sandra með Helenu mömmu sinni.

 

 

 

 

 

 

 

Langamma Myrtley og Sandra María með Nýja Testamenntið sem öll fermingarbörnin fengu að gjöf frá kirkjunni. Í DK fermast allar stúlkur í hvítum kjólum, svolítið eins og brúðarkjólar, kannski eins og í gamla daga hér á landi. Kjóllinn hennar Söndru var keyptur í þekktri brúðkjólaverslun um alla Danmörku sem heitir LillÝ. Ég held að hann sé bara notaður þennan dag eins og brúðarkjólar.

 

 

 

 

 

 

 

Hulda og afi Hannes í Garðabæ.

Hér er svo önnur af krúttunum...

mínum, sem fermist á morgun í Vinding kirkju í Vejle. Þetta er SANDRA MARÍA HÖGNADÓTTIR.

Þetta er ein af myndunum sem hún hefur unnið á ljósmyndanámskeiðinu í vetur.

Svo kemur mynd af henni með litlu systur sinni sem heitir Daniella.

Hér er eitt af krúttum mínum...

...hún MAGNEA SINDRADÓTTIR.

Magnea er á leikskóla og finnst mikil upphefð þegar hún er sett í hóp með eldri börnum á skólanum sem hún fékk í dag og vildi ekki heim með pabba sínum því það var svo gaman.

Það skemmtilegasta sem hún gerir í dag, er að skoða allskonar buddur og eru snyrtibuddur fremstar í áhugasviðsröðuninni. Hún er búin að skoða mína og náði að klína maskara í fötin og hendurnar voru svartar + andlitið.

 

Er að fara til Danmerkur, bara svo ...

þið vitið það!

Mér hefur ekki verið rænt í þetta skiptið, en maður veit aldrei hvað gerist. Ekki að ég óski þess,  það er langt í frá, þetta er meira tilkynningaskylda til bloggvinanna svo þeir haldi ekki að það séu til litlir bófó og gæpónar í kringum mig.

Allir svo elskulegir og sætir og mikil sólarbörn hér í kring um mig, börnin hér fá líka sólir í umbun fyrir góðverk.

Það er spurning hvort ekki ættu að vera til handjárn í skólum dagsins í dag? Þetta með tryggingar er heldur ekki galið!

Hér hafa verið eyðilagðir bílar fyrir kennurum. Hér hafa líka verið eyðilögð hús fyrir kennurum. Hér hafa líka verið eyðilögð föt og skór fyrir kennurum.

Ég veit það ekki - þetta setur mann auðvitað í neikvæða gírinn og hugsunin verður rýr. Hér hefur einn kennari bloggað um málið.

Ætluðu að ræna kennaranum

Það þarf mikilmenni til að gabba eða góðar stofnanir!

Aprílgöbbinn eru líklega að enda þegar líður á daginn. Ég hljóp saklaust aprílgabb þegar samstarfsmaður minn sagði mér þegar ég mætti honum á göngunum í dag að húsvörðurinn vildi tala við mig og ég fór til húsvarðarins meir í gamni en alvöru til að leyfa kollega mínum að fá að vera barn  og segja, "allt í plati 1. apríl".

Í dag létu kennarar grunnskólanna á Akranesi nemendur 5. bekkjar hlaupa  aprílgabb með stæl. Kennararnir lásu upp tilbúið bréf frá kennara jarðeðlisáfanga Fjölbrautarskóla Vesturlands, þar sem hann leggur fram beiðni þess efnis að þau aðstoði hann og nemendur hans við tilraun, sem gengur út frá að kanna áhrif þrýstings á hreyfingar í jarskorpunni og það hvernig bylgjur vegna utanaðkomandi áhrifa berast eftir jarðskorpunni. Hann vildi m.a. kanna áhrif þrýstings frá mannfjölda á þessar bylgjur.

Það sem beðið var um var að nemendur færu út á sinar skólalóðir kl. 10:10 í morgun og hoppa eins og þau gætu í eina mínútu. Þeir ætluðu síðan að mæla þrýstinginn jafn óðum og hann bærist til þeirra. Kennarra árgangsins voru í símasambandi við rannsóknarkennarann og gerðu þetta sem trúverðugast. Krakkarnir bitu á agnið og kennurum og nemendum til mikkillar ánægju.

Hér er hægt að skoða heimasíðu Brekkubæjarskóla sem ssegir frá gabbinu í dag. http://www.brak.is/Default.asp?Sid_Id=25965&tId=99&Tre_Rod=&qsr

Hér er svo heimasíða Grundaskóla sem segir einnig frá gabbinu. http://www.grundaskoli.is/Default.asp?Sid_Id=27775&tId=99&Tre_Rod=&qsr

Bob Dylan í Austurstræti